San Mateo 9:2 - Diosichi Pila

² Junni tsachilari wecaino podeiton tsachi mancaca Jesúchica tanjalainue jali cuyanbi poto nanato. Jesuri yaca tennaminla jonunca miito, ya quiyanpunbe itsantinue: —Lachi nao, son tenca ide! Nuchi jutsaca piyarinayoe tinue.

San Mateo 9:2 ပူးပေါင်းရင်းမြစ်များ

San Mateo 14:27

Junnasaleri Jesuri pato itsantie: —Sonban tenca ilaide! tie. Lanan joyoe; jeleratulajode! tie.

San Mateo 4:24

Tsannasanan Siria tinun bare tobinan tsachila jera meralaquinue ya tsantin nenaminca. Yaca miito, tsachilari quiyanpunlacanan, fudan junlacanan, yucanchi ocobe padeseiminlacanan, jancanlacanan, ataque iminlacanan, jera Jesúchica tanjalainan, yalaca manse suwae.

San Mateo 6:12

Junni chiquilaca jerale seiton quiminlaca perdonaica jonan, nunan chiquilaca perdonaide!

San Mateo 8:10

Junni capitan tsantinunca meráto, Jesuri wepanae. Wepanato meráto, jerale yabe pejaca junlabe itsantie: —Nulabe tsarasica pachinayoe tie. In capitan israelita itotonan, israelítalaca fécari Diosica tennamin joe tie.

San Mateo 8:16

Junni jun quebi duque tsachilaca Jesúchica tanjalaie. Yucanchi ocola yalachibi wica jominlanue. Junni Jesuri yucanchi ocolaca mantato, jera mansularie. Junsi jerale quiyanpunlacanan manse suwae.

San Mateo 9:22

Junni Jesús mantimini tinpoleto, ya sonaca quirato itsantie: —Nama, wepanatude! Laca seque tennato manseinue tie. Jesús tsantinunsi ya sona manseiniinue.

San Mateo 9:5

¿La quiyanpunchi jutsaca piyarinayoe tituan? Tsanque pacachi panori layan tenfe itoe. Juntonan quiyanpunca mancupato mannenasa carino, ya fe tenfe jochunae tinue. La mantimini palu cosacanan quino podeiyoe tinue.

San Mateo 9:6

La tsachi ica jun joto in tote jutsaca piyarinonan mantá tan joyoe tinue. Yape mantá tan jonunca miilaisa, fe tenfe jonunca quechinayoe tinue. Junsi mantaca micariminlabe tsantisi, quiyanpunca itsantinue: —Mancupade! tinue. Jalica mancato yaca manjide! tinue.

San Marcos 1:32

Junni aman yo jera piyanasaleri, jerale quiyanpunlaca, weyanlari yucanchi oco punlaca, Jesúchica tanjalainue.

San Marcos 10:49

Junni Jesuri yaca meráto wiruito, quirano podeiton tsachica otisa carinue. Junni tsachilari ya Bartiméoca oticato itsanlatinue: —Sonba tenca mancade! Cupade! Jesús nuca jasa tinae tilatinue.

San Marcos 5:34

Junni Jesuri ya sonabe itsantinue: —Nama, nuri laca tsarasi tennato manseinue. Pansi manjiniide! tinue. Nuchi quiyan jera manseica joe tinue.

San Marcos 6:50

Junnasaleri Jesuri pato itsantinue: —Sonba tenca ilaide! Jeleratulajode! tinue. Lanan joyoe tinue.

San Juan 16:33

Junni labe penenaminlaca pansi chularasa tenjae. Jun tenchi nulabe tsanque cuenta quinayoe tie. Junni meralaquinade! Nulari in tote cachuminnan, padeseilaichunae tie. Tsan jotonan, son tilatina! Tote mantanaminlaca jera fe loca joyoe tie.

San Juan 2:25

Uyanlabe tsachilaca panhatuminnan, yari tsachilachi tencaca numa miraminue niyan jonunca.

San Juan 21:5

Junni chiquilabe otito, Amicola, ¿watsa calaquinayun? tie. Junni chiquilari beco pato, Te, calaquitiyoe tilatiyoe.

Mantá Tanla 14:9

Ya mantimini Pablo pánaminca meráto chumincanan Páblori tule quiranue. Junsi Páblori jancanca quirato tenhinue manseinonocari Diosica tennamin tsachi joeque.

Mantá Tanla 19:12

Tsachila Pablo talanun tsanpaca cato, quiyanpunlachica tanjilainue. Junni jun panube quiyanpunla manseilainue. Junsi yucanchi ocolanan jun panube tsachilachibi nechi manloto sujilainue.

Mantá Tanla 23:11

Junni jun quepen Miya Jesucristo Páblobe quirainue. Yachite wiruito, itsantinue: —Sonba tenca cade! tinue. Nuri Jerusalenbi lachi tenchi panun cuwenta, Roma pueblobinan lachi tenchi pano jochunae tinue.

Románolachi 5:11

Junni jun mate Jesucristo se larino josanan, amananan Diosica son tilatinayoe. Chiquilachi Miya Jesucristo chiquilaca amico suwato, son tisa carinae.

Santiago 2:18

Inca pansile nulari itsanlatichunae. Chiquilari seque quitumin jotonan, Diosica quereiminla joto, sen jolajoyoe latichunae. Junsi nulari laca pato, itsanlatichunae: Nuri Diosica quereituminnan, tenca mántanan seque quinae latichunae. Te, natiya tsan itoe. La seque nenayoe yape Diosica quereimin joeque miilaisa. Nula mantimini seque quitunari, ¿niyaito miintsan jochunan? nula Diosica quereiminla joeque.