Románolachi 8:9 - Diosichi Pila

⁹ Diosichi Tenca nulachi tencabi chunari, nulachi tenca munate nenaminla itochunae. Diosichi Tencachi munate nenaminla jochunae. Tsan jotonan, Crístochi Tenca itonlari, Crístochi natiya itolajochunae.

Románolachi 8:9 ပူးပေါင်းရင်းမြစ်များ

San Lucas 11:13

Aman tsachilari seiton tenca tanla jotonan, nalalachi senca cuwaminla joe. Junni nulachi Apa Diosi mantimini sen tenca tan joto, yanan yabe panhaminlachi fécari senca cuwachunae. Aman yalachi tencabi yachi Tencaca cuwachunae tinue.

San Juan 14:17

Diosichi Tenca patsa ya tenca cuwamin jochunae tie. Junni yari tsarasica pamin joe. Juntonan Diosica tennatuminlari yachi Tencabe cayaino podeilaituchunae tie. Yalari Diosichi Tencaca quiratuto, yaca miratuminlae tie. Nula mantimini Diosichi Tencaca miralarae tie. Nulabe penenatonan, nanni ina nulachibinan wichunae tie.

San Juan 14:23

Jesunan yabe itsantie: —Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie.

San Juan 3:34

Jesuri Diosi ereca jun jato, Diosichi fiquica pamin joe. Junni Apa Diosi yachi Tencaca Jesuchi cuwanato, nasi nacári cuwatunue; jera cuwanue.

San Juan 3:6

Tsachilabe naica junlari tsachilachi nalala jolajochunae. Diosichi Tencabe naica junla mantimini Diosichi nalala jolajochunae tinue.

Mantá Tanla 16:7

Junni Misia to quelobi jinaminnan, Bitinia toca jichi latinue. Diosichi Tenca mantimini junchinan jisa caritunue.

Románolachi 7:5

Casaleri chiquilachi tenca munate nenamin jominlayoe. Juntonan Diosichi mantá pila chutecabi paca jominhe jutsa quilaquitunaque. Junni jun mantabi Jutsa quilaquituna! tica jonun tenchi, nantanancari jutsa quimin jominlayoe. Jerale tsanque nenaminla puyalaichunae. Aman jutsabe mantaito, doraminla cuwenta jominlayoe. Jutsari chiquilaca mantánan, seiton quimin jominlayoe. Junni jun mantá tenchi doraminla cuwenta jominnan, amanari manloca cuwenta jolajoyoe. Puyaca cuwenta icalayoe jutsa manquituchun. Matu mantabi chutecabe culpa itoto, casan tala nenalarayoe Diosichi Tencabe nenato.

Románolachi 8:1

Diosichi mantá chutecabe duque jutsa tayoeque miinan, jun mantári lachi tencaca totenue. Jun mantaca miito, doramin cuwenta ramanyoe. Amana mantimini Jesucrístochi joyoe. Junni Jesucrístochi jominca Diosichi Tenca mantanue yape la doramin manse losa. Ya sonnasa carimin joe. Junni amanari jutsabe nenatiyoe; Diosichi Tencabe nenamin joyoe. Yachi Tencabe nenato, Jesucrístochi tsachila jolajoto, natiya casticaino itolajoyoe.

Románolachi 8:11

Diosichi Tenca Jesucristo puyaca jominca mansoncarinue. Junni Diosichi Tenca nulachibi chutori, Jesucrístoca mansoncarica cuwenta nulachi tencacanan tsanquenan mansoncarichunae. Yachi Tencaca nulachi tencabi wito chudichunae nulachi tencaca mansoncarichun.

1 Coríntolachi 15:23

Cristo caque joe; chiquilari bene jolajoyoe. Junto casaleri Cristo mansonhinue. Junni ya manpatano mate yachi tsachilanan mansonhinola joyoe.

1 Coríntolachi 3:16

Nulari Diosi chunun ya jolajoe. ¿Junca tenhilaitiyun? Diosichi Tenca nulachi tencabi chue.

1 Coríntolachi 6:19

Mantenhilaide! Nulachi pucari Diosichi Tencachi ya joe. Diosiri yachi Tencaca erecae yape nulachi pucabi chusa. Junto Diosi nulaca tsacumin jono joe. Nula tencachiqueri tsacuminla itonola joe.

2 Coríntolachi 10:7

Aman meralaquede! Nula Crístochi joyoe timinlaca tenca calaquinato, tsarasi tuca tuca tenca calaquina! Crístochi tsachila jolajoyoeque tenca caminlari chiquilacanan jun tsanquenan Crístochi jolajoeque tenca canola joe.

2 Coríntolachi 6:16

Diosichi yabe, junsi epe diosi joe tinun moldechi yabe jun tsannan itolajoe. Junni chiquilachi tencari Diosichi ya cuwenta jolajoyoe. Diosiri yachi pilabi junca itsanque chutesa carinue: Diosiri tsachilachi tencabi chuno joyoe tinue. Yalachibi nenanae; yalachi Diosi joanae tinue. Yalari lachi tsachila jolajochunae tinue.

Galácialachi 4:6

Junni nulari Diosichi nalala jonan, Diosiri yachi Naochi Tencaca ereto nulachibi wisa carinue. Junbi witobi, Apa Diosica lachi Apa timiyamin joe.

Galácialachi 5:24

Jesucrístochi tsachilari yalachi jutsaca Jesucrístochi corosibi jera chutecalae yape junbi jera piyasa wari jutsa quino munaratuchun.

Efesolachi 1:13

Junni nulanan israelita itonlanan jun sen fiquica meralaquinue. Jun tsarasi fiqui nulaca se lolaichunaeque paca joe. Junni nulanan Crístobe cayailainue. Aman junni Diosi mantimini paca jominue Crístoca quereiminlachibi yachi Tencaca wisa carino joyoeque. Junto nulachi tencabinan yachi Tencaca ereca joe yape nula jeralela Diosichi jolajoyoeque miralarasa.

Efesolachi 3:17

Nulaca sonban tenca suwasa rocainayoe yape Cristo nulachi tencabi chusa. Yaca tennanari, nulachi tencaca cuidaichunae yape sonban tenca joto, beco beco laquiracaato sonnalarasa.

Filípolachi 1:19

lari se loichunaeque. Nula Diosibe rocailainasa, Jesucrístochi Tenca laca ayudainasa, lari se loichunaeque mirayoe.

2 Timotéochi 1:14

Diosi yachi Tencaca erenue yape nuchibi wisa. Yachi Tenca nuchi mantá cuwae yape yachi tsarasi fiquica micarisa. Junni jun fiquica natiya canbiyaquituto micarina!

1 Juanchi 3:24

Junni jerale Diosichi mantaca meráminla yabe penenalarae. Yanan yalabe penenae. ¿Aman niyaito miintsan jochunan? chiquilabe penenanunca. Yachi Tencaca chiquilachibi ereca joe. Junca tenhito miintsan jochunae.

1 Juanchi 4:13

Yachi Tencaca chiquilachibi erenue. Junnan miino podeilaiyoe yabe penenalaranan, yanan chiquilabe penenaeque.

1 Juanchi 4:4

Lachi nalala cuwenta meralaquede! Nulari Diosichi jolajoe. Diosiri nulabe penenae. Yucanni yalabe penenae. Diosiri yucanca fe joe. Jun tenchi nulari seitonque micariminlaca fe locala joe.

Quirajanunca 13:8

Junni jun tenchi piyanle tote chuminla yachi cale telenhilaie. Junnasanan toteca jomin Opisa Nari pila tae. Junni Opisa Nachi pilabi chuteca junlari ya animalichi cale telenhilaitue. Jun pilabi chuteca junlari Diosibe numatotiya sonnato polelaichunae. To caitosanan yalachi mumunca junbi chuteca joe.

Quirajanunca 20:15

Junni jun pilabi mumunca chuteca itonlaca jun ninbi quepoe.