Quirajanunca 2:23 - Diosichi Pila

²³ Yachi nalalacanan toteyanae. Junni jerale lachi tsachi bolonla miralarachunae la yalachi tencaca jera miimin joeque. Jeralela nisi seiton quinanatiya, la tsansinan yalaca beconan casticaqueyanae.

Quirajanunca 2:23 ပူးပေါင်းရင်းမြစ်များ

San Mateo 16:27

La tsachi ica jun joto lachi anjelilabenan manpatalaiyanae tie. La lachi Apa Diosichi urara tsenbe manpatanae tie. Junni la manpatatobi, piyanlelachi beconan mancuwanae tie. Sen quiminlachi senca mancuwan, seiton quiminlacari casticaquin, queyanae tie. Junni nulabe tsarasica pachinayoe tie. Nula weyan weyanla inte wiruraminla la mantá tan jananunca quirano fecári puyalaituchunae tie.

San Lucas 16:15

Junni Jesús yalabe itsantinue: —Nulari duque tenfeminlae yape uyan tsachila nulaca sen jolajoe tilatisa. Aman nulachi tencabi mantimini Diosi mirae tinue. Tsachila duque sen joe tinunca Diosi ti quiran seiton joe timin joe tinue. Jesús tsanque micarinue.

San Juan 21:17

Junsi Jesús jun tsanquenan manpanhato, Simón, Jonachi nao, ¿laca laquirayun? tie. Pedro mantimini laquiie peman ne tsanquesiri panhanan. Junto Miya tie. Nu jera mirae tie. La nuca laquiraeque mirae tie. Tsantinan, Jesús laca laquiratori, lachi opisa cuwenta junlaca cuidaina! tie.

San Juan 4:16

Junni Jesús yabe manpato, nuchi unilaca mancáchin! tinue.

Mantá Tanla 1:24

Junni junbi layaica junlari Diosibe rocaito itsantilatinue: —Miya Diosi, nu jeralelachi tencaca miramin joe. ¿Junni in palucale nechi moca mantá tan suwantsan jun? tilatinue. Judas Iscariote jutsa quito, ya mantaca jera piyarinue ya jino jonun minu jichun. Junni Miya Diosi, nu chiquilachi micuwade! ¿Nu moca wentenayun? yape Crístochi mantá tan pejosa.

Románolachi 14:12

Junni jeralela Diosichi cale jera panola joichunae niyaque nenaminla jonunca.

Románolachi 8:27

Diosi mantimini yachi Tenca rocainanunca jera entendeimin joe. Itsanque joe: Diosichi Tenca Diosichi tsachilachi tenchi rocainato, Diosi munaranunca rocaimin joe. Junnan Diosi jera entendeimin joe. Aman Diosiri chiquilachi tencacanan jera mirae. Junsi yachi Tenca chiquilachi tenchi rocainuncanan jera mirae.

2 Coríntolachi 5:10

Manca mate Crístori jeralelaca miito chusanan, chiquila jeralela yachi cale wiruino jocaichunae. Casonnaminnan fe seque quimin jominlachiri jun mate fe senca cuwachunae. Casonnaminnan seiton quimin jominlacari casticaquichunae. Jun tenchi yachi tenca munate nenano munaralarayoe.

Galácialachi 6:5

Tsanque jeralela uyanlaca seitonque patuto, tencachique tencacari seque cuidainola jochunae.

1 Pédrochi 1:17

Diosi jeralelaca man parejori miimin joe. Junni jeralelaca man parejonan miimin joto, sen jominlacari se tichunae; seiton jominlaca se tituchunae. Junni yaca nulachi Apa joe titori, yaca jele nenalarana! ya Apachi toca lono fecári.

Quirajanunca 2:11

Punqui chunla jotori, seque meránola joe Diosichi Tenca yachi tsachilabe pánanunca. Seiton puyaca junla inale manan manpuyalaichunae. Junni fe iminlari natiya manan manpuyalaituchunae. Esmírnabi chuminlachi tsanque pila quisa carie.

Quirajanunca 2:7

Junni punqui chunla jotori, seque meránola joe Diosichi Tenca yachi tsachi bolonlabe pánanunca. Meralaquede! Diosichi sen tobi sen chide pele chue. Jun chide pucaca fiminlari numatotiya sonnato polelaichunae. Junni fe iminlachi ya pucaca cufiyanae tie. Efésobi chuminlachi tsanque pila quisa carie.

Quirajanunca 20:12

Junni jerale puyaca junla ya chudinun caquele wiruralarae. Mantá tan jominla, epe tsachila jominla, jeralela junte jera wiruralarae. Junni pila tiwincalaca jera woleto, Diosiri jun pilabi chutecaca quirae puyaca junla niyaque nenamin jominla jonunca. Tsanque tsachila culpa tanunca jera miie. Lamaribi puyaca junla manloto jalaie. Jerale puyacala manjalaie. Puyacalachi postobi nechi jeralela loto manjalaie. Junni yala jeralelaca niyaque nenaminla jonunca miie. Junte nechi wari puyasa carimin fiqui itonan, monantiya puyano itochunae. Puyacalachi postonan itochunae. Puyasa carinun fiquica, junsi puyacalachi postocanan wa pipilunan quiran ninbi jera quepoe. Jun ninbi quepoca junlari manan manpuyalaie. Tsanque palu neca puyalaie. Junni Diosi manca pilacanan wolee. Jun pilabi Diosichibi sonnato poleno jonunca pánae.

Quirajanunca 22:12

Junni Jesús labe itsantie: —Meralaquede! tie. Moora manpatanae tie. Jatobi, jeralelaca niyan quicala jonunca miito, seque quica junlaca seque manqueyanae; seiton quica junlaca casticaqueyanae tie.

Quirajanunca 6:8

Jun quiranari, laquebalaraden calu lae. Jun calubi chumin “Totemin” tinun mumun joe. Yachi benele manca jae. Yari “Puyan Ocolachica Eremin” mumun joe. Yalachi mantá cuwae yape tsachilaca totelaquisa. Yalari tsachila junpalucale nechi mancaca toteno mantá talarae. Yala totenunla weyanlari quicaato puyan, weyanlari ano mochi puyan, weyanlari quiyanchi puyan, weyanlari papun animali toteca jun puyan, ilaichunae.