Quirajanunca 22:4 - Diosichi Pila

⁴ Yachi caforoca quiraminla joe. Yalachi lesubi yachi mumunca chuteca junla joe.

Quirajanunca 22:4 ပူးပေါင်းရင်းမြစ်များ

San Mateo 5:8

Junsi sen tenca tanlanan son tinola joe tie. Nulari Diosica quiralaquichunae tie.

San Juan 12:26

Labe mantaiminla la cuwentanan jonola joe. Labe mantaiminla la chununbinan pechularachunae tie. Labe mantaiminlaca Apa Diosi sen jolajoe tichunae tie.

San Juan 17:24

Nu, Apa Diosi, inlaca labe cayaisa carica joe tie. Junni lachi inlaca labe pechularasa tenjae tie. To caitosanan, nu laca laquirato, tsaracari mantá tan chusa carie. Junni inlaca labe pechularasa tenjae yape uraran mantá tan chuminca pequiralaquisa.

1 Coríntolachi 13:12

O espejobi quiranun cuwenta jochunae. Amanari nasiri miralarayoe se quirasá iton espejobi quiranun cuwenta. Jun materi cale cale espejo itonan quiranun cuwenta jochunae. Amana nasiri miraminla jun mate jera miracaichunae. Diosi chiquilaca miranun cuwenta, chiquilanan jun tsanquenan jera miracaichunae.

Israelítalachi 12:14

Jeralelabe pataatuto nenachun tenfelaina! Diosichi sen tsachila nenalarana! Miya Diosichi sen tsachila itotori, yaca natiya quirano podeilaituchunae.

Quirajanunca 14:1

Jun quiranari Opisa Nari Sion dubi wiruraminca quirayoe. Yabe duque tsachila pewiruralarae. Patsa junpalu chunca junpalu mili tsachila yabe pewiruralarae. Junni Opisa Nachi mumunnan, yachi Apachi mumunnan yalachi lesubi chuteca jolajoe.

Quirajanunca 3:12

Fe iminlaca lachi Apa Diosichi yabi tutan cuwenta suwanae yape natiya manlolaitusa. Ya tsachilachibi mumunca chuteyanae. Lachi Diosichi mumunca, lachi Diosichi pueblochi mumuncanan, lachi casan mumuncanan chuteyanae. Diosichi pueblo, ya Casan Jerusalén tinun, ya Diosichibi nechi patano jun pueblo joe.

Quirajanunca 7:3

itsantie: —Cayucapiyarilaquituna! tie. Tocanan, lamaricanan, chide pelecanan natiya cayucapiyarilaquituna! Casale chiquilachi Diosibe mantaimin tsachilaca lesule marca quinola joyoe. Yalaca marca quino fecári natiya yucapiyarilaquituna! tie.