Quirajanunca 14:1 - Diosichi Pila

¹ Jun quiranari Opisa Nari Sion dubi wiruraminca quirayoe. Yabe duque tsachila pewiruralarae. Patsa junpalu chunca junpalu mili tsachila yabe pewiruralarae. Junni Opisa Nachi mumunnan, yachi Apachi mumunnan yalachi lesubi chuteca jolajoe.

Quirajanunca 14:1 ပူးပေါင်းရင်းမြစ်များ

San Lucas 12:8

Junto Jesús itsantinue: —Nulaca tuca payichinayoe: Nulari tsachilaca jeleratuto, la tenchi luratulajona! tinue. Junni tsachilachi cale lachi tsachi joyoe tinilatina! Tsantiminlaca lanan lachi tsachila jolajoe tiyanae. La tsachi ica jun joto Diosichi anjelilachi cale yalaca tsantiyanae.

Quirajanunca 14:14

Jun quiranari fiba poyonca quirayoe. Junbi tsachi ica jun tinunnan quiran tsachi chue. Yachi misubi oroca quica jun corona pun joe. Yachi tedebi tsara teyan torincan machiteca tae.

Quirajanunca 14:3

Ya patsa junpalu chunca junpalu mili tsachilari casan canta quilaquinae. Diosi mantato chudinun caquele, junpaluca wiruraminlachi caquele, unicalachi caquele canta quilaquinae. Uyanla jun cansionca miino podeilaitue; yalasiri miino podeicala joe. Tote chuminlale nechi yalaca se larica joe.

Quirajanunca 15:5

Junni yala tsanque cantaquinasa quiranari, Diosichi tobi man cosa manquirayoe. Yari Diosichi yabi joe. Diosichi ya mantimini Diosichi tsachilachite chue yape Diosi yalabe pechueque tenhilaisa. Junni jun yabinan manca tsara sen tamo joe. Yari Diosichi tsara sen tamo joe. Junni jun tamo foroinaminca quirayoe.

Quirajanunca 22:4

Yachi caforoca quiraminla joe. Yalachi lesubi yachi mumunca chuteca junla joe.

Quirajanunca 3:12

Fe iminlaca lachi Apa Diosichi yabi tutan cuwenta suwanae yape natiya manlolaitusa. Ya tsachilachibi mumunca chuteyanae. Lachi Diosichi mumunca, lachi Diosichi pueblochi mumuncanan, lachi casan mumuncanan chuteyanae. Diosichi pueblo, ya Casan Jerusalén tinun, ya Diosichibi nechi patano jun pueblo joe.

Quirajanunca 4:1

Junte nechi la Juan quirato, Diosichi tobi winun tamolanca quirayoe. Tamolan lasarae. Junte fiqui meranayoe. Casale pánanun fiquica tutu tsanni manmeranayoe. Junni ya itsantie: Laca inchi lade! tie. Manca mate niyan ino jonunca nuchi quirawochinayoe tie.

Quirajanunca 6:8

Jun quiranari, laquebalaraden calu lae. Jun calubi chumin “Totemin” tinun mumun joe. Yachi benele manca jae. Yari “Puyan Ocolachica Eremin” mumun joe. Yalachi mantá cuwae yape tsachilaca totelaquisa. Yalari tsachila junpalucale nechi mancaca toteno mantá talarae. Yala totenunla weyanlari quicaato puyan, weyanlari ano mochi puyan, weyanlari quiyanchi puyan, weyanlari papun animali toteca jun puyan, ilaichunae.