San Mateo 4:9 - Diosichi Pila

⁹ Juncanan Jesuca quirawoto itsantinue: —Lachi cale telenhito, laca se tide! Tsanquinari jerale toca mantasa cariyanae tinue.

San Mateo 4:9 ပူးပေါင်းရင်းမြစ်များ

San Mateo 26:15

itsantinue: —¿Jesuca nulachi cuwaponun tenchi nisi pacara quilaquinoyun? tinue. Junni yalari Júdachi peman chunca cala cuwalaquinue yape Jesuca cuwaposa.

San Mateo 4:10

Junni yucan tsantinunsi, Jesunan itsantinue: —Satanás, jachi we manjide! Diosichi Pilabi itsanquenan chuteca joe tinue: Miya Diosichi calesiri telenhintsan joeque, yabesiri mantaino joeque chuteca joe tinue.

San Juan 12:31

Junni meralaquede! Nanni inale jera miintsan jochunae jerale tobi chuminla seiton jolajoeque. Inale lari yucanca fe lochinayoe tie. Yucan Diosica tennatuminlaca mantaminca fe lochinayoe tie.

San Juan 14:30

Amanale nechi nulabe layan patuanae tie. Yucanni Diosica tennatuminlaca mantá tan joto, laca casa carichinae tie. Ya mantimini laca natiya mantano itoe.

San Juan 16:11

Junsi yucanni Diosica tennatuminlaca mantamin joe. Junni Diosi yaca culpa tae tito, casticaquintsan joe tichunae. Junnan miintsan jochunae Diosiri seitonlaca casticaquimin joeque. Aman Diosichi Tenca patato, jerale Diosica tennatuminlaca tsanque tenhilaisa carichunae tie.

2 Coríntolachi 4:4

Yucanni yalaca merása carituca joe. Yucan Diosica quereituchi timinlabe Diosi cuwentanan joe. Junto yalaca merása carituca joe yape tsarasi sen fiquica entendeilaitusa. Ya sen fiquiri Crístoca tsaracari sen joeque paca fiqui joe. Crístoca Apa Diosi cuwenta sen joeque paca fiqui joe.

1 Timotéochi 3:6

Aman casan Jesucrístobe cayaicalaca mantá tan suwatuntsan joe. Tsan suwanari, fe joyoeque tenca calaquichunae yucan cuwenta. Junni yucan cuwenta casticailaichunae.

Quirajanunca 19:10

Ya anjeliri tsantinunsi, lari yachi nedele telenhiyoe Diosichi cale cuwenta. Tsanhinasa yari itsantie: —Tsanhitude! tie. Lanan nu cuwentanan, uyan Jesuchi fiquica merámin acola cuwentanan, Diosibe pemantaiminni joyoe. Diosichi mantate paminlanan Jesuchi fiquica paminla joe tie. Junni lachi cale telenhituto, Diosichi calesiri telenhina! tie.

Quirajanunca 19:16

Yachi camisabi, yachi botebi manca mumunnan chuteca joe. miyalaca mantamin miya, jerale mantaminlaca mantamin chuteca joe.