Santiago 3:9 - Diosichi Pila

⁹ Fiqui forochi Apa Diosica seque paminlayoe. Junni tsachila Diosi cuwenta jominlaca jun fiqui forochi yucacuraminlayoe.

Santiago 3:9 ပူးပေါင်းရင်းမြစ်များ

San Mateo 26:74

Junni Pédrori ya fiquica meráto, Diosi mirasa pánayoe tito juraquito itsantinue: —Te, ya Jesuca natiya quiratumanyoe tinue. Junni Pedro tsantinasale, walpa apaca panue.

San Mateo 5:44

Junni matu tote tsantica josanan, Jesús uyan quiraque pachinayoe tie: Nulaca paiminlacanan laquiralarana! tie. Nulaca yucaquiminlachi tenchinan Diosibe rocailaina! Nulaca pa jominlabe sen jolajona! Nulaca seiton quiminlachi tenchi Diosibe rocailaina! tie. Nulaca Diosichi tsachila jonun tenchi seiton quilaquinari, yalachi tenchinan Diosibe rocailaina!

Mantá Tanla 2:26

Junni lachi tencabi pansi joto, duque son tito cuenta quimin joyoe tie tinue. La puyano jotonan, wepanatiyoe; mansonhino joyoeque mirato, wepanatuto meranirayoe tie tinue.

Románolachi 3:14

Duque yucaquiminla joe; pa tala paminla joe.

1 Coríntolachi 11:7

Diosi unilalaca quinato, yalaca Diosi cuwenta josa carinue yape Diosi chiquilaca mantá tan joe tilatisa. Junsi sonalari unilala chiquilaca mantá tanla joe tinola joe. Jun tenchi unilalari sonalaca mantá tanla joto, misuca donola itoe.

Efesolachi 1:3

Apa Diosiri chiquilachi Miya Jesucrístochinan Apa joe. Yaca duque se tintsan joe. Chiquila Crístochi tsachila joto, Diosichi to tsachila jolajoyoe. Junbi chiquilachi tenchi duque seca joe.

Santiago 1:27

Diosica tsara seque tenca tanla mantimini apa iton nalalacanan, biudalacanan ayudaiminla jochunae. Diosica tennatuminla seiton quilaquinasatiya, yalari seiton quituminla jochunae. Junni Apa Diosiri yalaca sen jolajoe tichunae palaituto Diosiberi nenaminla joeque.

Santiago 3:10

Mancari fiqui forochi nechinan sen fiquicanan, seiton fiquicanan paniquiminla joyoe. Lachi acola, soquila, tsantuntsan joe. Olibo puca ico pelebi ino podeitumanhe. Ico pucanan uba silibi ino podeitumanhe. Tsanban pi bulanaminnan, sen pi manhino podeitumanhe. Jun pi forobinan tsanban pibe sen pibe lotumanhe. Jun tsanquenan chiquilachi fiqui forochi nechi sen fiquibe seiton fiquibe larituntsan joe.

1 Pédrochi 1:3

Apa Diosica se tintsan joe. Yari chiquilachi Miya Jesucrístochi Apa joto, ya puyacaca mansoncarinue. Yaca mansoncarito, chiquilacanan duque laquirato yachi nalala isa carinue. Junni chiquilari yachi nalala joto, yaca meralarayoe chiquilaca jamochi pansi sonnasa carichunaeque.