San Mateo 8:4 - Diosichi Pila

⁴ Junni Jesuri yaca manse suwatobi, yabe itsantie: —Meráde! Mobenantiya patuminnan patelechica jito, Diosichi ticatiya nasi epe cuwade! tie. Aman matu to Moisés Diosichi Pilabi mantaca jominue lepra bichi manseiminla Diosichi ti cuwanola jonunca. Junni Jesús yaca cuwasa mantaquee yape jeralela miralarasa ya manseica joeque.

San Mateo 8:4 ပူးပေါင်းရင်းမြစ်များ

San Mateo 10:18

Lachi tsachila jonun tenchi nulaca culpa patarilaquichunae. Culpa patarito, miyachi o mantá tanlachi cale tanjilaichunae yape casticaquilaquisa. Tsanlaquinari nula ya mantá tanlabenan laca cuenta quinola jochunae ya Diosica tennatuminlabe.

San Mateo 16:20

Junni Jesuri yachi tsachilaca tsanque micaritobi, chiquilaca sonba mantaquee yape yaca Diosi wenteca jun Cristo tinun tsachi joeque mobenantiya capatusa.

San Mateo 17:9

Junni aman dubi nechi manpatanato, Jesuri yalaca itsanque mantanue: —Nulari dubi quiracaca mobenantiya capatulajona! tinue lari tsachi ica jun joto puyato mansonhino fecári.

San Mateo 3:15

Junni Jesuri beco tulanto itsantinue: —Diosi mantanue tsachila mumunhilaisa. Junni lacanan mumunniquede! tinue. Jesús tsantinan, Juan yaca mumunniquinue.

San Mateo 5:17

Junni Jesuri man fiquicaman micarinato itsantie: —Matu to Diosichi mantate paminlacanan, matu to Moisécanan, tenca calaquede! Yalachi fiquica telaqueposa caribi jatucayoe; yalachi fiquica nanni fe tuca micaribiri jacayoe tie.

San Mateo 6:1

Junni Jesuri camicarinato itsanque micarie: —Weyan tsachilari titiya seque quinatori, uyanla quirasari quiminla joe yape sen jolajoe tilatisa. Junni nulachi Apa Diosi mantimini nulachi premio tsanca natiya cuwatuchunae tsanque jamoleri seque quiminla jonun tenchi.

San Mateo 9:30

Tsantinunsi manquirano podeilaie. Junsi Jesús yalaca sonba mantaquee junca mobenantiya patulajosa.

San Marcos 13:9

Nulari tencabe nenalarana! tinue. Tsachilari nulaca mantaminlachi cuwapolaquichunae. Diosichi fiqui miinun yabi nulaca asotaquilaquichunae. Nulari lachi tsachila joto, mantaminlachi cale, miyalachi cale wirurato, laca jera cuenta polarinola jochunae tinue.

San Marcos 3:12

Juntonan Jesuri ya yucanchi ocolaca sonba mantanue ya mo jonunca palaquitusa.

San Marcos 5:43

Juntonan Jesuri ya náca tsanque mansoncarieque mobenantiya patusa sonba mantanue. Junsi aman ya puyaca jomin nachi ano mancufisa mantanue.

San Marcos 6:11

Junni pansile manca pueblobi nulaca facarituchi latinari, o merátuchi latinari, yalaca telaquepolaquina! Junsi nulari junbi nechi manlonato, to poyo nedebi midicaca jera manpiquisito manjilaina! tinue. Junbi chuminlaca seiton jolajoe tito to poyoca piquisilaquina! tinue. Aman tsarasica pachinayoe: To yucapiyarino mate Sodoma pueblobi, Gomorra pueblobi chumin jominla duque casticailaichunae. Juntonan nulaca facarituchi timinlari jun pueblobi chumin jominlaca fécari duque animali casticailaichunae tiyoe tinue.

San Marcos 7:36

Aman junni Jesuri yalabe pato, junca mobenantiya patusa mantanue. Juntonan tsanque duque mantaca josanan, yalari fécari duque cuenta quinilaquinue.

San Marcos 8:30

Juntonan Jesuri junca mobenantiya capatusa mantanue.

San Marcos 9:9

Junni dubi nechi manpatanato, Jesuri yalaca itsanque mantanue: —Nulari dubi quiracaca mobenantiya patulajona! tinue la tsachi ica jun joto puyato mansonhino fecári.

San Lucas 17:14

Aman Jesuri yalaca quirato, yalabe itsantinue: —Israelita patelelachica jilaide! tinue yape nulaca quirato manse icala joe tilatisa. Aman ya quiyanpunlari patelelachica jinaminleri, lepra bichi jera manseilainue.

San Lucas 21:13

Junni nulaca tsanque tanjilainari, nulari yalachi cale laca pano podeilaichunae.

San Lucas 4:41

Yucanchi ocolacanan tsachilachibi nechi mansularinue. Yucanchi ocolari miraminlanue Jesús Diosi wenteca jun Cristo tinun tsachi joeque. Junto tsachilachibi nechi lochinato, Jesuca sonba pato, nu Diosichi Nao joe timin jominlanue. Junni Jesús mantimini yalaca nosasa ilaide! timin jominue.

San Lucas 5:14

Aman Jesús yaca manse suwasi itsantinue: —Meráde! Mobenantiya patuminnan patelechica jito, Diosichi ticatiya nasi epe cuwade! tinue. Aman matu to Moisés Diosichi Pilabi mantaca jominue lepra bichi manseiminla Diosichi tíca cuwanola jonunca. Junni Jesús junca cuwasa mantanue yape jeralela miralarasa ya manseica joeque.

San Lucas 8:56

Nachi apabe ayanbe son tito wepanalainue. Junni Jesús yalaca mantanue mobenantiya junca patulajosa.

San Lucas 9:21

Junni Jesús yalaca mantanue yaca Cristo joeque mobenantiya capatusa.

San Juan 5:41

Tsan josanan tsachilari laca sen joe timinla josatiya, yaca la tennatiyoe.

San Juan 7:18

Tencachique mantate paminlari fe jochi timinla jochunae tie. La mantimini fe jochi titiyoe. Diosi ereca jun jaca joto, yacari fe mantá tan joe tintsan joe tiyoe tie. Junbe miintsan joe la tsarasica pamin joeque. Natiya nene pátiyoe tie.

San Juan 8:50

Tsanla josanan, la fe jochique tenfetiyoe. Apa Diosi, yari tenfenae laca fe josa carichun. Yari tsachilaca miito quiramin joe senla jonunca o seitonla jonunca.