Románolachi 2:6 - Diosichi Pila

⁶ Diosi jeralela ti quica jonunca mirato, yalaca niyaque quintsan jonunca miito quichunae.

Románolachi 2:6 ပူးပေါင်းရင်းမြစ်များ

San Mateo 16:27

La tsachi ica jun joto lachi anjelilabenan manpatalaiyanae tie. La lachi Apa Diosichi urara tsenbe manpatanae tie. Junni la manpatatobi, piyanlelachi beconan mancuwanae tie. Sen quiminlachi senca mancuwan, seiton quiminlacari casticaquin, queyanae tie. Junni nulabe tsarasica pachinayoe tie. Nula weyan weyanla inte wiruraminla la mantá tan jananunca quirano fecári puyalaituchunae tie.

Románolachi 14:22

Junni nula sen quilaquinayoeque quereitori, nosari quereilaina! nulabe Diosiberi. Diosibe seque nenayoeque tsarasi miratori, culpa tenhituminla jochunae. Son jolajochunae.

1 Coríntolachi 3:8

Waqueminbe pi araleminbe jun tsanquenan jolajoe. Palunan pacara quica calaca calaquichunae. Fe duque quimin, ya fe cachunae.

1 Coríntolachi 4:5

Junni miino óra cajosanan, miichique tenfetulajona! Miya Jesucristo manpatatobi, jera miisa carichunae. Tsachila ticatiya nosa quito nenaminlaca jun mate jera miintsan jochunae. Tsachilachi tencabi niyaque tenca calaquinanunca jun mate jera miintsan jochunae. Jun mate Diosi jerale se tino junlaca se tichunae.

2 Coríntolachi 11:15

Junni Satanari Diosichi anjelinan quiran inari, Satanabe mantaiminlanan sen tsachilanan quiran inilaichunae. Junca natiya wepananola itoyoe. Junni Diosi yalaca juisio quinato, yala sen joyoe tinunca tenhituchunae. Yala niyaque nenaminla jonuncasiri tenhito juisio quichunae. Tsanque jera juisio quetobi, ya seitonlaca casticaquichunae.

2 Coríntolachi 5:10

Manca mate Crístori jeralelaca miito chusanan, chiquila jeralela yachi cale wiruino jocaichunae. Casonnaminnan fe seque quimin jominlachiri jun mate fe senca cuwachunae. Casonnaminnan seiton quimin jominlacari casticaquichunae. Jun tenchi yachi tenca munate nenano munaralarayoe.

2 Timotéochi 4:14

¿Aman Alejándroca mantenhiyun? ya cobreca ticatiya quimin tsachi. Aman yari labe duque seiton ie. Miya Jesucristo yaca casticaquisa tenjae seiton quinun tenchi.

Quirajanunca 2:23

Yachi nalalacanan toteyanae. Junni jerale lachi tsachi bolonla miralarachunae la yalachi tencaca jera miimin joeque. Jeralela nisi seiton quinanatiya, la tsansinan yalaca beconan casticaqueyanae.

Quirajanunca 20:12

Junni jerale puyaca junla ya chudinun caquele wiruralarae. Mantá tan jominla, epe tsachila jominla, jeralela junte jera wiruralarae. Junni pila tiwincalaca jera woleto, Diosiri jun pilabi chutecaca quirae puyaca junla niyaque nenamin jominla jonunca. Tsanque tsachila culpa tanunca jera miie. Lamaribi puyaca junla manloto jalaie. Jerale puyacala manjalaie. Puyacalachi postobi nechi jeralela loto manjalaie. Junni yala jeralelaca niyaque nenaminla jonunca miie. Junte nechi wari puyasa carimin fiqui itonan, monantiya puyano itochunae. Puyacalachi postonan itochunae. Puyasa carinun fiquica, junsi puyacalachi postocanan wa pipilunan quiran ninbi jera quepoe. Jun ninbi quepoca junlari manan manpuyalaie. Tsanque palu neca puyalaie. Junni Diosi manca pilacanan wolee. Jun pilabi Diosichibi sonnato poleno jonunca pánae.

Quirajanunca 22:12

Junni Jesús labe itsantie: —Meralaquede! tie. Moora manpatanae tie. Jatobi, jeralelaca niyan quicala jonunca miito, seque quica junlaca seque manqueyanae; seiton quica junlaca casticaqueyanae tie.