San Mateo 5:4 - Diosichi Pila

⁴ Junsi laquiiminlanan son tinola joe tie. Diosi nulaca laqui polarichunae tie.

San Mateo 5:4 ပူးပေါင်းရင်းမြစ်များ

San Lucas 16:25

Junni Abrahanni yachi alica padeseinaminbe itsantichunae tinue: Nuri matuca mantenhide! Cason jominnan, nuri jera sensiri taminue. Lázarori padeseito sonnaminue. Amanari yari pansi josanan, numan padeseinae.

San Lucas 6:21

Junsi amana mate ano fino itonlanan son tinola joe. Diosi nulachi michi cuwachunae. Junsi amana mate wareminlanan son tinola joe tinue. Diosi nulaca cacarisa carichunae tinue.

San Lucas 6:25

Junsi duque ano tanirayoe timinlanan laqui jonola joe tinue. Aman manca mate nulachinan ano falta jochunae tinue. Junsi pansi chuto cacariminlanan laqui jonola joe. Aman manca mate nulanan laquichi warelaquichunae tinue.

San Lucas 7:38

Junto Jesuchi benele wiruinue yachi nede quelole. Junsi laquichi wareto, Jesuchi nedebi capinchi ata suwanue. Junto aman achi nedeca manfu suwan, junsi motin, tito puban pica yachi nedebi ponue.

San Lucas 7:50

Jesús mantimini jun sonabe itsantinue: —Nuri laca tennato se loca joe. Seque manjiniide! tinue.

Santiago 1:12

Junni yucan nulaca jutsa quisa carichique tenfenari, jutsa quituminnan wantaintsan joe. Tsanque wantaiminlari duque son tilatichunae. Diosi wantaiminlaca numatotiya sonnasa carichunae premio cuwanun cuwenta. Yaca laquiraminlacari tsanque Numatotiya sonnasa cariyanae tinue.

Quirajanunca 21:4

Yari jerale capinca casichunae. Junte nechi monantiya wari manpuyalaituchunae tie. Monantiya nin laquiin, nin waren, nin fuda jun, itolajochunae tie. Jun cosari jera poleca joe tie.