Románolachi 2:5 - Diosichi Pila

⁵ Junni Diosica tennatuto, casan tenca mancatutori, junto fécari duque culpa ide ide jinilaichunae to yucapiyarino ma fecári. Diosi jun mate tsachilaca tuca miichunae. Junto jun mate nantari wantaituto, nulaca duque paito casticaquichunae.

Románolachi 2:5 ပူးပေါင်းရင်းမြစ်များ

Románolachi 1:18

Diosi tuca pato, tsachilachi jutsaca pa joyoe tica joe. Yala seitonla joto, ti tsarasi jonunca miratonan, meramiyatuminla joe.

Románolachi 11:25

Acola, soquila, nulabe man fiquinan pano muquee yape junca mirato fe sen joyoe tilatitusa. Itsanque joe: Weyan israelítalari merátumin tenca jolajochunae israelita itonla Diosibe jera cayaino fecári.

Románolachi 9:22

Junni weyan tsachilari seitonla jonan, yalaca casticaquintsan joe seiton to nidaca yucapiyarinun cuwenta. Pa tintsan quiran jolajoe. Weyanla mantimini seque quica to nida cuwenta laquirantsan jolajoe. Diosi yalaca numarile nechi wenteca jominue yape sen jolajosa. Junni Diosi seitonlaca casticaquintsan jochunae yape ya sonban joto jutsaca pa joeque mirantsan josa. Tsanquintsan josanan, seitonlaca casticaquica itoe; yalaca wantainato mérae. Yalaca wantaito mérato, junto laquiranunlaca se larichunae yape jeralela duque sen Diosi joeque miralarasa.

2 Coríntolachi 5:10

Manca mate Crístori jeralelaca miito chusanan, chiquila jeralela yachi cale wiruino jocaichunae. Casonnaminnan fe seque quimin jominlachiri jun mate fe senca cuwachunae. Casonnaminnan seiton quimin jominlacari casticaquichunae. Jun tenchi yachi tenca munate nenano munaralarayoe.

2 Tesalónicalachi 1:5

Junni Diosinan nulaca pato, sen jolajoe tichunae. Diosi tsantino itomanpari, nulari numa peleica jono jominla jonhoe. Peleituminla jonan, Diosi nulaca yachi tobi pechuno sen jolajoe tichunae. Nulari yachi tobi chubi jichun padeseilainae.

Israelítalachi 3:13

Junni Diosi jun mate “amana” tica josa, amananan cajoe. Junni amananan nulanan merátuchi timin itonola joe. Jun tsan itochun beco beco payicaalaquina! Payicaalaquitutori, pansile jutsabe encanaito merátuchi timinla ichunae.

Israelítalachi 3:15

Diosichi Pilabi David jun fiquica itsanque chuteca joe: Amana Diosi pánaminca merátori, merátuchi timin itulajonaque chuteca joe israelítala Diosica meratuchi tinun mate cuwenta.

Israelítalachi 4:7

Matu to Josué yalaca jun tobi tanwinato, yalaca jasaisa caritunue. Josueri yalaca seque jasaisa carica jomanpari, Diosi duque wata polenunbi jasaino jonunca manpano itomin jonhoe. Tsan josanan, Josué puyacale nechi duque wata poletobi, Diosi manaman panue yachi tsachila yalachi tencabi jasainola jonunca. Diosi tsanque manpachun, Davica yachi tenchi pasa carinue Diosichi Pilabi pila chutesa carito. Junni David Diosi mantaca jun pánato, yanan amana tica joe. David pato, amana Diosi pánaminca meráto, merátuchi titulajonaque chutenue.

Santiago 5:3

To yucapiyarino ma quelo inasanan, nulari calaca cacanilaquinae. Nulachi calari, orori, titiya jera wareto yucapiyachunae. Jun cala wareca junbe nulaca tuca miintsan jochunae seiton jominlanueque. Jun cala tenchi duque niyalaichunae.

2 Pédrochi 2:9

Junni jun cuentalabe miintsan joe Diosiri sen tsachilaca isaino min joeque yape jutsa quilaquitusa. Junsi seitonlacari casticaquinonan min joeque miintsan joe. Seitonlaca casticaquinato, do tachunae to yucapiyarino ma fecári.

2 Pédrochi 3:7

Junni amananan jun tsannan jochunae. Tobe yoquidobe manchue. Diosi yachi fiquichinan yaca seto tae to yucapiyarino ma fecári. Junni to yucapiyarino mate toca jera ninchi yucapiyarichunae. Jun mate Diosi tsachilaca miito quirachunae casticaquino jonunca o casticaquino itonunca miichun. Quiratobi, seitonlaca casticaquichunae.

Judas 1:6

Junsi seiton quimin anjelilaca mantenhilaide! Weyan weyan anjelilari seiton quito, yala quino jonunca telaquepolaquinue. Yala nenanunca purato, epele jilainue. Junni Diosi ya anjelilacanan casticaquito, epele nemen minu doto tae. To yucapiyarino ma fecári tsanque doto tachunae.

Quirajanunca 2:21

Yaca casticaquituto wantainamanyoe yape tsanhinanunca telaquepono podeisa. Tsan josanan natiya telaquepotuchi tie.

Quirajanunca 6:17

Yala paino ma numa fee tilatie. Tsachila monantiya junca wantailaituchunae tilatie.