Quirajanunca 2:18 - Diosichi Pila

¹⁸ Junni labe cuenta quinamin tsachi manpato itsantie: —Diosichi Nao joyoe. Lachi caca nin lunaca tsanni quiran joe. Lachi nedenan tsequiniquiminhe bronse cuwenta. Junni Tiatírabi chumin bolonchi anjelichi erechun lachi fiquica itsanque pila chutede:

Quirajanunca 2:18 ပူးပေါင်းရင်းမြစ်များ

San Mateo 17:5

Junni Pedro tsanque cuenta quinasa, tseban poyo yalaca donue. Junni jun poyobi nechi fiquica itsanque meralaquinue: —Inni lachi munatinun Nao joe tinue. Yaca sen joe tiyoe tinue. Junni yaca meralaquina! tinue.

San Mateo 27:54

Aman Jesuca quiramin soldadolabe yalachi capitanbe to wenanunca quiralaquee. Junca quirato, titiya jera niyainanunca quirato, wepanalaito itsanlatie: —In tsachiri Diosichi tsa Nao jominue latie.

San Mateo 3:17

jamochi nechi fiqui mera jominue. Itsantinue: —In lachi duque munatinun Naoe tinue. Ya tenchi duque son joyoe tinue.

San Lucas 1:35

Junni anjeli manpato itsantinue: —Diosichi Tenca nuchica jachunae tinue. Diosi fécari mantá tan joto, nuca poyochi cuwenta dochunae tinue. Junnan ya sen náca Diosichi Nao tinun jochunae tinue.

San Juan 1:14

Junni ya “Diosichi Fiqui” tinun jominnan tsachi inue. Tsachi ito, chiquilabe pesonnaminue. Duque laquirato, tsarasica pamin jominue. Apa Diosichi mancari Nao joto, duque mantá tan jominue. Junni tsan jominca chiquilari quiralaquiyoe.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 3:16

Diosi piyanlelaca duque laquirae. Tsancari laquirato, yachi mancari Naocanan erenue yape yabe cayaiminlachi tenca puyatuto numatotiya sonnato polelaisa.

San Juan 3:18

Yabe cayaiminlacari culpa itonla joe timin joe. Yabe cayaituminlacari numa culpa quica jochunae Diosichi mancari Naobe cayaitunun tenchi.

San Juan 5:25

Junni nulabe tsarasica pachinayoe. Numa óra faca joe yape tenca puyaca junla lachi fiquica meralaquisa. Lari Diosichi Nao joto yalabe pachinayoe. Junni laca meráminlachi tencaca mansoncariyanae tie.

Mantá Tanla 16:14

Junni yala manca Lidia mumun jominue. Yari israelita itotonan, israelítalachi mite Diosica tenca camin jominue. Yari Tiatira pueblobi nechi jato, morado panuca osimin jominue. Junni Pablo micarinasa, Miya Diosi Lídiaca yachi fiquica quereisa carinue.

Mantá Tanla 8:36

Junni minuse jinaminnan, pi quelole polelainue. Junni Etiopía tsachiri itsantinue: —Quirade! Ina pi poe tinue. ¿Lari mumunhino podeino joinhin? tinue.

Románolachi 8:32

Diosi yachi Nao patsaca isá tituto, chiquilachica ereca jotori, uyan ticatiya jun tsanquenan jera cuwachunae.

Quirajanunca 1:11

Yari itsantie: —Jeralelaca caque joto, jeralela jerainasa cajoanae tie. Nuchi quirajanunca jera pila chutede! tie. Jera pila chuteto, Asia tobi Diosichi tsachilachica erena! sieteca pueblobi chuminlachi. Ya siete bolonlachi jera erena! tie. Efésobi, Esmírnabi, Pérgamobi, Tiatírabi, Sárdibi, Filadélfiabi, Laodicéabi chuminlachi erena! tie.

Quirajanunca 2:1

Junsi lachi quirajanasa, cacuenta quinato itsantie: —Ya sieteca tsabo tayoe tie. Lanpara chutechun oroca quica jonunte nenamin joyoe tie. Junni Efésobi chumin bolonchi anjelichi erechun lachi fiquica itsanque pila chutede! tie:

Quirajanunca 2:24

Weyanla Tiatírabi chuminla mantimini jun seiton fiquica quereituminla joe. Junsi manca seiton fiquicanan quereituminla joe. Ya fiquiri yucanbe, junsi yabe mantaiminlabesiri miralarae tinun fiqui joe. Junni ya fiquicanan nula miitulajoe. Junni nulabe itsantichinayoe: Numa Diosica quereinunca natiya peleituto quereinilaina! la manpatano fecári. Nulaca nantari mantatiyoe.