Quirajanunca 22:16 - Diosichi Pila

¹⁶ La Jesús lachi anjelica ereyoe tie yape lachi tsachilaca in fiquica meracarisa. Lari matu to miya Davichi alica joyoe tie. Tsachilachi tencabi tsemin joyoe tie tseino inasa duque uraran tsemin tsabo cuwenta.

Quirajanunca 22:16 ပူးပေါင်းရင်းမြစ်များ

San Mateo 1:1

Jesucrístori matu to miya Davichi alica jominue. Daviri matu to Abrahanchi alica jominue. Junni in pilabi casale casaleri Jesucrístochi matu tatalachi mumunca jera pila chutechinayoe.

San Mateo 2:2

itsanlatinue: —Fechi tobi chuto uyan quiran tsaboca quiralaquiyoe tilatinue. Junni jun tsaboca quirato, in tobi na manca nainueque miilaiyoe. Ya nari israelítalachi miya jono joe latinue. Junni junca miito ya náca se tibi jalainayoe latinue.

San Mateo 22:42

—¿Diosi wenteca Cristo tinunca niya quiraque tenca calaquiyun? ¿Mochi alica jochunan? tie. Aman fariséolari Jesube manpato, matu to miya Davichi alica jochunae tilatie.

San Mateo 22:45

Junni Jesús Diosichi Pilabi chutecaca tsanque manpasi, itsantinue: —Aman junni Cristo tinun tsachi miya Davichi alica jonari, ¿niyaito Davinan yaca Miya tinun? tie.

San Lucas 1:78

Junni Diosi chiquilaca duque laquirato, chiquilachi jutsaca piyarichunae tinue. Chiquilaca laquirato, chiquilachite jamochi nechi tsechunae.

San Lucas 20:44

Junni Jesús Diosichi Pilabi chutecaca tsanque manpasi, itsantinue: —Aman Cristo tinun tsachi miya Davichi alica jonari, ¿niya jonan Davinan yaca Miya tinun? tinue.

Románolachi 15:12

Junsi man postobi Isaíari Crístoca pato, itsanque chuteca joe: Isaíchi alica manca jato, mantá tan joto, israelita itonlacanan mantachunaeque chuteca joe. Yalari yaca tennalarachunaeque chuteca joe.

Románolachi 9:5

Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.

2 Pédrochi 1:19

Junni matute Diosichi mantate paminlanan Jesucrístoca cuenta quilaquinue. Junni chiquilanan ura miralarayoe tsarasi fiqui joeque. Yalari tenca mántari natiya pila chutetulajonue. Yalaca Diosichi Tenca tsanque pila chutesa carinue. Tsanque yachi mantate pila chutelaquinue. Junni in fiquica seque meralaquina! Nulachi Diosichi Pilaca miino muquilaquinari, nulachi tenca munateri epe quiratuntsan joe. Matute pila chuteminla man quiraque chutecaca quirato, uyan quiraque pánae titulajona! Jun fiquica seque meránola joe nemente lanparinchi quiranun cuwenta. Tsanque meránari, Jesucrístori nulachi tencabi jera tsechunae. Casale quepenan tsemin tsabo cuwenta tseto, junsi jera malon cuwenta tsen suwachunae.

Quirajanunca 1:1

In cuenta Jesucrístochi joe. Casaleri miituntsan jominca Diosi Jesucrístochi micuwanue yape yabe mantaiminlachi manmicuwasa. Inale niyanhino jonunca miralarasa yalachi junca micuwano jominue. Junni Jesucristo yachi anjelica erenue yape junca lachi jera micuwasa. Junni la Juan

Quirajanunca 1:11

Yari itsantie: —Jeralelaca caque joto, jeralela jerainasa cajoanae tie. Nuchi quirajanunca jera pila chutede! tie. Jera pila chuteto, Asia tobi Diosichi tsachilachica erena! sieteca pueblobi chuminlachi. Ya siete bolonlachi jera erena! tie. Efésobi, Esmírnabi, Pérgamobi, Tiatírabi, Sárdibi, Filadélfiabi, Laodicéabi chuminlachi erena! tie.

Quirajanunca 1:4

La Juan in pilaca chutenayoe. Asia tobi sieteca pueblobi Jesucrístochi tsachila man bolon man bolon chularae. Yalachi erechun in pilaca quinayoe. Apa Diosibenan, yachi Tencabenan, Jesucrístobenan rocainayoe yape nulaca laquirato seque ayudailaisa. Diosi matunan jomin joto, amananan cajoto, inanan cajochunae. Yachi Tenca sieteca Tenca tsan joto ya mantato chudinun caquele joe. Jesucrístori puyatonan mansonhinue. Ya casale tsanhica joe. Yari Diosica tsarasica pamin joto, jerale to miyalachi Miya joe. Junni la yalabe rocainayoe yape nulari wepanatuto pansi chularasa. Jesucristo chiquilaca duque laquirato, chiquilachi jutsaca yachi asanchi tsaleca joe.

Quirajanunca 2:11

Punqui chunla jotori, seque meránola joe Diosichi Tenca yachi tsachilabe pánanunca. Seiton puyaca junla inale manan manpuyalaichunae. Junni fe iminlari natiya manan manpuyalaituchunae. Esmírnabi chuminlachi tsanque pila quisa carie.

Quirajanunca 2:17

Junni punqui chunla jotori seque meránola joe Diosichi Tenca yachi tsachilabe pánanunca. Jana maná tinun finoca tsato tayoe. Junni feiminlachi junca cuwanae. Junsi motiya feinari, yachi fiban suca cuwanae. Jun sulabi casan mumun chutecala jochunae. Ya mumunca caminlasiri ti mumun jonunca miralarachunae. Uyanlari monantiya miitolajochunae. Pérgamobi chuminlachi tsanque pila quisa carie.

Quirajanunca 2:7

Junni punqui chunla jotori, seque meránola joe Diosichi Tenca yachi tsachi bolonlabe pánanunca. Meralaquede! Diosichi sen tobi sen chide pele chue. Jun chide pucaca fiminlari numatotiya sonnato polelaichunae. Junni fe iminlachi ya pucaca cufiyanae tie. Efésobi chuminlachi tsanque pila quisa carie.

Quirajanunca 22:1

Junni anjeliri pi jinanunca lachi quirawoe. Ya piri numatotiya sonnasa carimin pi joe. Duque uraran tseba pin joe bidrio cuwenta. Diosibe Opisa Nabe mantato chudinunbi nechi jun pi bulanae.

Quirajanunca 22:11

Junnasanan jutsa quiminlari yape jutsa quinilaquinasa! tie. Seitonla yape seiton cajonilajosa! Senla mantimini peleituto sen jolajosa! tie. Yape Diosichi tsachilari Diosichi mantate canenalarasa! tie.

Quirajanunca 22:20

Jesús in fiquica pasa carimin joto, la moora manpatanae tinae. Tsa tie. Miya Jesús, manpatana!

Quirajanunca 22:6

Junni anjeli labe pato itsantie: —In fiquiri tsarasi quereintsan fiqui joe tie. Miya Diosi yachi anjelica eree tie yape yabe mantaiminlaca meracarisa inale niyan ino jonunca. Diosiri yachi mantate paminlachi tenca cuwamin joe tie yape yachi fiquica seque palaquisa.

Quirajanunca 3:13

Junni punqui chunla jotori seque meránola joe Diosichi Tenca yachi tsachilabe pánanunca. Filadélfiabi chuminlachi tsanque pila quisa carie.

Quirajanunca 3:22

Punqui chunla jotori seque meránola joe Diosichi Tenca yachi tsachilabe pánanunca. Laodicéabi chuminlachi tsanque pila quisa carie.

Quirajanunca 3:6

Punqui chunla jotori, seque meránola joe Diosichi Tenca yachi tsachilabe pánanunca. Sárdibi chuminlachi tsanque pila quisa carie.

Quirajanunca 5:5

Junni unica manca labe itsantie: —Waretude! tie. Quirade! tie. Tsachi manca jun pilaquidoca woleno podeichunae. Yari Judachi alica tsachi joe. Duque poden jonan, yaca Luquela timinla joe. Matu to miya Davichi alicanan joe. Ya fe loca joto, seyoca boleto, pilaquidoca woleno podeichunae tie.