Románolachi 5:18 - Diosichi Pila

¹⁸ Junni manca tsachi jutsa quito jeralelaca culpa patarinue. Junni jun cuwentanan manca tsachi se quito jeralelaca perdonaito sonnasa carimin joe.

Románolachi 5:18 ပူးပေါင်းရင်းမြစ်များ

San Juan 1:7

Yari tsen suwaminca cuenta polarichun jominue yape jeralela junca meráto tsen suwaminbe cayailaisa.

San Juan 12:32

Junni lari corosibi totaito, lachi piyanle tsachilaca labe jera cayailaisa cariyanae tie.

San Juan 3:26

Junni Juanbe penenamin tsachila yachica jato itsanlatinue: —Jordán pi ja beco tsachi manca nuchica jaca jominhe. Nuri micarinato yaca paca jominhe Diosichi opisa na cuwenta jochunaeque. Junni yanan mumunnae latinue. Junni jeralela nuca puraniquito, yabesiri jera penenamin ilainae tilatinue.

Mantá Tanla 13:39

Aman matu mate Moisés Diosichi mantaca jera pila chutenue yape israelítala meralaquisa. Junni nulari jun mantaca meráchique tenfenatonan, natiya jera sen tenca ino podeilaituchunae tinue. Jesucristo mantimini yabe cayaiminlaca jera sen tenca suwano podeichunae tinue.

Románolachi 3:25

Jesuca caquereituminnan, jutsa quimin jominlayoe. Junni Diosi ya jutsaca casticaquitue. Duque wantaimin joto, chiquila ya jutsa quinasa, Diosi quiraniquinaminue. Junto Diosi chiquilachi jutsaca telaqueponiquimanpari, Diosinan seiton patino jomin jonhoe. Junto Jesucrístoca erenue yaca quereiminlachi jutsaca yachi asanchi piyarisa.

Románolachi 5:12

Matu mate tsachi manca, Adán tinun, jutsa quinue. Junni ya Adán jutsa quinun tenchi puyano patinue. Juntele nechi jeralela jutsa quito, jeralela puyano paticalayoe.

Románolachi 5:15

Tsan jotonan Jesucristo Adán cuwenta itominue. Itsanque jolajominue. Matu mate tsachi manca Adán tinun, jutsa quito duque tsachilabe seiton jominue. Jutsa quito puyano patarinue. Junni manca tsachi, Jesucristo tinun, yari duque laquiramin joto duque tsachilabe sen jominue. Tsachilaca laquirato, epe cuwanique cuwenta tsachilabe sen jominue. Adán man neri jutsa quinan jerale tsachila yabe culpa tan ilainue. Juntonan tsachila duque jutsa quiminla jotonan, Jesucrístobe culpa iton manpatilaichunae. Epe cuwanique cuwenta yalaca perdonaichunae.

Románolachi 5:19

Junni manca tsachi merán iton joto, duque tsachilaca jutsa quimin suwanue. Jun cuwentanan manca tsachi merámin joto, duque tsachilaca manse suwanue.

Románolachi 6:14

Nulari se lolaichun Diosichi mantaca tenca mánta jera meráno tenfetuminla joe. Diosicari tennaminla joe yari nulaca laquirato se larichunaeque. Junni tsan jonari, jutsari nulaca mantano podeituchunae.

1 Coríntolachi 15:22

Jeralelanan Adanchi alicala joto puyanola joyoe. Juntonan Crístochi tsachilari jeralelanan mansonhicaichunae.

Israelítalachi 2:9

Jesús mantimini, yanan tsachi ica joto, yari mantamin joe. Yanan tsachi ito, moora nacári anjelilaca nasi pelenan peica jotonan, amanari tsaracari mantá tae. Diosi yachi duque mantá cuwato, yaca tsara sen joe tinue. Jesús padeseito puyaca jonun tenchi, Diosi yachi mantaca cuwanue yape jeralelachi tenchi puyaca jun patisa.

2 Pédrochi 1:1

Simón Pedro in pilaca nulachica erechun quinayoe. Crístochi mantá tan joto, yabe mantaito nenayoe. Yari chiquilaca se larimin joe. Yabe Apa Diosibe seque quiminla joto, nulaca chiquilaca cuwentanan tsara sen fiquica quereisa caricalae.

1 Juanchi 2:20

Nula mantimini yala cuwenta itolajoe. Tsarasi micaricaca miralarae. Nula jeralela Diosichi Tencabe penenaminla joto, miralarae.