Románolachi 2:14 - Diosichi Pila

¹⁴ Israelita itonla Diosichi mantá chutecaca miitolajoe. Tsan josanan, weyanlari tenca mántanan Diosichi mantate nenamin jolajoe. Junni mantá chutecaca miitotonan, yalachi tencabi Diosi niyaque nenasa munaranunca miralarae.

Románolachi 2:14 ပူးပေါင်းရင်းမြစ်များ

Mantá Tanla 10:35

Diosica jelerato respetaito seque nenaminlaca Diosi sen jolajoe tichunae. Aman nun bolonbi nechi tsachila jototiya, o israelítala jototiya, o israelita itonla jototiya, Diosiberi jun tsannan jolajochunae tinue.

Mantá Tanla 14:16

Matuteri jerale tote chuminla yalachi tenca munate nenalarasanan, Diosiri casticaquituto quiraniquinaminue.

Mantá Tanla 17:30

Nula miratunun mate epele tenca cato nenanunca Diosi wantainiimin jominue tinue. Tsan josanan amanari jerale tote piyanle tsachilaca jutsaca jera telaquepoto casan tala tenca mancalaquedeque mantanae tinue.

Románolachi 1:32

Junni tsanlaca Diosi duque seitonla joe timin joe. Totentsanla joe timin joe. Diosi yalaca tsantimin joe. Yala mantimini junca miratonan, tsanquiniquiminla joe. Juntonan tsannaminlaca weyanlari quirato, se jonilajoe timinla joe.

Románolachi 2:12

Matu tote Moisés Diosichi mantaca chutenue. Junni israelítalari jun mantaca miraminlae jonan, Diosi yalaca jun mantate miichunae culpa talaranunca o itolajonunca. Uyanla jun mantaca miratunan, Diosi jun mantaca tennatuto yalaca miito casticaquichunae.

Románolachi 2:15

Yalari ti quilaquinanunca quirato tenhintsan joe yalachi tencabi miraminla jonunca. Diosichi mantá chutecaca miratutonan, yalachi tencabi miralarae Diosi tica munaranunca. Junto seque nenatori, seque nenalarayoeque tenhilaichunae. O seitonque nenatori, seitonque nenalarayoeque tenhilaichunae.

Románolachi 2:27

Nula Diosichi mantá chuteca junca tatonan, quidoca poraicala jotonan, jun mantaca merátuminlae. Uyanla quidoca poraitucala jotonan, Diosichi mantaca meráto nenaminlae. Junni yalari nulaca quirato, seitonla joe tilatichunae.

1 Coríntolachi 11:14

¿Unilalanan bare an chutori, lu tintsan joeque nulanan tenca cato tenhilaitiyun?

1 Coríntolachi 9:21

Junsi Diosichi unica mantaca meráno itonlachi tenchi yala cuwentanan imin joyoe yalaca Jesucrístobe cayaisa carichun. Tsan jotonan, Diosichi unica mantabe mantaitutonan, la Diosi pacaca merátumin nenatiyoe. Crístochi mantabe mantaimin joyoe.

Efesolachi 2:12

Junni nulaca tsantintsan jominue. Crístochi caitominlanue. Diosi wenteca israelita tinunlabe peitominlanue. Diosi israelítalaberi trato quito, nulabe trato pequica itominue. Niyaquenantiya se lono itominlanue. In tote Diosi caquiraca iton cuwentanan chuminlanue.

Efesolachi 2:3

Junni chiquilari jeralelanan jun tsanquenan nenamin jominlayoe. Tenca munate nenato, ti niyan quino muquinatiya quiniquimin jominlayoe. Junni chiquilanan uyanla tsanquenan paimin jominlayoe.

Filípolachi 4:8

Junni acola, soquila, man fiquinan cajoe. Sencasiri tenca calaquina! Tsarasi jonunca, laquiranunca, se tinunca tenca calaquina! Jelenquiran fiquica, encanainunca tenca calaquituna! Tsachi mancaca tsara seque quinae latinari, yacari tenca calaquina! Ticatiya seque pantsan jonunca tenca calaquina!