Románolachi 1:7 - Diosichi Pila

⁷ In pilaca Roma pueblobi jerale Diosichi tsachilachi erechun quinayoe. Diosi nulaca laquirato yachi sen tsachila jolajosa tie. Junni chiquilachi Apa Diosibenan, Miya Jesucrístobenan rocainayoe yape nulaca laquirato cuidailaisa yape wepanatuto pansi chularasa.

Románolachi 1:7 ပူးပေါင်းရင်းမြစ်များ

San Mateo 5:16

Junni nulanan jun tseno cuwenta sen jonola jochunae tie yape uyanla nulaca quirato nulachi Apa Diosica duque sen joe tilatisa.

San Juan 20:17

Junni Jesuri yabe itsantinue: —Lachi Apa Diosichica calotuminca laca talatude! tinue. Lachi acolachica, soquilachica jito, yalabe cuenta polaride! tinue. Yalachinan, lachinan Apa Diosichica manlochinayoe tie tina! tinue.

Mantá Tanla 15:23

Junni yalaca erenato, yalabenan pila erelaquinue. Ya pilaca Antioquíabi, Síriabi, Cilíciabi chuminlachi cuwasa erelaquinue. Itsanque pilaca chuteto erelaquinue: Crístochi mantá tanlabe Jesucrístochi tsachila tala mantá tanlabe, uyan acolabe soquilabe jera layaito in pilaca nulachica erelaquinayoe. Nulari israelítala itotonan, Jesucrístobe penenaminla joe. Jun tenchi in pilaca nulachica ereto saludailainayoe.

Mantá Tanla 9:13

Junni Jesucristo yabe tsantica josa, Ananíanan beconan pato itsantinue: —Miya Jesús, ya Sáulori seiton joe tinue. Yaca duque mera joe tinue. Jerusalenbi nuchi sen tsachilaca duque padeseisa carinaminue latie tinue.

Románolachi 1:6

Nulacanan yabe cayailaisa tica jonan, nulanan Jesucrístochi tsachila jolajoe.

Románolachi 5:1

Cayaica jonan, Diosi chiquilaca sen jolajoe tinue. Jun tenchi chiquilari Diosibe man tencari jolajoyoe. Chiquilachi Miya Jesucristo chiquilaca Diosibe man tencari suwanue.

Románolachi 5:5

Junni junca miralarasanan, jun tsanquenan patichunae. Diosi yachi Tencaca chiquilachi cuwanue. Yachi Tencaca cuwato, chiquilaca duque laquirae. Tsanque miralarayoe Diosi chiquilabe sen jono joeque.

Románolachi 8:28

Diosi yaca laquiraminlachi tenchi ticatiya jera seto cuwamin joe. Diosi ya laquiraminlaca yabe cayaisa tica jominue yalacanan se suwachun.

Románolachi 8:39

jamochi chuminla o to tenpe chuminla, niyanlaquinasatiya Diosi chiquilaca calaquirachunae. Chiquilachi Miya Jesucrístochi tsachilaca Diosi laquirachunae. Junni monantiya yaca laquiraminca desuwano podeilaituchunae.

Románolachi 9:25

Oseas Diosichi Pilaca chutenato yaca panue. Itsanque chuteca joe: Diosichi itomin jominlaca yachi jolajoe tichunaeque chuteca joe. Laquiratunun jominlaca Diosi laquirayoe tichunaeque chuteca joe.

1 Coríntolachi 1:24

Diosi wenteca junla mantimini tuca miralarayoe. Israelítalabenan, israelita itonlabenan Diosi wenteca junla jotori, tuca miralarayoe. Cristo Diosibe sonban joto tsaracari sonban joe. Crístoca paca fiqui Diosichi fiqui joto, tsara micaya fiqui joe.

1 Coríntolachi 16:23

Miya Jesucristo nulaca duque laquirato ayudaisa tenjae.

2 Coríntolachi 13:14

Nulachi tenchi Diosibe rocaimin joyoe yape Miya Jesucristo nulaca laquirato ayudaisa. Junsi Apa Diosinan nulaca duque laquirato seque quiranasa, yachi Tencanan nulachibi seque pechusa rocainayoe. Tsanqueri joe.

Galácialachi 6:18

Acola, soquila, chiquilachi Miya Jesucristo nulachi tenchi duque seque quisa rocainayoe. Tsanqueri joe.

Efesolachi 1:2

Chiquilachi Apa Diosibe Miya Jesucrístobe nulaca laquirato, pansi chusa carisa tenjae yape wepanatuto chularasa.

Efesolachi 6:23

Acola, soquila, nula jeralelachi tenchi Apa Diosibe, junsi Miya Jesucrístobe rocaimin joyoe yape nulanan pansi wepanatuto chularasa. Yala nulaca laquirato fe quereisa carisa tenjae.

Filípolachi 1:2

Chiquilachi Apa Diosibenan Miya Jesucrístobenan rocailainayoe yape yalari nulaca seque laquiralarasa. Nulaca wepanatuto pansi nenalarasa carilaquedeque rocailainayoe.

Filípolachi 4:13

Crístori lachi tencaca sonba suwanasari, niyaquetiya quino podeiniiyoe.

Filípolachi 4:20

Yari chiquilachi Apa Diosi joe. Yacari numatotiya tsaracari seque pato polentsan joe. Tsanqueri joe.

Filípolachi 4:23

Miya Jesucrístori nulaca duque laquirato, nulachi tencaca seque cuidaisa rocainayoe. Tsanqueri joe.

Colósalachi 3:12

Diosi wenteca junlari seque nenanola joe. Junni Diosiri nulaca duque laquirato wentenue yape yachi tsachila jolajosa. Junni casan camisa manponun cuwenta, casan tenca manhito nenanola joe. Laquiralarana! Uyanlabe sen jolajona! Fe joyoeque tenca calaquituna! Uyanla pasuwanasatiya, pailaituna!

Colósalachi 3:15

Diosichi sonbabe nulachi tencabi wepanatuto pansi chularana! Diosiri nulaca tsanque nenalarasa tica joe yape mancari tsachi puca cuwenta joto seque nenalarasa. Junsi Diosibe acradeseilaina!

1 Tesalónicalachi 1:1

La Pablo in pilaca nulachi erechun quinayoe Tesalónicabi chuminlachi. Nulari Miya Jesucrístochi tsachi bolon joto, yabe Apa Diosibe man junni jolajoe. La Páblori Silvánobe Timotéobe in pilaca erelaquinayoe. Apa Diosibe Miya Jesucrístobe nulaca laquirato pansi chularasa carisa tenjalaquee yape wepanatuto chularasa.

1 Tesalónicalachi 1:3

Nulanan chiquilachi Miya Jesucrístoca tennato, duque seque quiminla joe. Diosica laquirato, yaca meráno tenfeminla joe. Peleituto Jesucrístoca quereito ya manpatano fecári yaca meralarae. Junni tsanla jonunca tenca cato, chiquilachi Apa Diosibe rocaimin jolajoyoe.

1 Tesalónicalachi 1:4

Junni acola, soquila, Diosi nulaca laquirae. Junni chiquilari nulaca Diosichi sen fiquica micarinato, fiquichisiri micarilaquitiyoe. Diosichi Tencanan pepasa carinasa, tsara merántsanque micarilaquiyoe. Nula Jesube cayailaichunaeque tenca canato micarilaquiyoe. Tsanque miilaiyoe Diosi nulaca wenteca jonunca. Nulanan miralarae chiquilari nulachite niyaque nenalaranunca. Junni chiquila nulachi tenchi seque nenanan,

1 Tesalónicalachi 4:7

Diosi chiquilaca cato, seitonque nenalarasa catucae; seque nenalarasa caya joe yape Diosichi tsachila nenalarasa.

1 Tesalónicalachi 5:28

Chiquilachi Miya Jesucristo nulaca laquirasa rocainayoe. Tsanqueri joe.

2 Tesalónicalachi 1:2

Apa Diosibe Miya Jesucrístobe nulaca laquirato, wepanatuto pansi chularasa carisa tenjalaquee.

2 Tesalónicalachi 3:16

Miya Jesube nulachi tenchi numasitiya rocaimin joyoe niyaquetiya wepanatuto pansi chusa carinocarinque. Miya Jesuca nula jeralelabe perasa rocainayoe. Yasiri wepanatuto pansi chusa carimin joe.

2 Tesalónicalachi 3:18

Chiquilachi Miya Jesucristo nulaca duque laquirato ayudaisa tenjae. Tsanqueri joe.

1 Timotéochi 6:2

Patronlanan Jesucrístobe cayaica junla jonari, acolaca cuwenta respetaino itoyoeque tenca calaquituna! Patronla Jesube cayaica junla jonari, fécari seque trabajaquintsan jochunae Laquiranun acochi tenchi trabajaquinayoe tito. Timoteo, nu tsanque payito micarina!

2 Timotéochi 4:22

Miya Jesucristo nube perasa tenjae. Diosi nuca laquirato nube duque sen josa tenjae. Tsanqueri joe.

Títochi 1:4

Junni Tito, nuri lachi sen nao cuwenta joe. Nube labe jun parejonan quereiminlayoe. Apa Diosi nuca laquirato, wepanatuto pansi chusa carisa tenjae. Miya Jesucrístonan nuca jun tsannan josa carisa tenjae. Yari chiquilaca se larimin joe.

Filemonchi 1:25

Chiquilachi Miya Jesucrístobe rocainayoe yape nulacanan laquirato cuidaisa. Tsanqueri joe.

Filemonchi 1:3

Chiquilachi Apa Diosibe Miya Jesucrístobe nulaca laquirato cuidaisa rocailainayoe yape nula wepanatuto pansi chularasa.

Santiago 1:1

La Santiago in pilaca chuteto erechinayoe. Diosibe mantaimin joto, junsi Miya Jesucrístobenan mantaimin joto, pila chutenayoe. Jerale ara cura chumin Diosichi tsachilachi erechun in pilaca chutenayoe. Nula jeralelabe saludainayoe.

1 Pédrochi 1:15

Diosi patsanan nulaca yabe cayailaide! tica joe. Junto yachi Pilabi itsanque chuteca joe: Diosi tsara sen joto, nulacanan ya cuwenta tsara sen jolajona! tieque chuteca joe. Junni Diosi nulabe tsantica jonan, nulanan tsanque seque nenalarana!

1 Juanchi 3:1

Seque meralaquede! Apa Diosi chiquilaca duque laquirato, yachi nalala jolajoe ticae. Junni tsanla joyoe. Junni uyanlari yaca miitotori, chiquilacanan miitolajochunae.

2 Juanchi 1:3

Aman Apa Diosi nulaca laquirato nulabe sen josa tenjae. Yari nulaca wepanatuto pansi chusa carichunae. Yachi Nao Jesucrístonan jun tsanquenan nulabe sen jochunae. Nulaca laquirato, junsi nulabe tsarasica pato, sen jolajochunae.

Quirajanunca 2:1

Junsi lachi quirajanasa, cacuenta quinato itsantie: —Ya sieteca tsabo tayoe tie. Lanpara chutechun oroca quica jonunte nenamin joyoe tie. Junni Efésobi chumin bolonchi anjelichi erechun lachi fiquica itsanque pila chutede! tie:

Quirajanunca 2:12

Junsi labe cuenta quinamin tsachi manan pato itsantie: —Caten nanchi teyan espada tayoe. Junni Pérgamobi chumin bolonchi anjelichi erechun, lachi fiquica itsanque pila chutede:

Quirajanunca 2:18

Junni labe cuenta quinamin tsachi manpato itsantie: —Diosichi Nao joyoe. Lachi caca nin lunaca tsanni quiran joe. Lachi nedenan tsequiniquiminhe bronse cuwenta. Junni Tiatírabi chumin bolonchi anjelichi erechun lachi fiquica itsanque pila chutede:

Quirajanunca 2:29

Punqui chunla jotori, seque meránola joe Diosichi Tenca yachi tsachilabe pánanunca. Tiatírabi chuminlachi tsanque pila quisa carie.

Quirajanunca 2:8

Junni labe cuenta quimin tsachi manpato itsantie: —Jeralelaca caque joto, jeralela jerainasa cajoanae tie. Puyato mansonhicayoe tie. Junni Esmírnabi chumin bolonchi anjelichi erechun lachi fiquica itsanque pila chutede:

Quirajanunca 22:21

Rocaiyoe Miya Jesucristo nula jeralelaca laquirato duque ayudaisa. Tsanqueri joe.

Quirajanunca 3:14

Junni labe cuenta quinamin tsachi manpato itsantie: —La Amen tinun mumun joyoe. Tsarasica pamin joyoe. Diosi jera quica junca lari mantamin joyoe. Junni Laodicéabi chumin bolonchi anjelichi erechun lachi fiquica itsanque pila chutede! tie:

Quirajanunca 3:22

Punqui chunla jotori seque meránola joe Diosichi Tenca yachi tsachilabe pánanunca. Laodicéabi chuminlachi tsanque pila quisa carie.

Quirajanunca 3:7

Junni labe cuenta quinamin tsachi manpato, itsantie: —La Diosichi joto, tsarasica pamin joyoe. La yabe tayoe matu to miya Davichi yabe tinunca. Junni la yabe tan joto, la ticatiya lasinari, monantiya mandono podeilaituchunae. La ticatiya donari, monantiya manlasino podeilaituchunae. Junni Filadélfiabi chumin bolonchi anjelichi erechun lachi fiquica itsanque pila chutede! tie: