Románolachi 3:10 - Diosichi Pila

¹⁰ Diosichi Pilabinan junca itsanque chuteca joe: Monantiya sen itolajoe; nin mancatiya sen itolajoe.

Románolachi 3:10 ပူးပေါင်းရင်းမြစ်များ

San Mateo 15:19

Tsachilachi tencabi nechiri titiya seiton lochunae tie. Seitonque tenca can, tsachilaca toten, uyan sonalabe o uyan unilalabe nosa seitonque nenan, tarinquin, nene pan, yucacuran, quilaquichunae tie.

San Marcos 10:18

Junni Jesuri yaca meráto, beco manpato itsantinue: —¿Niyaito laca sen joe tiyun? tinue. Diosisiri sen joe tinue. Tsachila tala monantiya sen itoe tinue.

Románolachi 11:8

Junlacanan Diosichi Pilabi chuteca joe. Itsanque chuteca joe: Diosi yalaca merátuchi timin tenca suwanueque chuteca joe. Quirasa caritunue; merása caritunueque chuteca joe. Amananan tsannan jolajoeque chuteca joe.

Románolachi 3:11

Monantiya Diosica miratulajoe; monantiya Diosica miichique tenfetuminla joe.

Románolachi 3:4

Diosi quereinun joe. Jerale tsachila nene punla josatiya, Diosica quereinun joeque pantsan joe. Diosi yachi pilabi junca pato itsanque chuteca joe: Diosi, nu pacaca meráto, nuca sen joe tilatichunaeque chuteca joe. Nuca culpa quechique tenfeminlaca fe lochunaeque chuteca joe. Diosichi Pilabi tsanque chuteca joe.

Títochi 3:3

Chiquilanan matute tenca iton jominlayoe. Uyanla cuwenta merátuchi timinla joto, encanaito nenamin jominlayoe. Chiquilanan tenca munate nenaminla joto, seiton quimin jominlayoe. Uyanla tanunca muna timin jominlayoe. Uyanlanan chiquilaca pa jominlae. Chiquila talanan pataamin jominlayoe.

Quirajanunca 21:8

Seitonla mantimini wa pipilunan quiran ninbi quepoilaichunae. Yari ninbe asufrebe palaito lunamin nin joe. Pele tenca junlaca, quereituchi timinlaca, seitonlaca, tsachilaca toteminlaca, uyan sonalabe o uyan unilalabe nosa seitonque nenaminlaca, pone quiminlaca, epe diosi joe tinun moldeca tennaminlaca, jerale nene paminlaca jun ninbi jera quepochunae tie. Numa puyaca jotonan, junbi manan manpuyalaichunae tie. Tsanque palu ne puyalaichunae tie.

Quirajanunca 22:15

Pueblo urachi seitonlari purailaichunae tie. Pone quiminla, uyan sonalabe o uyan unilalabe nosa seitonque nenaminla, tsachilaca toteminla, epe diosi joe tinun moldeca tennaminla, nene paminla, encanaminla, yala urachi purailaichunae tie.