Románolachi 2:12 - Diosichi Pila

¹² Matu tote Moisés Diosichi mantaca chutenue. Junni israelítalari jun mantaca miraminlae jonan, Diosi yalaca jun mantate miichunae culpa talaranunca o itolajonunca. Uyanla jun mantaca miratunan, Diosi jun mantaca tennatuto yalaca miito casticaquichunae.

Románolachi 2:12 ပူးပေါင်းရင်းမြစ်များ

San Mateo 11:22

Junni to yucapiyarino mate nulari yalaca fécari padeseilaichunae tinue.

San Mateo 11:24

Junni to yucapiyarino mate nulari yalaca fécari padeseinola jochunae tinue. Jesús tsantinue.

San Juan 19:11

Junni Jesús itsantinue: —Diosi nuchi mantá cuwaca itomanpari, laca natiya mantano itono jomin jonhoe tinue. Junni laca nuchi cuwapominlari fe culpa talarae tinue.

Mantá Tanla 2:23

Tsan josanan, nulari Jesuca totesa carinilaquinue tinue. Nulari Jesuca cato cuwapolaquinue tinue yape seiton tsachila yaca corosibi totelaquisa. Junnasa mantimini Diosiri junca natiya wepanatunue. Matulenan Diosi miraminue Jesuca totenola joeque. Diosi paca jominue tsanhiniino joeque.

Románolachi 1:32

Junni tsanlaca Diosi duque seitonla joe timin joe. Totentsanla joe timin joe. Diosi yalaca tsantimin joe. Yala mantimini junca miratonan, tsanquiniquiminla joe. Juntonan tsannaminlaca weyanlari quirato, se jonilajoe timinla joe.

Románolachi 4:15

Ti mantá jonatiya, tsachila ya mantaca jera merátuminla manpatilaichunae. Junni ya mantaca cuwaminni pa jochunae merátuminla jonun tenchi. Ya mantá tenchi culpa patituchun, ya mantacanan piyarino jochunae.

Románolachi 8:3

Diosichi Pilabi mantá chuteca joe titiya quinola joeque. Junni tsanque mantá tan jotonan, duque cumana jominla joanue. Jun mantári sonban tenca suwatue yape jun mantaca meráno podeilaisa. Junni Diosi yachi Naoca erenue yape tsachi isa. Jutsa tanlanan quiran pejosa carinue. Junni chiquilachi jutsa tenchi ereto, yaca casticaquinue. Ya tsachi icaca casticaquinue uyan tsachilachi jutsa tenchi. Tsanque erenue yape chiquilari jutsabe nenatuto yachi Tencabe nenato, yachi mantaca meráno podeilaisa.

1 Coríntolachi 9:21

Junsi Diosichi unica mantaca meráno itonlachi tenchi yala cuwentanan imin joyoe yalaca Jesucrístobe cayaisa carichun. Tsan jotonan, Diosichi unica mantabe mantaitutonan, la Diosi pacaca merátumin nenatiyoe. Crístochi mantabe mantaimin joyoe.

Galácialachi 3:10

Junnasa mantimini Diosichi mantaca meracachiri se lochique tenfeminlari, yucaquica patilaichunae. Diosichi Pilabi yaca paca joe. Diosichi mantá chutecaca jera patsa merátuminlacari Diosi yucaquichunaeque chuteca joe.

Galácialachi 3:22

Junni Diosichi Pilabi chuteca joe jeralela jutsa quiminla joeque. Diosi mantimini man fiquiman paca joe: Jerale Jesucrístobe cayaiminlacasiri se lariyanae tinue. Junni Diosiri mocanantiya tenca mántanan se lono podeisa caritunue yape jeralela Jesucrístobe cayaitosiri se lono podeinola josa.

Santiago 2:10

Aman Diosichi manca mantá nacaca merátutori, jerale mantaca merátuminla cuwenta jochunae.