Románolachi 14:1 - Diosichi Pila

^1-2 Weyanla mantimini layan quereituto, pele tenca jolajoe. Yalari nula tsachica filaquinasanan, yalari pele tenca joto tsachicaca fituntsan joe timinla joe. Junni yalaca telaquepotuntsan joe. Tsan jotonan, yalachi epe fiquica pachi latinari, merátulajona!

Románolachi 14:1 ပူးပေါင်းရင်းမြစ်များ

Románolachi 15:1

Pele tenca tan tsachila seque nenalaratunari, chiquilari sonban tenca joto, yalaca wantainola joyoe. Chiquilachi tenca munate nenano itolajoyoe.

1 Coríntolachi 9:22

Junni cumana tenca tanlachi tenchiri yala cuwenta imin joyoe yalaca Jesucrístobe cayaisa carichun. Jerale tsachilachi tenchi man quiraque man quiraque imin joyoe weyan weyanlaca niya quiraquetiya Jesucrístobe se losa carichun.

Románolachi 15:7

Junni Cristo nulaca facaricaya jonan, nula talanan jun tsanquenan facaricaalaquina! yape jeralela Diosica tsara sen joe tilatisa.

Románolachi 14:21

Nula tsachica finaminca quirato, o bino cuchinaminca quirato, o uyan titiya quinaminca quirato, nulachi acola jutsa quilaquinanari, junni tsantuntsan jochunae.

2 Juanchi 1:10

Junni nulachica micaribi jaminlaca tenca cato meráto quiralaquina! Juntonan tsarasi fiquica micarilaquitunari, yalaca tina facaricalaquituna! Yalabe nin wiyato seque chudilaide! titulajona! Tsanlatitori, yala seitonque pánanunca sen joe timin cuwenta patilaichunae. Junni nulachi yabinan yalaca tina pocalaquituna!

Románolachi 4:19

Natiya quereino peleitunue. Patsa wata tsansi tan joto, na tano polencari unica jominue. Yachi sonari, Sara tinun sinuca, yari numanan na quino podeitumin jominue.

San Lucas 17:2

Tsachi mancaca wa ila suca teleto wa pipilubi queponari, jadito puyachunae tinue. Duque padeseichunae. Aman cumana tenca tanlaca jutsa quisa cariminlari junca fécari padeseilaichunae tinue.

San Mateo 14:31

Jesús mantimini yaca tedechi we mancato itsantie: —Nu tennatumin joe. ¿Niyaito tennano peleiyun? tie.

San Mateo 12:20

Ya tsachiri cumana tenca tanlaca ayudaito, yalaca sonban tenca mansuwachunaeque chuteca joe. Tsantin nenachunae ya jeraleca tuca mantamin miya ino fecári.

Filípolachi 2:29

Junni Miya Jesucrístobe duque acradeseinato, Epafrodítoca son tito facarilaquina! Yari Crístochi tenchi titiya quinaminnan, casi puyawiyae. Junni yari puyano jototiya nulachi tenchi laca duque ayudaino munaraminue. Ya tsanlaca duque respetaintsan joe.

San Juan 13:20

Nulabe tsarasica pachinayoe tie: La ereca junlaca facariminlari laca facariminla cuwenta jolajochunae; laca facariminlari laca ereminca facariminla cuwenta jolajochunae tie. Jesús chiquilabe tsanque cuenta quee.

San Mateo 18:10

Junsi Jesús man fiquiman micarie: —Nalalaca natiya yape, epe jolajoeque tenca catulajona! tie. Yalachi anjelila jamochi rato, lachi Apa Diosichi cale numasitiya wiruralarae.

San Marcos 7:19

Ticatiya finari, tencabi wituchunae; pecolobiri wito, nasi inaleri manloniichunae tinue. Jesús tsantinato, titiya ano finori se jonijochunae tinue.

Mantá Tanla 28:2

Junni junbi chuminla chiquilaca laqui tito, chiquilabe duque sen jominlae. Aman suwa quinasa, jidá jelequira jominhe. Junni nin quilaquee yape chiquila lobailaisa. Chiquilaca mile pechularana! latie.

Románolachi 11:15

Israelítala Diosica telaqueponan, israelita itonlachi tenchi se patinue Diosibe cayailainan. Junni israelítalanan Diosibe mancayailainari, fécari se patichunae. Puyaca junla mansonhilaichunae.

Románolachi 14:3

Tsachicaca fiminlari fituminlaca lucarituntsan joe. Fituminlanan fiminlaca seiton jolajoe tituntsan joe. ¿Diosi senla joe tica junlacari ti quichun nulari seitonla joe tilatichun?

1 Tesalónicalachi 5:14

Acola, nula tala itsanque nenalarana! Lan punlaca payilaquina! Pele tencalacanan sonba tenca suwalaquina! Cumana tenca junlacanan ayudailaina! Junsi tsachila niyan tilatinasatiya, pailaituna!