Románolachi 2:8 - Diosichi Pila

⁸ Weyanla mantimini pa muquintsanla joe. Diosichi tsarasi sen fiquica merátuto, seiton fiquica meráminla joe. Yalacari Diosi duque paichunae.

Románolachi 2:8 ပူးပေါင်းရင်းမြစ်များ

Románolachi 1:18

Diosi tuca pato, tsachilachi jutsaca pa joyoe tica joe. Yala seitonla joto, ti tsarasi jonunca miratonan, meramiyatuminla joe.

Románolachi 10:16

Junni itsanque patie: Crístoca paca sen fiqui micarinanunca merántsan joe. Junni meráto, cayaintsan joe. Junni tsan josanan, weyan israelítalari ya fiquica miratonan, cayaituminla joe. Isaías yalaca pato itsanque chutenue: Miya Diosi, narin tsachila chiquila pacaca quereilaichunae tinue.

Románolachi 15:18

Cristo laca duque quisa carie yape israelita itonla yaca meráminla josa. Junni la quinuncari pachinayoe. Uyanla quicacari pátiyoe. La wepanato quirantsancari quimanyoe Diosichi Tencachi sonbabe. Junni israelita itonla la ticatiya quinanunca quirato, ticatiya pánanunca meráto, Crístoca merámin ilaie. Jerusalenbi nechi Ilírico fecári Crístochi sen fiquica jera micaricayoe.

Románolachi 6:17

Junni nulachi tenchi Diosibe acradeseimanyoe. Casaleri jutsachi peyunla jominla jotonan, Diosichi sen fiquica merámin ilainue. Junni nula jun fiquica meráto, tencabi merán pun ilainue.

Románolachi 9:22

Junni weyan tsachilari seitonla jonan, yalaca casticaquintsan joe seiton to nidaca yucapiyarinun cuwenta. Pa tintsan quiran jolajoe. Weyanla mantimini seque quica to nida cuwenta laquirantsan jolajoe. Diosi yalaca numarile nechi wenteca jominue yape sen jolajosa. Junni Diosi seitonlaca casticaquintsan jochunae yape ya sonban joto jutsaca pa joeque mirantsan josa. Tsanquintsan josanan, seitonlaca casticaquica itoe; yalaca wantainato mérae. Yalaca wantaito mérato, junto laquiranunlaca se larichunae yape jeralela duque sen Diosi joeque miralarasa.

1 Coríntolachi 11:16

Motiya in fiquica pa muquilaquinari, chiquilari uyan quiraqueri miitolajoyoe. Jerale Diosichi bolon tsachila jun tsanquenan jera miralarae.

2 Coríntolachi 12:20

Aman lari nulachica jitori, laqui jono muquetue. Lachi nulacanan laqui jotusa tenjae. Jun tenchiri nulaca tsanque payinayoe. Pansile la janasa nula weyanlari quino itonunca quilaquichunae. Nulari pataan, uyanlaca fe jotusa pain, yucacuran, pa jun, isa tin, epe fiquica polarin, fe joyoe tin, tinilatichunae. Tsanqueri nenalarasa natiya munaratiyoe. Tsanque nenanilaranari, lari nulaca duque sonba payino patiichunae. Junca nulanan munaralaratuchunae.

Galácialachi 5:20

epe diosi joe tinun moldechi cale telenhin, pone quin, ocobe miin, pataato quicaan, pa tala nenan, uyanlaca fe jochi tin, isa pun, yucacuran, lu oco jun, pa muquinasa jun,

Filípolachi 2:3

Junsi isapun itolajona! Uyanlaca fe sen joyoe titulajona! Uyanlari nulaca fe jolajoeque tenca calaquina!

2 Tesalónicalachi 1:8

Ninlabe patanato, Apa Diosibe cayaica itonlaca casticaquichunae. Chiquilachi Miya Jesuca paca fiquica merátuchi timinlaca casticaquichunae.

Títochi 3:9

Epe fiquica mantimini merátulajona! Weyanla duque wepanato pacaaminla joe mochi alicala jonunca o matu tatala mo jominla jonunca. Duque paiminla joe. Weyanlari matu Moisés mantá chutecaca pato pacaaminlae. Junca tina merátuna! Natiya se suwatumin fiqui joe.

Israelítalachi 10:27

Ya jutsabe canenaminlari jele tito, Diosi yalaca casticaquino joequesiri tenca canola jochunae. Jerale Diosica pa junlaca duque seiton ninbi jera casticaquichunae.

Israelítalachi 11:8

Diosi Abrahanchi to cuwanae tinue yape ya toca tsacumin josa. Junni yaca jun toca jisa mantanue. Junni Abraham jun toca miitotonan, Diosica quereimin joto, jiniinue.

Israelítalachi 5:9

Junni jera miitobi, aman jerale yaca meráminlaca numatotiya se larino podeimin inue.

Santiago 3:14

¿Junni nulari niyaque tenca caminlayun? ¿Uyanlaca fe lochique paiminlayun? Ticatiya quino joyoe tinatori, ¿tencachique munateri tsantiminlayun? Tsan jotori, tsarasica tenca tan itolajoe. Junto nene pato, tenca tanyoe titulajona!

1 Pédrochi 3:1

Sonalanan tencachique unilalabe mantainola joe. Junni yalachi unilala weyanlari pansile Diosichi fiquica merátuchi timin jotonan, yalachi sonalaca seque nenaminlaca quirato Jesucrístobe cayainilaichunae. Nula sonalari respetaito seque nenaminlaca quirato, nulachi unilalanan pansile cayailaichunae payitusanan.

1 Pédrochi 4:17

Aman Diosi jeralelaca miino óra fechinae. Casaleri yachi tsachila patsaca miichunae. Diosichi Pilabi itsanque chuteca joe: Diosi miinasa, sen tsachila jominlatiya duque tenfenato se lolaichunaeque chuteca joe. Junni sen jominlanan tenfenato se lolainari, aman Diosica tennatuto jutsa quiminlari wari jelecari padeseilaichunaeque chuteca joe. Tsanque casaleri Diosi chiquilaca miichunae. Junto chiquilacanan miino jotori, yachi fiquica merátuminlacari fécari miito casticaquichunae.

Quirajanunca 16:19

Junni to wenan, wa Babilonia pueblo bojie; peman piti ie. Uyan tobinan pueblobi ya darapatie. Junni Diosi Babilonia pueblobi chuminlaca mantenhie. Yalaca duque pa joto castica quino joe. Duque sonban binoca cuchiminla duque padeseilaichunae. Junni babilónialaca Diosi tsanquenan padeseisa carito casticaquichunae.