Quirajanunca 18:10 - Diosichi Pila

¹⁰ Warenatonan, jabile wiruralarachunae babilónialabe pepadeseinoca jelechi. Junsi sonba pato ayay, ayay latichunae tie. Babilonia tsaran uraran wa pueblo jominhe latichunae tie. Duque podenla chunun pueblo jominhe latichunae tie. Tsan josanan man ora nacateri Diosi yalaca culpa talarae tito yucapiyarie latichunae tie.

Quirajanunca 18:10 ပူးပေါင်းရင်းမြစ်များ

Quirajanunca 11:8

Junni yala puyacala cayebi tsoniralarae. Junni jun pueblobi chuminla duque seitonla joe matu to Sodómabi o Egíptobi chuminla cuwenta. Jun pueblobi ya paluca tsachilachi Miyaca corosibi toteca jominlanue.

Quirajanunca 14:8

Jun anjeli polenunsi, manca anjeliman jato itsantie: —Babilonia tinun wa pueblo numa yucapiyae tie. Tsara sen moso pueblo jomin jotonan, numa jera yucapiyaca joe tie. Jun pueblobi chuminla seiton jolajoe. Jana seiton sonala unilalaca bino cutsawoto winan suwato, jelenquira quimiyaminla joe. Junni Babilonia pueblobi chuminla jun tsanquenan seiton quimiyaminlae tie uyan tobi chuminlaca.

Quirajanunca 16:19

Junni to wenan, wa Babilonia pueblo bojie; peman piti ie. Uyan tobinan pueblobi ya darapatie. Junni Diosi Babilonia pueblobi chuminlaca mantenhie. Yalaca duque pa joto castica quino joe. Duque sonban binoca cuchiminla duque padeseilaichunae. Junni babilónialaca Diosi tsanquenan padeseisa carito casticaquichunae.

Quirajanunca 17:12

Junni chunca cachinan quirannan, yanan chunca miyala jolajoe. Ya miyalari mantaca cacatulajoe. Ina mantá calaquichunae man óra nacá animalibe parejo pemantachun.

Quirajanunca 18:18

ya pueblo lunasa nin poyoca quirato, sonba pato, jun pueblori jerale uyan puebloca fe uraran wa pueblo jominhe latichunae tie.

Quirajanunca 18:19

Junsi yalachi miteri to cato, tencachique misu butuchi foleerelaquichunae tie wepananayoe tito. Laqui joto, warelaquinato, sonba pato itsanlatichunae tie: Ayay, ayay, Babilonia tsaran uraran wa pueblo jominhe latichunae tie. Jerale barco tsacuminlari ocoica jominlayoe latichunae tie ya pueblobi chuminlabe necosio quito. Junni man óra nacateri jera yucapiyarie latichunae tie.

Quirajanunca 18:21

Junni tsantinasale, sonban anjeli ilinun sunan quiran wa suca cae. Ya suca lamaribi quepoto, itsantie: —In suca lamaribi sonba queponun cuwenta, Babilonia puebloca moora yucapiyarichunae tie. Yucapiyarinan, numanan manquiraituchunae tie.

Quirajanunca 18:8

Yalaca casticaquimin Diosi duque sonban joe tie. Junnan yalari sen joyoe tinaminnan, jun matenan jera padeseilaichunae. Puyan, padesein, ano faltain, ilaichunae tie. Ya pueblo nin jera luchunae tie.