Románolachi 15:7 - Diosichi Pila

⁷ Junni Cristo nulaca facaricaya jonan, nula talanan jun tsanquenan facaricaalaquina! yape jeralela Diosica tsara sen joe tilatisa.

Románolachi 15:7 ပူးပေါင်းရင်းမြစ်များ

San Mateo 10:40

Junsi Jesús capánato itsantie: —Nulaca facariminlari lacanan facarimin cuwenta jolajochunae tie. Junni laca facariminlari laca mantamincanan facarimin cuwenta jolajochunae.

San Juan 13:34

Nulachi casan mantá cuwachinayoe tie yape nula tala laquiracaalaquisa. La nulaca laquiranun cuwenta, nula talanan laquiracaalaquina! tie.

Románolachi 5:2

Junni Jesucrístobe cayainan, Diosi chiquilaca laquirato, chiquilabe sen joe. Diosi chiquilaca duque sen suwachunae yape ya cuwenta jolajosa. Junca tenhito, duque son timinlayoe.

Efesolachi 1:18

In fiquica miisa rocainayoe. Diosi nulaca yabe cayaisa tinue yape yachi jolajosa. Aman Diosi yachi tsachilachi duque senca cuwachunae. Junni nulanan jun senca seque tenca cato meralarae. Junni Diosi miituntsancari sonban joto, yaca quereiminlaca jun sonbabe se suwachunae. Aman lari Diosibe duque rocaimin joyoe yape nula ya fiquica jera miilaisa.

San Lucas 9:48

yalabe itsantinue: —Itsan nalalaca la tenchi seque quiminlari lacanan seque quiminla cuwenta jolajochunae tinue. Junsi laca seque quiminla laca eremincanan seque quiminla cuwenta jolajochunae tinue. Nula tala peyun cuwenta iminla, yalari mantá tan jolajochunae tinue.

San Marcos 9:37

—Itsan na mancaca lachi tenchi facariminlari lacanan facariminla cuwenta jolajochunae. Junsi laca facariminlari lacasiri facarimin itolajochunae; laca eremincanan facariminla cuwenta jolajochunae tinue.

San Lucas 15:2

Junni fariséolabe mantaca micariminlabe miilainue seiton tinunlari Jesúchica jalainaeque. Aman junca miito, Jesúcanan paito, yaca seitonque palaquinue. Ya tsachi seitonlabe penenan, ano pefin, quimin joe latinue.

Románolachi 15:9

Israelita itonlachi tenchinan janue yape yalanan Diosica duque se tito, yalaca laquiramin joeque miilaisa. Diosichi Pilabi israelita itonlanan Diosichi tsachila inola joeque itsanque chuteca joe: Israelita itonlachite Diosica tsara se tito, yachi tenchi cantaqueyanaeque chuteca joe.

San Juan 6:37

Junnasa Apa Diosiri weyan tsachilacari labe cayaisa carichunae tie. Yala jeralela labe cayailaichunae tie. Junni labe cayaiminlaca numanan telaquepotuanae tie.

Colósalachi 3:13

Nula talanan wantailaina! Nula talanan seiton quilaquinari, perdonailaina! Miya Jesucristo nulaca perdonainun cuwenta, nulanan perdonainola joe.