Títochi 3:3 - Diosichi Pila

³ Chiquilanan matute tenca iton jominlayoe. Uyanla cuwenta merátuchi timinla joto, encanaito nenamin jominlayoe. Chiquilanan tenca munate nenaminla joto, seiton quimin jominlayoe. Uyanla tanunca muna timin jominlayoe. Uyanlanan chiquilaca pa jominlae. Chiquila talanan pataamin jominlayoe.

Títochi 3:3 ပူးပေါင်းရင်းမြစ်များ

San Mateo 21:29

Naori jitiyoe titonan, wanbile tenca mancato jichunae tie.

San Lucas 21:8

Junni Jesús itsantinue: —Tencabe nenalarana! tinue. Duque tsachila Cristo joyoe tide jalaichunae tinue. O Cristo manjano ma faca joe latichunae. Junni nula tencabe nenalarana! mobenantiya encanailaituchun. Yalabe penenatulajona!

San Juan 8:34

Junni Jesunan manpato itsantie: —Nulabe tsarasica pachinayoe tie. Jerale jutsa quiminla jutsachi peyunla cuwenta jolajochunae.

Románolachi 11:30

Nula casaleri merátumin jominlanue. Junni israelítala merátuminla jonan, Diosi nulaca laquirato ayudainue.

Románolachi 6:12

Junni jutsabe mantailaituna! Seiton quisa carichinasa, natiya peleitulajona!

Románolachi 6:17

Junni nulachi tenchi Diosibe acradeseimanyoe. Casaleri jutsachi peyunla jominla jotonan, Diosichi sen fiquica merámin ilainue. Junni nula jun fiquica meráto, tencabi merán pun ilainue.

Románolachi 6:22

Junni nulari jutsachi peyun jominlanan, amana se loto Diosichi peyun cuwenta icala joe. Yabe mantaito nenaminca se suwachunae. Junni ya sen suwaca junlaca numatotiya sonnato polesa carichunae.

Románolachi 6:6

Junsi man fiquiman miralarayoe: Jesús corosibi puyato, chiquilachi jutsaca jun corosibi piyarinue. Chiquilachi jutsaca fe lonue yape chiquilari jutsabe mantaito nenalaratusa.

2 Coríntolachi 12:20

Aman lari nulachica jitori, laqui jono muquetue. Lachi nulacanan laqui jotusa tenjae. Jun tenchiri nulaca tsanque payinayoe. Pansile la janasa nula weyanlari quino itonunca quilaquichunae. Nulari pataan, uyanlaca fe jotusa pain, yucacuran, pa jun, isa tin, epe fiquica polarin, fe joyoe tin, tinilatichunae. Tsanqueri nenalarasa natiya munaratiyoe. Tsanque nenanilaranari, lari nulaca duque sonba payino patiichunae. Junca nulanan munaralaratuchunae.

Galácialachi 6:3

Tsachi manca epe jotonan uyanlaca fe sen joyoeque tenca canatori, tencachiquenan encanaimin jochunae.

Colósalachi 1:21

Junni jeralelaca tsanque se patarimin joto, nulacanan tsanquenan se patarinue. Casaleri nulari yaca laquiratuto, pa tala nenato seitonque nenamin jominlanue. Tsan jominlaca yari manse patarinue. Tsachi puca ito puyanue yape nula Diosichi ilaisa. Puyanue yape nanni ina nulari Diosichi cale sen jolajosa. Yari nulaca nanni ina Diosichi cale senlaca wirucarichunae. Junto ya puyanun tenchi jun materi monantiya nulaca culpa quino podeilaituchunae.

Colósalachi 3:7

Nulanan Diosichi caitominnan tsanque nenamin jominlanue.

2 Timotéochi 3:13

Tsan josanan, seitonlanan, encanaminlanan nantanancari seiton ide ide jinilaichunae. Yalari nene fiquica micaritonan, yalanan encanaito jun nene fiquica quereilaichunae.

2 Timotéochi 3:6

Tsantiminlari encanabe amico ito, seque micarimin joyoe tito, tsachilachi yabi wiminla joe. Yabi wito, tenca iton sonalaca encanaminla joe. Ya sonalari duque culpa tan joyoeque tenhinatonan, niya quiraquetiya seiton quiniquichi timinla joe.

Títochi 1:16

Junni ya nene paminlari Diosica mirayoe timinlae. Tsan josanan, yala titiya seitonque quinanunca quirato, sele miintsan joe Diosica miitolajoeque. Seiton jolajoe. Merátuchi timinla joto, natiya seque quino podeilaitue.

Títochi 2:12

Junni chiquilari Diosica tenca catuto nenatuntsan joe. Chiquilachi tenca munate nenanoca telaquepontsan joe. Tenca tanla joto, Diosica tennato, yaca meránola joyoe tote canenaminnan. Junni Diosi chiquilaca laquirato tsanque seque nenasa micarinae.

Santiago 1:26

Junni weyanlari Diosica tenca tayoe tinatonan, seitonque palaquichunae. Yalari epele tsantito, tencachiquenan encanailainachunae. Yala Diosica epele tenca caminla jochunae.

1 Pédrochi 1:14

Matunan Diosichi fiquica miitoto, nulachi tenca munateri nenato, seitonque nenamin jominlanue. Amanari tsanque nenatuntsan joe. Merámin nalala cuwenta sen jolajona!

Quirajanunca 12:9

Draconca jera darapatarilaquee. Aman ya draconni matu tote pini jominue. Yaca yucan tinun joe. O yachi mumun pato, yaca Satanás tinun joe. Ya jeralelaca encanato, jutsa quisa carimin joe. Yabe yachi anjelilabeca tobi darapataricalae.

Quirajanunca 13:14

Yaca wepanato quirantsancari quino poden suwaca joe caque animalichi cate. Junto tsanque wepanato quirantsancari quinato, jerale tote chuminlaca encanamin joe. Yalacari encanato, molde quilaquisa carie. Caque animalica se tino joe tito yaca molde quilaquisa carie. Ya caque animaliri, ya espadachi fudaito puyano inato manseica jun animali joe.

Quirajanunca 18:2

Yari sonba otito itsantie: —Yucapiyae tie. Babilonia tinun uraran wa pueblo yucapiyae tie. Yucanchi ocola chunun posto ica joe tie. Seiton ocola, junsi jerale seiton pichula chunun posto ica joe tie.