Románolachi 16:2 - Diosichi Pila

² Yari Miya Jesuchi jonan, yaca sele jacarilaquina! Diosichi tsachila tala tsanque seque jacarintsan joe. Soqui Febe la Páblobe duque ayudaimin jominhe. Uyanlabenan tsanquenan ayudaimin jominhe. Junnan ya ti munaranuncatiya nulanan pecuwanilaquina!

Románolachi 16:2 ပူးပေါင်းရင်းမြစ်များ

San Mateo 25:40

Junni yala tsantinunsi, la Miya joto yalabe itsantiyanae tie: Meralaquede! Poperela lachi familiala cuwenta jolajoe tiyanae tie. Junto nula yalaca ayudaitori, lacanan ayudaica cuwenta jochunae tiyanae tie.

Mantá Tanla 9:13

Junni Jesucristo yabe tsantica josa, Ananíanan beconan pato itsantinue: —Miya Jesús, ya Sáulori seiton joe tinue. Yaca duque mera joe tinue. Jerusalenbi nuchi sen tsachilaca duque padeseisa carinaminue latie tinue.

Mantá Tanla 9:15

Miya Jesús mantimini Ananías tsantinunca tennatuto, yabe itsantinue: —Nuri jiniide! tinue. Lari Sáuloca wentecayoe tinue. Yari laca cuenta polarimin jochunae. Uyan tobi chuminlabe, mantaminlabe, israelítalabenan laca cuenta polarimin pejochunae tinue.

Mantá Tanla 9:36

Junnasa mantimini Jope pueblobi Jesucrístobe penenamin sona manca chuminue Tabita mumun. Aman Griego fiquichi paminla yaca Dorcas timin jominlanue. Ya sona tsarasi seque quito, titiya itonlachi duque epe cuwamin jominue.

Mantá Tanla 9:39

Pédrori junca merasi, yalabe pejinue. Junni Jópebi manfalainunsi, Pédroca jamo lowabi tanloto puyaca sona tsonunbi tanlolainue. Aman Tabita casonnaminnan, biudalachi tenchi duque camisa, panu, titiya quito epe cuwamin sona jominue. Aman Pédrochi awinta jun camisa tsanlaca quirawoto, wareto wiruilainue.

Mantá Tanla 9:41

Junni Pedro yaca tedele cato mancuparinue. Junto biudalaca, Diosichi uyan tsachilaca, jeralelaca manhoticanue. Junto Tabítaca sonca yalachi manquirawonue.

Románolachi 15:7

Junni Cristo nulaca facaricaya jonan, nula talanan jun tsanquenan facaricaalaquina! yape jeralela Diosica tsara sen joe tilatisa.

Románolachi 16:15

Junsi Filólogochinan, Júliachinan, Neréochinan, Neréochi soquichinan, Olímpachinan saludo erenayoe. Junsi Olímpalachite Jesube penenamin tsachila junte jerale pelayaiminlachinan saludo erenayoe.

Románolachi 16:23

Gáyonan nulachi saludo peerenae. La Pablo yalachibi chuyoe. Jesucrístochi tsachila tala yalachi yabinan layaiminla joyoe. Junsi Erástonan nulachi saludo peerenae. Yari munisipiobi tesorero joe. Junsi Cuarto mumun aconan nulachi saludo peerenae.

Románolachi 16:6

Junsi Maríachinan saludo erenayoe. Nunan nulachite Diosichi tenchi duque titiya quito nenaminhe.

Románolachi 16:9

Junsi Urbánochinan saludo erenayoe. Nu chiquilabe Jesucristo tenchi duque ticatiya quimin jominhe. Junsi Estáquicanan duque laquirato, nuchi saludo erenayoe.

Efesolachi 5:3

Uyan sonalabe o uyan unilalabe nosa seitonque nenalaratuna! Uyanlachi cosaca munaito quiratulajona! Ticatiya jelenquira quito nenalaratuna! Diosichi tsachila joto, tsanquinoca nin pantiya quilaquituna!

Filípolachi 1:27

Lari niyan inasatiya, seque nenalarana! Crístoca paca sen fiqui duque seque nenasa carimin fiqui jonan, nulanan jun tsanquenan seque nenalarana! Nula tsanque nenalaranari, lanan nulaca meránatori, seque nenalaraeque meránae. Lari nulaca quirabi janatori, o jatutori, nulacari jun tsanquenan sen fiquica meráno munarayoe. Nulari peleituto, sonban tenca jonola joe. Man parejori tenca canato, duque tenfenola yape uyanlanan joe chiquila quereinun fiquica tsa joeque tenhilaisa.

Filípolachi 2:29

Junni Miya Jesucrístobe duque acradeseinato, Epafrodítoca son tito facarilaquina! Yari Crístochi tenchi titiya quinaminnan, casi puyawiyae. Junni yari puyano jototiya nulachi tenchi laca duque ayudaino munaraminue. Ya tsanlaca duque respetaintsan joe.

Colósalachi 4:10

Aristarco labe pedorato, nulachi saludo peerenae. Márconan, ya Bernabechi sobrino, nulachi saludo erenae. Yaca nulachi numa fiqui ereyoe. Janari, yaca facarilaquina!

1 Timotéochi 2:10

Moso jono muquilaquinari, seque nenanola joe. Tsan jotori tencabi moso jolajochunae. Diosichi joyoe timin sonalari tsanque tencabi moso jonola joe.

2 Timotéochi 1:18

Nu jera mirae Efeso pueblobinan ya duque ayudaimin jominheque. Junni rocainayoe Jesús manpatano mate Diosi yaca laquirasa.

Títochi 2:3

Junsi sinucalacanan payintsan joe yape Diosica respetaito jelerato nenaminla josa. Yucacuratuto, winan ituto nenanola joe. Jerale sonala yalachi unilalaca, nalalaca laquirato, tenca tan nenanola joe. Uyanlachi unilalaca munaito quirano itolajoe. Sen joto, yabi seque chuto, unilabe mantaino joe yape Diosichi itonlari Diosichi fiquica meráminlaca yucacuralaquitusa. Junni sinucala uyan sonalaca tsanque seque nenano micarinola joe.

Filemonchi 1:12

Yaca tsaracari laquiratonan, tsacuminchica manherentsan joe tito, nuchica manhereniquinayoe.

Filemonchi 1:17

¿Junni nuri laca niyaque tenca canayun? ¿Laca nube parejo peayudaimin joeque tenca canayun? Tsanque tenca canatori, laca cuwenta Onésimoca facariniquede!

2 Juanchi 1:10

Junni nulachica micaribi jaminlaca tenca cato meráto quiralaquina! Juntonan tsarasi fiquica micarilaquitunari, yalaca tina facaricalaquituna! Yalabe nin wiyato seque chudilaide! titulajona! Tsanlatitori, yala seitonque pánanunca sen joe timin cuwenta patilaichunae. Junni nulachi yabinan yalaca tina pocalaquituna!