Quirajanunca 6:16 - Diosichi Pila

¹⁶ Junni duca pato, suca pato, itsanlatie: —Chiquilaca dole cade! latie yape mantamin chununbi chumin chiquilaca quiratusa. Dode! latie yape Opisa Na chiquilaca paito catusa.

Quirajanunca 6:16 ပူးပေါင်းရင်းမြစ်များ

San Mateo 26:64

Junni ya fiquica merasi, Jesús beconan itsantinue: —Tsan joyoe tinue. Junsi man fiquinan nulabe pachinayoe tinue. Manca mate nulari laca, tsachi ica junca, jamochi manquiralaquichunae tinue. Sonban Diosichi tsa tede nanchi mantato chuminca quiralaquichunae tinue. Laca jamochi poyobi manpatanaminca nulari quiralaquichunae tinue.

San Marcos 3:5

Junni Jesús yalaca duque pa quiranue. Junsi yalari entendeituchi timinla jonun tenchi duque laquiinue. Junsi ya quiyanpun tsachibe itsantinue: —Tedeca mantuquede! tinue. Junni yari tede mantuquesi manseinue.

San Lucas 23:30

Aman jun mate tsachilari padeseinoca jelechi, du chiquilaca delanto dosa latichunae tinue.

Quirajanunca 10:6

Diosichi mantate juraquito pae. Juraquinato itsantie: Diosiri numatotiya sonnato polemin joto, yari tocanan, tote chuminlacanan, lamaricanan, junbi nenaminlacanan, yachi tocanan, junbi chuminlacanan, jera quimin joe tie. Junni jera tsanquiminchi mantate juraquito pánayoe tito itsantie: —Natiya wanhino itochunae tiyoe tie.

Quirajanunca 19:15

Junni Diosichi Fiqui tinunchi fiqui forochi nechi teyan espada nasi lato rae jerale tobi chuminlaca casticaquichun. Yalaca sonba mantachunae. Bino quichun ubaca tereto sipilenun cuwenta, yalaca yucapiyarito casticaquichunae. Jera quino poden Diosi yalaca duque pa joe. Jun tenchi ya fibaden calubi chumin tsachi yalaca casticaquichunae.

Quirajanunca 20:11

Junni ayancan fibacan chudinunca quirayoe. Yari miya mantato chudinun joe. Junbi tiyato chue. Yachi cale nechi yoquidobe tobe piyanilaie. To, yoquido, tilanantiya jonun posto itoe.

Quirajanunca 4:2

Tsantinasaleri la Diosichi Tencabe jera cayaiyanue. Junni Diosichi tobi mantamin chudinunca quirayoe. Tiyato jun chudinunbi chue.

Quirajanunca 4:5

Junsi fe mantaminchi chudinunbi nechi cunta pinda lonae. Fiquinan, cuntanan quiran mera joe. Junni chudinun caquele sieteca tseno chue. Ya Diosichi sieteca Tenca joe.

Quirajanunca 4:9

Ya junpalucalari Diosica tsantiminla joe. Yari mantaminchi chudinunbi chumin joto, numatotiya sonnato polechunae. Junni ya junpalucalari Diosica tsanque tsara sen joeque, acradeseiyoeque palaquinasanan,

Quirajanunca 5:1

Junni lari Diosica yachi chudinunbi chuminca quirato, yachi tsa tedechi pilaquido tiwica quicaca chumiranunca quirayoe. Pilaquido tenpenan, uratenan pila quica jun joe. Junni sieteca seyochi doca jun joe.

Quirajanunca 6:10

Yalari sonba pato, itsanlatie: —Miya Diosi, tsara sen joto, tsarasica pamin joe latie. ¿Junni chiquilaca toteminlaca casticaquino nisi cajoyun? tilatie. Tote chuminla chiquilaca totelaquee. ¿Numasi yalacanan casticaquino joyun? tilatie.

Quirajanunca 9:6

Jun mate tsachila duque puyachi latinatonan, natiya puyano podeilaitue.