Románolachi 11:7 - Diosichi Pila

⁷ ¿Junni niyan tintsan jun? Israelítala Diosibe sen jochique tenfelainatonan podeilaitunue. Mannan Diosi wenteca junlari podeilainue. Uyanlacari merátuchi timin tenca suwanue.

Románolachi 11:7 ပူးပေါင်းရင်းမြစ်များ

San Marcos 6:52

Juntonan bibuca duque suwaca josatiya, Jesuca caquereica itominlanue. Uyan quiraque tenca camin cajominlanue.

San Lucas 13:24

—Diosichibi wino tamolan na foro tamolan joe tinue. Junbi wino tenfelaide! tinue. La nulabe tsarasica pachinayoe: Manca mate la, tsacumin joto, jun tamolanca doqueyanae tinue. Junni jun mate duque tsachila wichi tinatonan, podeilaituchunae tinue. Aman nulari urachi puraito otito, Miya, chiquilacanan pocade! latichunae tinue. Junni la, Miya joto, nulaca quiratumanyoe tiyanae tinue. Nunchi nechi jacala jonunca miitoyoe tiyanae tinue.

San Juan 12:40

Diosi miituchi timinlaca miino podeiton suwamin joe yape miilaitusa. Merátuchi timinlaca meráno podeiton suwamin joe yape meralaquitusa. Tsanque podeiton suwamin joe yape yala Diosibe cayaituto manseilaitusa.

Románolachi 10:3

Diosi yalaca niyaque se suwano jonunca miitoto, yalachi tenca munateri sen jochique tenfeminla joe. Diosi yalaca se suwachi tinasanan, merátuchi timinla joe.

Románolachi 11:25

Acola, soquila, nulabe man fiquinan pano muquee yape junca mirato fe sen joyoe tilatitusa. Itsanque joe: Weyan israelítalari merátumin tenca jolajochunae israelita itonla Diosibe jera cayaino fecári.

Románolachi 11:5

Junni Elías nenanun matenan amana matenan jun tsanquenan jochunae. Duque israelítala Crístoca quereilaitusanan, weyan weyanlari quereiminla joyoe. Diosi chiquilaca laquirato wentenue quereiminla isa.

Románolachi 3:9

¿Junni niyan tintsan jun? Israelita jono se jonari, ¿junto chiquila israelítala joto uyanlaca fe sen jolajowan? Te, natiya fe sen itolajoyoe. Israelítala, israelita itonla, jeralelanan jutsa quiminla joyoe. Junca numa tuca payoe.

Románolachi 6:15

Junni Diosichi mantaca meracachiri se lotutori, Diosi laquichi se larica jonari, ¿jutsa quiniquintsan jun? Numanan.

Románolachi 9:18

Junni Diosi weyanlaca laquirano munaratori, laquiramin joe. Weyanlaca merátuchi timin tenca suwano muquinari, tsan suwaniquimin joe.

1 Coríntolachi 10:19

Junni ya epe moldelachi cuwaca tsachica finari, jun cuwentanan jochunae. Junni tsantinato, epe telenhinun moldeca tsa diosi joeque pátiyoe. Yalachi cuwaca jun tsachicaca diosilachi tsa cuwaca joequenan pátiyoe.

2 Coríntolachi 3:14

Aman jun tsanpachi doinan, israelítala yachi caforoca natiya quirano podeilaitunue. Junni amana mate israelítala jun tsanquenan jolajoe. Aman matu trato pila chuteca fiquica quiranato, seque quereito quiratuminla joe. Tencabi doica jun cuwenta entendeituminla joe. Aman Crístori jun tsanpa doicala cuwenta jominca manlasimin joe.

2 Coríntolachi 4:4

Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.

Efesolachi 1:4

Diosiri toca caquituminnan, chiquilaca, yaca quereino junlaca, wenteca jominue. Chiquilaca wenteca jominue yape yachi sen tsachila joto yachi cate ti culpanantiya iton nenalarasa.

Efesolachi 4:18

epele tenca caminla joe. Diosica merátuchi timinla joto, Diosica miitolajoe. Junto Diosica miitoto, Diosibe natiya peitolajoe.

Filípolachi 1:18

Junni yape josa! Niya josatiya Crístoca paca fiquica micarilaquinae. Sen tenca tan, o seiton tenca jototiya, Diosichi fiquica micarilaquinae. Junca lari duque son tiyoe. Juntonan cason tino joyoe

Israelítalachi 12:17

Tsanque Esaúri duque sen jonunca epe joeque tenca camin jominue. Junni nulari ya cuwenta itolajona! Nulari miralaranae Esaú inale jun tratoca telachi titonan podeica itominueque. Telachique duque warenato tenfenatotiya, podeica itominue.