Quirajanunca 12:12 - Diosichi Pila

¹² Jun tenchi Diosichi tobi chuminla son jonola joe tie. Tote chuminla mantimini jele tinola joe. Yucan yalachica pataca joe. Yucan mirae tie moora yucapiyano joyoeque. Junca mirato, tsancari paito pataca joe tie. Jun tenchi tobi chuminla, lamaribi chuminlanan, yucanca jele tintsan joe tie. Jamochi nechi fiqui pato tsantie.

Quirajanunca 12:12 ပူးပေါင်းရင်းမြစ်များ

San Lucas 15:10

Junni Jesús tsanque cuenta polarisi, yaca meráminlabe itsantinue: —Tsachilari jun cala cuwenta jolajoe tinue. Junni jutsa quinunca telaquepoto, casan tenca mancamin mancaca Diosichi anjelila son timinla joe tinue. Jesús tsanque micarinue.

San Lucas 2:14

Jamochi chumin Diosica tsara sen patsa joe tintsan joe tilatinue. Diosi tsachilaca pansi chusa carichunae yape wepanatuto chularasa. Diosi tsachilabe sen jochunae.

Israelítalachi 10:37

Diosichi Pilabi itsanque pila chuteca joe: Nanni inale jano jomin jachunae tinue. Wanhituchunae tinue.

2 Pédrochi 3:8

Nulaca laquirato payinayoe. Junni in fiquica pansitulajona! Man malonni Diosiberi mili wata jun tsannan joe.

Quirajanunca 10:6

Diosichi mantate juraquito pae. Juraquinato itsantie: Diosiri numatotiya sonnato polemin joto, yari tocanan, tote chuminlacanan, lamaricanan, junbi nenaminlacanan, yachi tocanan, junbi chuminlacanan, jera quimin joe tie. Junni jera tsanquiminchi mantate juraquito pánayoe tito itsantie: —Natiya wanhino itochunae tiyoe tie.

Quirajanunca 11:10

Tote chuminla duque son tito, yala tala ticatiya epe cuwalaquee yala Diosichi mantate paminla numa puyalaie tito. Inla chiquilaca tsancari pasuwanaminlae tito, son tilatie puyalaie tito.

Quirajanunca 11:14

Junni aman tsachila palu ne padeseilainae. Junnasa man ne cajoe. Yari moora ichunae.

Quirajanunca 12:9

Draconca jera darapatarilaquee. Aman ya draconni matu tote pini jominue. Yaca yucan tinun joe. O yachi mumun pato, yaca Satanás tinun joe. Ya jeralelaca encanato, jutsa quisa carimin joe. Yabe yachi anjelilabeca tobi darapataricalae.

Quirajanunca 13:6

Diosica seitonque pae. Junsi yachi mumunca, yachi yaca, yachi tobi chuminlaca seitonque pae.

Quirajanunca 18:20

Junni babilónialaca laqui timinlachi fiquica tsanque jera manpolarisi itsantie: —Diosichi tobi chuminla, jerale Diosichi sen tsachila, Crístochi mantá tanla, Diosichi mantate paminla, jeralela son tinola jochunae tie ya pueblo yucapiyaca joeque. Nulabe seitonla jonun tenchi Diosi yalaca culpa talarae tito casticaquichunae tie.

Quirajanunca 8:13

Jun quiranari, anjeli manca Diosichi to quitsale jajinae. Ya anjeliri sonba pato itsantinaminca meráyoe: —Tote chuminla peman neca duque padeseino cajolajochunae tie. Pemanca anjelila yalachi tutuca caquinola joe. Junni numa quilaquechinae tie. Yala tutuca quinasa, tobi chuminla duque manpadeseino jolajochunae tie.

Quirajanunca 9:12

Aman tsachila man ne padeseicala joe. Palu ne cajoe.