Románolachi 7:2 - Diosichi Pila

^2-4 Aman casalaica jun sonala cuwenta jochunae. Diosichi Pilabi mantá chuteca joe casalaica jun sonala yalachi unilalabesiri sonnanola joeque. Uyanlachi sona ino podeilaituchunae. Tsanhiminlaca jutsa quilaquinae tintsan jochunae. Jun tsanquenan nula acola, soquila, Diosichi mantá chutecabe culpa tan nenaminnan, Jesuchi tsachila ino podeituminlanue. Tsan josanan, sonalachi unilala casonnalarasari yalachi sonala jolajochunae. Unilala puyacabi yalachi sonala itolajochunae. Junte nechi uyanlachi sona manhino podeilaichunae. Tsanhinari, jutsa itochunae. Junni nula jun tsannan jolajoe. Jesucristo puyaca jonan, nulanan puyaca cuwenta jolajoe. Puyaca tsachi cuwenta, Diosichi mantabe culpa itulajochunae. Jun tenchi Diosichi mantabe culpa iton nenato, Jesucrístochi tsachila ino podeilaichunae. Ya puyato mansonhinue, yape chiquila Diosichi tenchi seque nenalarasa.

Románolachi 7:2 ပူးပေါင်းရင်းမြစ်များ

1 Coríntolachi 7:39

Sonala yalachi unilala puyano fecári yalabenan pesonnanola joe. Unilala puyanunbi, junni uyan tsachilabe mancasalaino podeilaichunae mobe munaitotiya. Tsan jotonan Miya Jesucrístochi tsachilaberi mancasalainola joe.

1 Coríntolachi 7:4

Sonalari tencachique pucaca mantá itolajoe. Yalachi unilala ya mantaca talarachunae. Unilalanan tencachique pucaca mantá itolajoe. Yalachi sonala ya mantaca talarachunae.