Románolachi 9:16 - Diosichi Pila

¹⁶ Junni Diosi tsachilaca wentenato, tsachila tenfenan, o tsachila munaranan wentetumin joe. Diosi yachi tenca mánta tsachilaca laquirato yalaca wentemin joe.

Románolachi 9:16 ပူးပေါင်းရင်းမြစ်များ

Efesolachi 2:8

Diosi chiquilaca laquichi se larinue Jesucrístobe cayaica jonun tenchi. Junni tenca mánta se lolaitiyoe. Sen jochique tenfenatonan, tenca mántari natiya se lono podeilaituanae. Tsan josanan, epe cuwanique cuwenta Diosi chiquilaca laquirato se larinue yape monantiya uyanlaca fe sen jolajoyoe tilatitusa.

Santiago 1:18

Junto yachi tenca munate chiquilaca cae yape yachi tsara sen tsachila jolajosa. Diosi yachi tsarasi fiquica merása carito, chiquilaca yachi tsachila suwae.

Románolachi 9:11

Junni Diosi manan manwentenue. Yachi tenca munate wenteniquinue. Nalalachi ayanbe pato itsantinue: Caque na benechi naicabe mantaichunae tinue. Junni junca Diosichi Pilabi itsanque chuteca joe: Benechi na, Israel tinun, tsa mumunni Jacobo, yaca laquirayoeque chuteca joe. Caque na, Esaúcari, laquiratiyoeque chuteca joe. Junni Diosi Israel tinun náca wenteno mate, yabe yachi acobe na caica itominlanue. Palunan tinantiya caquitumin jominlanue. Nin sen, ni seiton quica itominlanue. Junni Israel bene na joto seque nenaeque quirato wenteca jomanpari, sen jonun tenchi wentenueque patino jomin jonhoe. Jun tenchi na caica itoncanan Diosi wentenue yachi tenca munatesiri wentenueque patisa.

San Lucas 10:21

Junni jun órate Jesús Diosichi Tencabe duque son tito, Apa Diosibe itsantinue: —Apa, jamochinan, tobinan nusiri Miya joe. Junto nuri duque miraminlaca nuchi sen fiquica miino podeisa caritue. Nuri uyan quiraque quino fe se jochunaeque tenca cae. Nalala cuwenta miratuminlacari nuchi sen fiquica miino podeisa carie. Jun tenchi la nube acradeseinayoe tinue.

San Juan 3:8

Wu cuwenta jochunae. Wu nunchitiya quiniquichunae tinue. Wuca meránatonan, tile nechi jananunca miituntsan joe tinue. Nunchi jinanuncanan miituntsan joe tinue. Diosichi Tencabe naica junlari jun cuwenta jolajochunae tinue. Diosichi nalala jolajoeque miratonan, niyaito tsanhicala jonunca miituntsan jochunae tinue.

San Mateo 4:8

Junni Jesuca mantanjito, duque wa du puntabi wirucarinue. Junbi wirucarito, piyanle toca quirawonue. To cura miyala duque mantá tan jominlanue.

San Mateo 11:27

Junni Jesuri yachi Apa Diosibe tsantitobi, tsachilabe itsantinue: —Lachi Apa Diosiri lachi jera cuwaca joe. Yasiri laca tsa mirae tinue. Junsi lasiri yachi Nao joto Apa Diosica tsa mirayoe tinue. Junto uyanlari la entendeisa caritunari, Diosica miino podeilaituchunae tinue.

Galácialachi 2:2

Diosi laca miisa carica jominhe junchi jino joeque. Junni la junbi Jesucrístochi tsachila tala layailaiyoe. Mantá tan joe tinunlaberi chicanle layaito cuenta quilaquiyoe. Lari israelita itonlaca micarinanun fiquica yalabe cuenta polariyoe pansile lari epele micarimin patiichunaeque. Junni la micarinanun fiquica yalari se joe latie.