1 Timoteo 1:17 - El Nuevo Testamento y Salmos

¹⁷ Tyicheꞌ jaatyátzaahuatyeꞌen tyajta tyaatatyójtziꞌreꞌen aꞌɨ́jcɨ ɨ tajtúhuan tɨ jusén jɨn tyiꞌtyéjvee, capu aꞌnáj muɨꞌnyij, ajta sɨ́ɨj naꞌaj aꞌɨ́ɨn puéꞌeen ɨ Dios. Cheꞌ aꞌyan tyáꞌraꞌnyij.

1 Timoteo 1:17 ပူးပေါင်းရင်းမြစ်များ

SALMOS 10:16

Tavástaraꞌ pu Rey jɨn tyiꞌtyéjvee jusén jɨmeꞌ; ¡aꞌɨ́ɨmaj mu eeráꞌityiꞌhuaj joꞌmaj jaꞌchej ɨ maj quee tyáꞌtzaahuatyeꞌ!

SALMOS 106:48

¡Cheꞌ tyámuaꞌ tyíꞌsejriaꞌaj ɨ Tavástaraꞌ, huaꞌ Dios ɨ maj Israel jitze ajtyámaꞌcan, cheꞌ aꞌyan tyíꞌsejriaꞌaj jusén jɨmeꞌ! ¡Micheꞌ néijmiꞌi aꞌyan tyuꞌtaxáj tɨjɨn: “Cheꞌ aꞌyan tyáꞌraꞌnyij”! ¡Alelúuyaj!

SALMOS 145:13

Aꞌɨ́jna ɨ paj jɨn tyíꞌijta aꞌɨ́j paj jɨn jusén tyuꞌtaꞌíjtaj, ajta ɨ paj jɨn antyíaꞌmuaꞌreej jusén jɨmeꞌ pu séeriaꞌaj jaꞌmej.

SALMOS 41:13

¡Cheꞌ tyámuaꞌ éenyeꞌej séjreꞌej ɨ Tavástaraꞌ, huaꞌ Dios ɨ maj Israel jitze ajtyámaꞌcan, ijíij ajta jusén jɨmeꞌ! ¡Cheꞌ aꞌyan tyáꞌraꞌnyij!

SALMOS 45:1

Nyatzájtaꞌ pu nyúucarij tásiseerii tɨ naa huánamuajrii, ajta ɨ nyenyanúu pu aꞌyan een tɨꞌɨj ɨ tɨ jɨn tyéꞌyuꞌxaj aꞌɨ́jna ɨ tɨ tyámuaꞌ naa tyíꞌyuꞌxacaa. ¡Aꞌɨ́j nu nyij tyámuaꞌ naa tyuꞌtaxájtaj aꞌɨ́jcɨ jimi ɨ tɨ rey jɨn tyiꞌtyéjvee!

SALMOS 45:6

Ɨ paj jɨn tyíꞌijta, taj Dios, jusén pu jɨn séejreꞌ, ajta aꞌɨ́ɨn puéꞌeen ɨ tɨ tyámuaꞌ naa tyíꞌijta.

SALMOS 57:11

Nyaj Dios, muáaj paj japuan jáꞌsejreꞌ ɨ tajapuá tɨ séejreꞌ. ¡Aꞌɨ́jna ɨ paj jɨn naa huaséꞌrin aꞌɨ́ɨ pu néijmiꞌqueꞌ oorióonajchi ɨ cháanacaj japua!

SALMOS 90:2

Tɨꞌɨj quee eexúj majaꞌhuáꞌtacaj ɨ jɨríj ajta quee majaꞌhuáꞌtacaj ɨ chuéj ajta cháanacaj, tɨꞌɨj naꞌaj ajcaꞌhuáꞌ ɨmuáj tɨ putyajáꞌrɨjcaa, ajta jeꞌej tɨ ooj yetyojooméj, muáaj paj Dios puéꞌeen.

San Mateo 25:34

Ajta aꞌɨ́jna ɨ Rey tɨ puéꞌeen, aꞌyaa pu tyihuoꞌtéꞌexaatyeꞌej aꞌɨ́ɨjma ɨ maj muácaꞌtaꞌ jáꞌsejreꞌ tɨjɨn: “Musioꞌváꞌjuꞌ muaꞌaj mu siaj tyámuaꞌ tyaatáꞌ ɨ nyavástaraꞌ, siataꞌaj jaꞌancuriáꞌan ɨ tɨ jáꞌmuacɨꞌtyij ɨ tɨ tyámuaꞌ éenyeꞌej tɨꞌɨj naꞌaj ɨ Dios tyeetyátaahuacaꞌ ɨ cháanacaj.

San Mateo 28:20

siajta huoꞌmuaꞌtyej mej mij néijmiꞌi jaꞌráꞌastej jeꞌej nyaj nyeríj tyajamuaamuáꞌtyej. Nyajta nyáaj aꞌyaa nu jaꞌmua jamuán séeriaꞌaj naꞌmej tɨꞌɨj naꞌaj yutɨj joꞌqueꞌtɨj jaꞌmej ꞌasta naꞌaj quee néijmiꞌi tyeꞌentyipuáꞌrej íiyan cháanacaj japua.

San Mateo 6:13

Capáj tyiꞌtáꞌcareꞌen tɨ taamuéꞌtɨn aꞌɨ́jna ɨ tɨ quee xáꞌpuɨꞌ, sulu pataꞌaj tajapuá huatányuunyij. Jiꞌnye muáaj paj tyíꞌijta, pajta néijmiꞌi putyíꞌuurej, aꞌɨ́j paj jɨn jusén jɨmeꞌ séejreꞌ.

San Juan 1:18

Capu aꞌtɨ́j aꞌnáj jaaséej ɨ Dios, sulu aꞌɨ́ɨ puꞌuj ɨ tɨ yójraꞌ puéꞌeen, ɨ tɨ ajta Dios jimi séejreꞌ, aꞌɨ́ɨ pu taatáꞌ tyej tyij jáamuaꞌtyij jeꞌej tɨ een ɨ Dios.

San Juan 5:44

¿Jiꞌnye tyíɨꞌrij siaj sij tyáꞌantzaahuatyeꞌen tɨpuaꞌaj jujɨ́ɨmuaꞌaj sianaꞌaj huatyóotzaahuatyeꞌen, siajta quee jahuoocaj ɨ tɨ naa huaséꞌrin ɨ Dios jimi?

Romanos 1:20

Tɨꞌɨj naꞌaj ɨ Dios tyeetyátaahuacaꞌ ɨ cháanacaj ɨ tɨ yujoꞌváꞌcaꞌaj, tyámuaꞌ pu naa tyéꞌmiteereꞌ jeꞌej tɨ een ɨ muárɨeꞌriaꞌraꞌ, ajta quee aꞌnáj huatyápuaꞌrij tɨꞌɨj naꞌaj yutɨj joꞌqueꞌtɨj jaꞌmej, jiꞌnye aꞌyaa pu tyíꞌsejreꞌ jeꞌej tɨ een ɨ Dios. Aꞌɨ́j pu jɨn quee jeꞌej tyíɨꞌrij tɨ aꞌtɨ́j séej jitzán tyoꞌojpuáꞌrityeꞌen.

Romanos 1:23

Jiꞌnye muꞌríj seequéj tyúꞌruuj séecan muꞌuj mij pujmuaꞌ najchej tɨquee Dios puéꞌeen, tɨ aꞌyan huaséꞌrin tɨꞌɨj tyévij, naꞌríij tɨꞌɨj pínaꞌaj, nusu tyiꞌtɨ́j tɨ muáacuacaa iiraꞌɨ́ɨcajmee caꞌ tyiꞌtɨ́j tɨ huacɨ́ɨnyejyiꞌij.

Romanos 11:36

Jiꞌnye néijmiꞌi pu aꞌɨ́jcɨ jimi tyajáꞌmaꞌcan ɨ Dios, aꞌɨ́ɨ pu néijmiꞌi tyúꞌtaahuacaꞌ ajta néijmiꞌi jimi tyíꞌsejreꞌ. Tyicheꞌ aꞌnáj tɨ naꞌaj tyéꞌtyojtziꞌreꞌej ɨ Dios. Cheꞌ aꞌyan tyáꞌraꞌnyij.

Romanos 16:27

Tyicheꞌ jusén jɨmeꞌ tyéꞌtyojtziꞌreꞌej ɨ Dios ɨ tɨ néijmiꞌi jɨn antyúumuaꞌreej, tyicheꞌ ɨ Jesús tɨ ajta Cɨríistuꞌ puéꞌeen jitze maꞌcan tyaatatyójtziꞌreꞌen. Cheꞌ aꞌyan tyáꞌraꞌnyij.

Romanos 2:10

Ajta ɨ Dios pu tyámuaꞌ tyihuoꞌtyátoosij aꞌɨ́ɨmaj ɨ maj tyámuaꞌ tyityetyúuchaꞌɨɨj, ajta huoꞌtyátzaahuatyeꞌsij, ajta tyámuaꞌ tyihuoꞌtyéjeevij jusén jɨmeꞌ, anaquéecan aꞌɨ́ɨjma ɨ maj Israel jitze ajtyámaꞌcan, ajta jeꞌen aꞌɨ́ɨjma ɨ maj séej chuéj japua jáꞌmaꞌcan.

Romanos 2:7

Dios pu huoꞌtaꞌsij maj jusén jɨn júurij muáꞌraꞌnyij aꞌɨ́ɨmaj ɨ maj xáꞌpuɨꞌ huarɨ́j, majta jajchóꞌvaꞌcaꞌaj tɨ Dios tyámuaꞌ tyihuoꞌtáꞌan,

Colosenses 1:15

Cɨríistuꞌ pu aꞌɨ́ɨn puéꞌeen ɨ tyaj jɨn jáamuaꞌreej jeꞌej tɨ een ɨ Dios ɨ tyaj quee jaséj, aꞌɨ́ɨ pu ajta aꞌɨ́ɨn puéꞌeen ɨ tɨ anaquéej séjriaꞌcaꞌaj tɨꞌɨj quee xu majaꞌtyiꞌtɨ́ɨtacaj.

Hebreos 11:27

Moisés pu tyáꞌantzaahuaj, aꞌɨ́j pu jɨn eerájraa a Egipto, ajta quee jatzɨɨnyaꞌcaꞌaj tɨpuaꞌaj tyinyúꞌcaj aꞌɨ́jna ɨ rey, aꞌyaa pu tyámuaꞌ eenyeꞌ jeꞌej tɨ tyiꞌtɨ́j jɨn tyaꞌtóoraj, cuxáa jaꞌséjracaꞌaj aꞌɨ́jna ɨ Dios tɨquee séejreꞌ.

Hebreos 2:7

Aꞌyaa paj jáaruuj tɨꞌij jéetzeꞌ cɨléenyeꞌ jɨn tyiꞌtyaváaj táꞌraꞌnyij, mequee aꞌɨ́ɨmaj ɨ maj tajapuá tyíꞌhuɨɨreꞌ, pajta tyámuaꞌ tyaatáꞌ, aꞌɨ́jcɨ jɨmeꞌ paj jaꞌantyíhuoj tɨꞌij jéehua huápuɨꞌɨj tyáacɨꞌtyij, majta néijmiꞌi tyámuaꞌ joꞌtaséj,

1 Pedro 5:11

Cheꞌ aꞌɨ́ɨn aꞌɨ́jna jɨn tyiꞌtyávaacaj ɨ tɨ néijmiꞌi jɨn antyúumuaꞌreeriaj jusén jɨmeꞌ.

2 Pedro 3:18

Siajta muaꞌaj siataꞌaj jéetzeꞌ tyámuaꞌ tyáamuaꞌtyij aꞌɨ́jcɨ ɨ tavástaraꞌ tɨ ajta Cɨríistuꞌ puéꞌeen, siataꞌaj aꞌɨ́jna jɨn huahuóseꞌen ɨ siaj jɨn huóoxɨeꞌveꞌen. Tyicheꞌ aꞌnáj tɨnaꞌaj tyéꞌtyojtziꞌreꞌej. Cheꞌ aꞌyan tyáꞌraꞌnyij.

1 Juan 4:12

Capu aꞌtɨ́j aꞌnáj jaaséej ɨ Dios, ajta tɨpuaꞌaj tyahuátaxɨeꞌveꞌen séej tyajta séej, Dios pu ityájma jimi séejreꞌ, ajta ɨ tɨ jɨn taxɨeꞌveꞌ pu ajta ityájma jimi néijmiꞌi séeriaꞌaj taꞌmej.

Judas 1:25

ajta ɨ Dios tɨ sɨ́ɨj naꞌaj puéꞌeen, ɨ tɨ tajapuá huatanyúj, tyicheꞌ aꞌɨ́j tyuꞌtatyójtziꞌreꞌen, jiꞌnye aꞌɨ́ɨ pu vaꞌcán jɨn tyiꞌtyéjvee, ajta néijmiꞌi jɨn tyíꞌijta, aꞌɨ́jna jitze maꞌcan jeꞌej tɨ huarɨ́j ɨ tavástaraꞌ Jesús tɨ ajta Cɨríistuꞌ puéꞌeen, tɨꞌɨj naꞌaj jájcuaj ɨmuáj, ajta ijíij, ajta jusén jɨmeꞌ. Cheꞌ aꞌyan tyáꞌraꞌnyij.

El Apocalipsis 15:3

Majta aꞌɨ́jna chuiicacaꞌaj jeꞌej tɨ huarɨ́j ɨ Moisés ɨ tɨ tyíꞌhuɨɨriaꞌcaꞌaj ɨ Dios jimi, majta aꞌɨ́jna jɨmeꞌ jeꞌej tɨ huarɨ́j ɨ cányaꞌaj. Aꞌyaa mu tɨjɨn: Huápuɨꞌɨj pu tyámuaꞌ naa huaséꞌrin jeꞌej paj tyiꞌtɨ́j jɨn huarɨ́j, tavástaraꞌ, Dios mu paj néijmiꞌi jɨn antyíaꞌmuaꞌreej, tyámuaꞌ pu een ajta tzáahuatyiꞌraꞌaj séejreꞌ jeꞌej paj tyíꞌijta, muáaj paj jusén jɨmeꞌ tyíꞌijta.

El Apocalipsis 17:14

Aꞌɨ́ɨ mu mij jaatanyoꞌsiꞌtyeꞌej aꞌɨ́jcɨ ɨ cányaꞌaj, ajta aꞌɨ́ɨ pu ɨ cányaꞌaj huoꞌtyámueꞌtɨj, majta aꞌɨ́ɨmaj jamuán séejreꞌ ɨ Dios tɨ huoꞌtajé ajta jeꞌen huaꞌantyíhuoj mej mij tyámuaꞌ eenyeꞌ, jiꞌnye ɨ tavástaraꞌ pu tyihuáꞌijtyeꞌ aꞌɨ́ɨmaj ɨ maj huaꞌ vástaraꞌ puéꞌeen ɨ tyeɨ́tyee, ajta aꞌɨ́ɨn puéꞌeen ɨ tajtúhuan tɨ néijmiꞌcaa tyíꞌijtyeꞌ ɨ séecan ɨ tajtúhuaanyij.

El Apocalipsis 19:1

Aj nu nyij tányij huóꞌnamuajriꞌ ɨ maj tajapuá caꞌnyíin jɨn muiꞌtɨ́j tyajáꞌxajtacaꞌaj, aꞌyaa mu tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye aꞌɨ́ɨ pu tajapuá huatanyúj, aꞌɨ́j pu ajta jimi jáꞌmaꞌcan ɨ tɨ naa huaséꞌrin, ajta ɨ tɨ jɨn néijmiꞌi putyíꞌuurej,

El Apocalipsis 19:16

Ajta ɨ máancajraꞌan jitze, huáritaꞌ pujmuaꞌ aꞌyaa pu tyéꞌyuꞌsiꞌ tɨjɨn: “Huaꞌ tajtúhuan ɨ tajtúhuaanyij, ajta ɨ tɨ tyihuáꞌijtyeꞌ ɨ maj tyíꞌijta.”

El Apocalipsis 19:6

Aꞌyaa nu nyajta tyihuóꞌnamuajriꞌ maj jéehua ɨ tyeɨ́tyee tyíꞌxajtacaꞌaj, aꞌyaa pu namuajriaꞌcaꞌaj tɨꞌɨj joꞌtɨj jájtyij jaꞌancáamuɨꞌyej, ajta aꞌyan namuajriaꞌcaꞌaj tɨꞌɨj ɨ víityee maj tyényuucaꞌan. Aꞌyaa mu tyíꞌxajtacaꞌaj tɨjɨn: ¡Alelúuyaj! Tyicheꞌ tyaatatyójtziꞌreꞌen ɨ Dios, jiꞌnye puꞌríj huatyóochej tɨ tyuꞌtaꞌíjtaj ɨ tavástaraꞌ, ajta ɨ Dios ɨ tɨ néijmiꞌi jɨn antyúumuaꞌreej.

El Apocalipsis 7:12

aꞌyaa mu tyuꞌtaxájtacaꞌ tɨjɨn: Cheꞌ aꞌyan tyáꞌraꞌnyij. Ɨ tyaj jimi tyuꞌtáchuiicaj, ajta ɨ tɨ naa een, ɨ tɨ néijmiꞌi tyíꞌmuaꞌreej, ɨ tyaj jɨn tyéꞌtyojtziꞌreꞌ, aꞌɨ́j pu jimi jáꞌmaꞌcan ɨ Dios ɨ jusén jɨmeꞌ séejreꞌ. Cheꞌ aꞌyan tyáꞌraꞌnyij.