San Mateo 5:23 - Diosichi Pila

²³ ¿Jana nula Diosichi ticatiya epe cuwachun, Diosichi yabi wito Diosichi titiya epe cuwanun mesabi chutenola joco? Junni tencabe tsanlaquina! tiyoe tie. Pansile epe cuwachinato, manca tsachica nulaca pa joeque mantenhilaichunae.

San Mateo 5:23 ပူးပေါင်းရင်းမြစ်များ

San Mateo 23:19

¿Nula tenca itonla jotiyun? tie. Ya cuwanun cosari epe joe. Ya cosa Diosichi sen mesabi tsonun tenchi Diosichi cosa ito fe sen joe tie. Nula mantimini jun sen mesaca epe joe tito, epe cuwanuncari fe sen joe timinla joe tie.

San Mateo 5:24

Tsanque mantenhilaitori, pa jominchica casale jinola jochunae. Cuwano jonunca Diosichi titiya epe cuwanun mesa quelole chuteto, yachica jilaina! Junni ya tsachibe jera manse patitobi, Diosichi yaca manjato, juntobi cuwano jomin jonunca cuwanilaquina! tie.

San Mateo 8:4

Junni Jesuri yaca manse suwatobi, yabe itsantie: —Meráde! Mobenantiya patuminnan patelechica jito, Diosichi ticatiya nasi epe cuwade! tie. Aman matu to Moisés Diosichi Pilabi mantaca jominue lepra bichi manseiminla Diosichi ti cuwanola jonunca. Junni Jesús yaca cuwasa mantaquee yape jeralela miralarasa ya manseica joeque.

San Marcos 11:25

Junni Diosibe rocainato perdonailaina! tinue yape nulachi Apa Diosinan nulachi jutsaca perdonaisa.

San Lucas 19:8

Junni Zaqueo mantimini wiruito, Miya Jesube itsantinue: —Miya, meráde! tinue. La tanunca man quitsa poperelachi cuwachinayoe tinue. Junsi encanato tarinca junlachi junpalu tsansi mancuwachinayoe tinue.