Quirajanunca 18:6 - Diosichi Pila

⁶ Yala nulaca seiton quiminla jonan, yalacanan jun tsanquenan seiton quilaquede! tinae tie. Uyanlaca padesecariminlaca, yalacanan palu tsansica padeseisa carilaquede! tinae tie. Seiton cuchisa cariminla jonan, yalacanan palu tsansi cuchisa carilaquede! tinae tie.

Quirajanunca 18:6 ပူးပေါင်းရင်းမြစ်များ

2 Timotéochi 4:14

¿Aman Alejándroca mantenhiyun? ya cobreca ticatiya quimin tsachi. Aman yari labe duque seiton ie. Miya Jesucristo yaca casticaquisa tenjae seiton quinun tenchi.

Quirajanunca 13:10

Dosa cariminla doinola jochunae. Tsachilaca espadachi toteminla, yalanan jun tsanquenan totailaichunae. Diosichi tsachilari ya fiquica tennato peleituto nenanola joe.

Quirajanunca 16:19

Junni to wenan, wa Babilonia pueblo bojie; peman piti ie. Uyan tobinan pueblobi ya darapatie. Junni Diosi Babilonia pueblobi chuminlaca mantenhie. Yalaca duque pa joto castica quino joe. Duque sonban binoca cuchiminla duque padeseilaichunae. Junni babilónialaca Diosi tsanquenan padeseisa carito casticaquichunae.

Quirajanunca 17:2

Jerale to miyala yabe nosa seitonque quilaquinae tie. Jerale tote chuminla yabe seiton quito, tenca iton icala joe tie tiri winanla cuwenta.

Quirajanunca 17:4

Sonachi panu luban, pituli malanan quiran, panu joe. Moso jochun oro, joyabe, perlabe pun joe. Tedechi óroca quica jun copa tae. Junbi duque uta tintsan pi tsan pun joe. Junni tsachi jun pi tsanca cuchinanun tito, tsa cuchicaca tsantitue. Jun sonabe seiton quinanunca yachi pica cuchinae tinun joe.

Quirajanunca 18:20

Junni babilónialaca laqui timinlachi fiquica tsanque jera manpolarisi itsantie: —Diosichi tobi chuminla, jerale Diosichi sen tsachila, Crístochi mantá tanla, Diosichi mantate paminla, jeralela son tinola jochunae tie ya pueblo yucapiyaca joeque. Nulabe seitonla jonun tenchi Diosi yalaca culpa talarae tito casticaquichunae tie.