Quirajanunca 17:9 - Diosichi Pila

⁹ Junni tenca tanlasiri in fiquica meráno podeilaichunae tie. Babilonia tinun pueblori sieteca dubi chue. Junni ya animalichi sieteca misuca quirato, jun sieteca du joeque tenhintsan jochunae.

Quirajanunca 17:9 ပူးပေါင်းရင်းမြစ်များ

San Mateo 13:11

Junni Jesús chiquilaca meráto beconan itsantie: —Duque taminlachi fe cuwanan, nantanancari duque talarachunae. Itonlachica mantimini nasiri tanuncatiya josolenan, natiya iton ilaichunae tie. Jun tsanquenan nulari miraminla joto, fécari miilaichunae. Diosi nulachi mi cuwachunae. Uyanlachi mantimini mi cuwatue.

San Mateo 24:15

Jesús tsanque micaritobi, man fiquiman pae. In pilaca quiraminlari ya fiquica miichique duque tenfenola joe. Ya fiqui itsanque joe: —Matu to Daniel Diosichi mantate pato, duque seiton suwaminca pato pila chuteca joe tie. Aman jun seiton suwamin tsachi wiruichunae tie Diosichi sen postobi. Junni tsachilari yaca junbi wiruraminca quirasi, we sujinola jochunae tie.

Quirajanunca 13:1

Junni lamari pi fiquile tsalanbi wirurato, tiyato lamaribi nechi lanaminca quirayoe. Sieteca misu chun, chunca cachi chun animali joe. Chunca cachibi mantaminlachi corona pun joe. Jun misu cura mumunca pila chuteca joe. Diosica seitonque panun mumun joe.

Quirajanunca 13:18

Inca duque tenca cantsan joe. Tenca tanlari ya animalichi numeroca cuenta larito, jera entendeintsan joe. Tsachichi numero joe. Yachi numero sota patsa sota chunca sotaca joe.

Quirajanunca 17:18

Ya seiton sonari pueblo joe tie. Uraran wa pueblo joe. Jun puebloca mantaminla jerale tote miyalaca mantaminla joe tie.

Quirajanunca 17:3

Junni anjeliri labe tsantisi, laca niyanlanantiya chutunun postoca tanjie. Diosichi Tenca tsanque lachi quirajasa carie. Junbi sona manca lubaden animalibi chuminca quirayoe. Ya animalibiri delete seiton mumunca pila chuteca joe. Diosica seitonque panun mumun joe. Ya animaliri sieteca misu, chunca cachi chun joe.

Quirajanunca 17:7

anjeli itsantie: —¿Niyaito wepananayun? tie. Ya sonari ti jonunca miino duque tenfe joe tie. Ya sonaca tanjamin animalinan, ya sieteca misu chun, chunca cachi chun animali, yacanan miino duque tenfe joe tie. Tsan jonuncanan la nuca micarichinayoe tie.