Quirajanunca 17:8 - Diosichi Pila

⁸ Ya animali jominhe. Amanari itoe. Ina yucanchi forobi nechi lato, tsanle yucapiyabi jichunae. Junni jerale tobi chuminla ya animalica wepanalaichunae tie. Casale jomin joto, amanari itoto, inale manjochunae tie. Tsanhinaminca quirato, wepanalaichunae tie. Junni Diosichibi pila manqui joe. Jun pilabi numatotiya sonnato poleno junlachi mumunca chuteca joe. Toca caquituminnan tsanque chuteca joe. Junni jun pilabi mumun chuteca itonlari ya animalica wepanalaichunae tie.

Quirajanunca 17:8 ပူးပေါင်းရင်းမြစ်များ

San Mateo 25:34

Junto la yalachi miya joto, tsa tede nanchi wiruraminlabe itsantiyanae tie: Lachi Apa Diosi nulaca son tisa carica joe. Matu mate in toca quinato, nulachi tenchinan tsara sen to quicae tiyanae tie. Junbi Diosi nulachi Miya jonan seque chunola jochunae tiyanae tie. Junni jalaide! Jun sen tobi wito chularana! tiyanae tie.

San Lucas 10:20

Junni tsan jotonan, yucanchi ocolaca fe joto mantamin joyoeque polencari son titulajona! tinue. Nulachi mumunca Diosichibi chuteca jonunca fécari son tilatina! tinue.

San Lucas 8:31

Junto yala Jesube rocailainue yalaca yucanchi foroca eretusa.

San Juan 17:24

Nu, Apa Diosi, inlaca labe cayaisa carica joe tie. Junni lachi inlaca labe pechularasa tenjae tie. To caitosanan, nu laca laquirato, tsaracari mantá tan chusa carie. Junni inlaca labe pechularasa tenjae yape uraran mantá tan chuminca pequiralaquisa.

Mantá Tanla 15:18

Aman Miya Diosi patsa tsantinue tinue. Yari matu male nechi yaca cuenta polarica joe tinue.

Efesolachi 1:4

Diosiri toca caquituminnan, chiquilaca, yaca quereino junlaca, wenteca jominue. Chiquilaca wenteca jominue yape yachi sen tsachila joto yachi cate ti culpanantiya iton nenalarasa.

Títochi 1:2

Chiquila numatotiya jamochi sonnato polenola joyoeque quereiminla joyoe. Jun tenchi la Diosi mantaca jun nenayoe. Diosi to caquituminnan panue chiquila numatotiya sonnato polenola joeque. Junni ya nene patumin jonan, ya paca fiquica tsa lono joeque meralarayoe.

1 Pédrochi 1:20

Diosi toca caquituminnan, yaca pato, puyano jochunae tinue. Junni to yucapiyarino ma quelo inasa, Cristo nulaca laquirato jamochi nechi patanue nulachi tenchi puyachun.

Quirajanunca 11:7

Junni yalari Diosica cuenta jera polaritobi, aman totailaie. Yucanchi forochi nechi jele tintsan quiran animali lae. Junni ya animali ya paluca Diosica cuenta polariminlabe quicaato, yalaca fe loto totee.

Quirajanunca 17:11

Ya animalinan miya joe. Yari casale jun sieteca miyalabe manca pejominnan, amanari itoe. Junni yari mannan mantá mancato, miya numero ochu jochunae tie. Junni yari yucapiyabi jichunae tie.

Quirajanunca 17:2

Jerale to miyala yabe nosa seitonque quilaquinae tie. Jerale tote chuminla yabe seiton quito, tenca iton icala joe tie tiri winanla cuwenta.

Quirajanunca 20:10

Yucanca, yalaca encanamin jominca, Diosi ninbi quepoe. Jun nin wa pipilunan quiran nin, junbi ninbe asufrebe lunanunbi quepoe. Nene pato Diosichi mantate pánayoe timinbe, junsi ya animalibe, yalari jun ninbi numa polarae. Junni ya pemanca numatotiya quepen, malon padeseito polelaichunae.

Quirajanunca 20:12

Junni jerale puyaca junla ya chudinun caquele wiruralarae. Mantá tan jominla, epe tsachila jominla, jeralela junte jera wiruralarae. Junni pila tiwincalaca jera woleto, Diosiri jun pilabi chutecaca quirae puyaca junla niyaque nenamin jominla jonunca. Tsanque tsachila culpa tanunca jera miie. Lamaribi puyaca junla manloto jalaie. Jerale puyacala manjalaie. Puyacalachi postobi nechi jeralela loto manjalaie. Junni yala jeralelaca niyaque nenaminla jonunca miie. Junte nechi wari puyasa carimin fiqui itonan, monantiya puyano itochunae. Puyacalachi postonan itochunae. Puyasa carinun fiquica, junsi puyacalachi postocanan wa pipilunan quiran ninbi jera quepoe. Jun ninbi quepoca junlari manan manpuyalaie. Tsanque palu neca puyalaie. Junni Diosi manca pilacanan wolee. Jun pilabi Diosichibi sonnato poleno jonunca pánae.

Quirajanunca 20:15

Junni jun pilabi mumunca chuteca itonlaca jun ninbi quepoe.

Quirajanunca 3:10

Nulari lachi fiquica natiya peleituto meráminla jonan nulaca isaiyanae. Jerale tote chuminla duque padeseino patilaichunae yape niyan tsachila jonunca miintsan josa. Junni nulaca isaiyanae yape nulari jun mate pepadeseilaitusa.

Quirajanunca 3:5

Fe iminlaca tsanque fibaquin camisa pocariyanae. Yalachi mumun Diosichibi sonnanun pilabi chutecaca natiya piyarituanae. Lachi Apa Diosichi cale, yachi anjelilachi cale, junlaca sen jolajoe tiyanae.