Románolachi 2:13 - Diosichi Pila

¹³ Israelítala Diosichi mantaca miratonan, titiya quino cajolajoe. Jun mantaca miratonan meralaquitunari, Diosi yalaca sen jolajoe tituchunae. Jun mantaca meráminlacari Diosi sen jolajoe tichunae.

Románolachi 2:13 ပူးပေါင်းရင်းမြစ်များ

San Lucas 18:14

Junni aman meralaquede! tinue. Ya inpuesto cala camin tsachiri jutsa piyarica jun manjichunae tinue. Fariséochi jutsaca mantimini piyarituchunae tinue. Sen joyoe timinlaca Diosi seitolajoe tichunae tinue. Sen joyoe tituminlaca Diosi sen jolajoe tichunae tinue.

San Lucas 8:21

Junni Jesuri itsantinue: —Urachi wiruraminla lachi tsa ayan, acola josanan, yalacari ayan, aco titumanyoe. Jerale Diosichi fiquica meráto obedeseiminlaca lachi ayan, lachi aco timanyoe tinue.

San Juan 13:17

Junca miratonan merátutori, pansi itolajochunae; mirato meráminlari pansi jolajochunae tie.

Mantá Tanla 13:39

Aman matu mate Moisés Diosichi mantaca jera pila chutenue yape israelítala meralaquisa. Junni nulari jun mantaca meráchique tenfenatonan, natiya jera sen tenca ino podeilaituchunae tinue. Jesucristo mantimini yabe cayaiminlaca jera sen tenca suwano podeichunae tinue.

Románolachi 10:5

Moisés Diosichi Pilaca matu tote chutenue. Yari junbi jera chutenue niyaque Diosichi mantaca meráto seinola jonunca. Itsanque chutenue: Diosichi jera mantáca meráto nenaminlari numatotiya sonnato polelaichunaeque chutenue.

Románolachi 2:25

Chiquila israelítalari quidoca poraicala joyoe. Israelítalachi mite quidoca poraica joto Diosichi tsachila jolajoyoe timinla joyoe. Junni meralaquede! Quidoca poraica joto, Diosichi mantá chuteca jonunca merátori, Diosichi tsachila jolajochunae. Tsan jotonan, jun mantaca jera merátutori, yachi tsachila itolajochunae quidoca poraica jototiya.

Románolachi 3:30

Junni mancasiri Diosi jeralelaca se larimin joto, jeralelaca jun tsanquenan se larichunae. Israelítalabenan, israelita itonlabenan Jesucrístobe cayaitosiri se lolaichunae.

1 Coríntolachi 4:4

Lachi tencari culpa itoyoe. Tsan jotonan, culpa itoyoeque tenca canun tenchi culpa iton patitiyoe. Miya Jesucrístosiri laca miimin joe. Junto ya pachunae sen jonunca o seiton jonunca.

Galácialachi 2:16

Junni Diosichi mantá chutecaca miratonan, monantiya Diosichi mantaca meracachiri seino podeituntsan joequenan miralarayoe. Diosiri tsachilaca sen jolajoe tinatonan, yachi mantaca seque meráminla jonun tenchi tsantituchunae. Yachi mantaca seque meráchi tinasatiya, sen jolajoe tituchunae. Crístobe cayaiminlacari sen jolajoe tichunae. Junca seque miralarayoe. Junni chiquilari israelita jotonan, jun tsannan jolajoyoe. Diosichi mantaca meracachiri seilaitiyoe. Crístobe casale cayailaiyoe. Junni yabe cayainan, Diosiri chiquilaca sen jolajoe timin joe.

Galácialachi 5:4

Diosichi mantá chutecaca meráto se lonola joyoe tilatinatori, Diosi laquiranunca telaquepolaquinachunae. Crístobe manse lolaituchunae.

Santiago 1:27

Diosica tsara seque tenca tanla mantimini apa iton nalalacanan, biudalacanan ayudaiminla jochunae. Diosica tennatuminla seiton quilaquinasatiya, yalari seiton quituminla jochunae. Junni Apa Diosiri yalaca sen jolajoe tichunae palaituto Diosiberi nenaminla joeque.

1 Juanchi 2:29

Yari sen joe. Yaca sen joeque mirato, man fiquiman miintsan joe: Seque nenaminlari yachi nalala jolajoyoe.

1 Juanchi 3:7

Junni nulari lachi nalala cuwenta meralaquede! Tencabe nenalarana! nene pánanunca quereituchun. Seque quimin tsachilari Jesucristo cuwenta sen tsachila jolajochunae.