Románolachi 1:12 - Diosichi Pila

¹² Junni lacanan nulari ayudailaichunae. Labe nulabe layaito Diosica tennato, chiquila tala peayudaicaato chumin jocaichunae.

Románolachi 1:12 ပူးပေါင်းရင်းမြစ်များ

Mantá Tanla 11:23

Bernaberi sen tsachi jominue. Diosichi Tencabe jera seque mantaito nenato, Diosica tsara quereimin jominue. Yari Antioquíaca jito, Diosi junbi seque quinanunca quirato, duque son tinue. Junsi piyanlelacanan payinue. Miya Jesuca telaquepotuto, sonba tenca cato nenalarana! tito payinue. Junni nantanancari duque tsachila Miya Jesube cayailainue.

Románolachi 1:11

Nulaca quirano duque munarayoe ayudaichun. La nulaca ayudaino munarayoe yape Diosichi Tenca nulaca ticatiya quino poden suwasa. Nulachi tencabi fe sonban jolajosa ayudaino munarayoe.

Románolachi 1:13

Junni acola, soquila, nulacanan pemirasa tenjae duque ne nulachica jino muquinaminheque. Tsan josanan in fecári podeica itomin joanue. La weyan israelita itonlaca ayudaica joto, nulacanan ayudaino muquee. Junni tsanque ayudaino mantá tayoe. Griégolaca, uyanlaca, tenca tanlaca, tenca itonlacanan ayudaino mantá tayoe. Junto nulachicanan jino muquiminhe nulacanan ayudaibi.

Románolachi 15:24

aman España toca jinato, nulachise poleno muquee. Junni nulabe nasi chuto jinasa, nula laca nasi ayudailaichunae España toca jisa.

Románolachi 15:32

Jerusalenbi sequenan jotori, junsi Diosi ayudainari nulachica jano podeiyanae. Nulachica son tito jato, aman junbi rato jasaino podeiyanae.

2 Coríntolachi 7:13

Chiquilanan junca mantenhito, pansi manjolajoyoe. Junni chiquilari nulachi tenchi pansi manhito, Títonan son jominca quirasi, fécari pansi icala joyoe. Yari nulaca manquirato, yachi tencabi wepananamin jera mandeito, pansi manhinue.

Efesolachi 4:5

Jesucrístori mancasiri Miya joe. Chiquila quereinun fiquinan man fiquisiri joe. Jeralela jun tsanquenan mumunhicalayoe.

2 Timotéochi 1:4

Junni nu wareminheque mantenhito, nuca manquirano munarayoe duque son jochun.

Títochi 1:4

Junni Tito, nuri lachi sen nao cuwenta joe. Nube labe jun parejonan quereiminlayoe. Apa Diosi nuca laquirato, wepanatuto pansi chusa carisa tenjae. Miya Jesucrístonan nuca jun tsannan josa carisa tenjae. Yari chiquilaca se larimin joe.

2 Pédrochi 1:1

Simón Pedro in pilaca nulachica erechun quinayoe. Crístochi mantá tan joto, yabe mantaito nenayoe. Yari chiquilaca se larimin joe. Yabe Apa Diosibe seque quiminla joto, nulaca chiquilaca cuwentanan tsara sen fiquica quereisa caricalae.

2 Juanchi 1:4

Lari nulachi nalalabe tulaiyoe. Weyanlari tsarasi paca fiquica seque meráto nenalarae. Junca quirato, lari duque son tiyoe. Apa Diosi chiquilaca tsanque nenasa mantaca joe.

Judas 1:3

Nulaca laquirato payinayoe. Aman Diosi chiquilaca se larimin joeque cuenta quito duque pila chuteno muquiminhe. Junni tsanque pila quino munaratonan, yaca quitiyoe. Uyan quiraque pila quino patíyoe. Nene fiquica meráminlaca mantucarintsan joeque pila quechinayoe. Diosi patsa yachi fiquica yachi tsachilachi cuwaca jonan, yaca quereiminlayoe. Natiya canbiyaitunun fiqui joe.