Románolachi 4:2 - Diosichi Pila

² Abrahanni tencachique tenfeto seica jomanpari, ya fe poden joyoe tino podeino jomin jonhoe. Tsan jotonan, Diosichi cateri tsantino podeituntsan jomin jonhoe.

Románolachi 4:2 ပူးပေါင်းရင်းမြစ်များ

Románolachi 15:17

Junto Diosichi tenchi seque quimin joyoe tino poden joyoe. Jesucrístochi mantate tsanquinato, tsantino poden joyoe.

1 Coríntolachi 1:29

Diosi tsanquimin joe yape mo tsachinantiya yachi cate fe joyoe tilatitusa.

1 Coríntolachi 1:31

Jun tenchi mo fe jonunca tenca cano muquinari, tencachique fe joyoeque tenca catuntsan joe. Miya Jesucrístoca pantsan joe ya fe joeque. Diosichi Pilabi chuteca joe tsantintsan joeque.

1 Coríntolachi 4:7

¿Niyaito uyanlaca fe sen joyoe tilatinayun? Pansile nula manca nanni fe poden jotonan, tencachique poden itue. Diosi yaca poden isa carinue. Junni Diosiri nulaca tsan suwaca jonari, ¿niyaito fe joyoe tilatinayun? Nula fe itolajoe; Diosiri fe joe.

1 Coríntolachi 9:16

Jesucrístoca paca sen fiquica micarinatonan, jun tsanquinun tenchiri fécari duque seque quimin joyoe tino podeitiyoe. Diosi laca mantaca joe ya sen fiquica micarisa. Yaca micaritutori, lachi tenca duque padeseino jomin joinhie quino jonunca quitiyoeque.

2 Coríntolachi 11:12

Ya seitonque micariminlaca deisa carino muquee. Jun tenchisiri fe joyoe tino patinayoe. Yalari chiquila tsansinan Crístochi mantá tanla joyoe timinlae. Jun tenchi lari fe joyoeque paniquino joyoe yape nulari tenhilaisa yalari seitonla joeque.

2 Coríntolachi 11:30

Junni lari tencachique fe sen joyoeque pano patitori, uyan quiraque pachinayoe. Cumana joyoequeri pachinayoe. La tsarasica pachinanunca Diosiri mirae. Yari chiquilachi Miya Jesucrístochi Apa jonan, yacari numatotiya sen joe tito polentsan joe. Junni aman lari uyan quiraque pato, fe sonban joyoeque pátiyoe; fe cumana joyoequeri pachinayoe.

2 Coríntolachi 5:12

Junni chiquilari tsantinasanan, nula weyanlari chiquilaca beco manpato, Páblolari manan fe joyoe latichique sen jolajoyoe tilatinae latichunae. Te, chiquilari nulaca fe jono munaratulajoyoe. Nulaca ayudaichiqueri tsanlatinayoe. Meralaquede! Weyan micariminlari seitonla jotonan, sen joyoe tito nenaminla joe. Urachi senan quiran jotonan, tencabi seiton jolajoe. Junni nulari ya encanaminlabe mantulanno podeilaisa tenjalaquee. Nulari yalabe beconan pato, yalari fe itolajoeque, Páblolari yalaca fe jolajoeque pano podeisa tenjalaquee. Nula tsanque mantulanno poden josa carichunni chiquila tsanque tencachiquenan palaquinayoe.

Galácialachi 3:22

Junni Diosichi Pilabi chuteca joe jeralela jutsa quiminla joeque. Diosi mantimini man fiquiman paca joe: Jerale Jesucrístobe cayaiminlacasiri se lariyanae tinue. Junni Diosiri mocanantiya tenca mántanan se lono podeisa caritunue yape jeralela Jesucrístobe cayaitosiri se lono podeinola josa.

Filípolachi 3:9

Yachi tsachi jono muquee. Diosi laca sen joe tisa tenjae. Junto amanari Diosibe sen jochique la tenca mánta tenfetiyoe. Yachi mantá chutecacanan meráchique tenfetiyoe. Lari Crístobe cayaitosiri sen jono muquee. Laca yabe cayainan, Diosi sen joe tisa tenjae.