San Mateo 4:19 - Diosichi Pila

¹⁹ Junni Jesuri yalaca quirato, itsantinue: —Labe penenalarana! Lari nulaca watsa canique cuwenta, tsachilaca layato labe cayaisa carimin suwanae tinue.

San Mateo 4:19 ပူးပေါင်းရင်းမြစ်များ

San Mateo 16:24

Junni Pédrobe tsantisi, chiquilaca itsanque payie: —Labe penenachi timinlari tenca munate nenanoca telaqueponola jochunae. Corosibi puyano jun tsachi cuwenta jera telaquepoto, labesiri penenanola jochunae tie.

San Mateo 19:21

Junni Jesús itsantie: —Jera sen patsa ino muquinari, manjito, titiya tanunca jera osina! tie. Junto jun calaca poperelachi jera cuwana! Tsantori, nu Diosichi tobi duque senca tachunae tie. Junto calaca jera cuwatobi, lachica manjato labe penenana! tie.

San Mateo 4:18

Junni Jesuri Galilea wa pipilu quelote nenato, paluca acolaca quiranue. Manca Simón jominue. Tensaato mumun Pedro tinun jominue. Aman manca yachi aco Andrés jominue. Yalari watsa caminla joto, atarayaca pibi queponaminlanue.

San Mateo 4:20

Jesús tsantinunsi, yalari atarayaca jera tsoreto, Jesube penenabi pejilainue.

San Mateo 8:22

Jesús mantimini yabe itsantie: —Yala puyaca cuwenta junlari yala tala menailaichunae tie. Nuri junca tennatuto labe penenana! tie.

San Mateo 9:9

La Mateo uyan to miyachi mantate inpuesto cala camin joto, cala canun postote chumanyoe. Junnasa Jesús ya jancanca manse suwatobi mannenato, laca manquirato yabe penenamin ide! tie. Junni lari cupato jito, Jesube penenamin icayoe.

San Marcos 2:14

Junni junte nenaminnan, Levica quiranue Alféochi naoca. Yari uyan to miyachi tenchi inpuesto cala camin joto, inpuesto canun postote chuminue. Junni Jesuri Levica junte chuminca quirato, yaca itsantinue: —Labe penenamin ide! tinue. Junni Leviri junte nechi cupato Jesube penenabi pejinue.

San Lucas 5:27

Junni israelita tsachi manca jominue Leví mumun. Yari uyan to miyachi tenchi inpuesto cala camin joto, inpuesto canun postote chuminue. Aman Jesús jancanca manse suwato, junbi nechi manloto, Levica quirato, yabe penenamin ide! tinue.

San Lucas 9:59

Tsantitobi, manca tsachica labe penenana! tinue. Junni ya tsachiri itsantinue: —Miya, casale lachi apachica manjino joyoe tinue. Lachi apa puyanan menalaquetobi, lari nube penenabi manjanae tinue.

San Juan 1:43

Ayuna nanchi Jesuri Galilea toca jino tenca canue. Junto Felípeca neyato féto, yacanan labe pejisa! tinue.

San Juan 12:26

Labe mantaiminla la cuwentanan jonola joe. Labe mantaiminla la chununbinan pechularachunae tie. Labe mantaiminlaca Apa Diosi sen jolajoe tichunae tie.

San Juan 21:22

Jesús mantimini Pédrobe manpato, itsantie: —Yaca la manpatano fecári casonnasa tenjanari, nuchi yape josa! tie. Nuri labe penenana! tie.

2 Coríntolachi 12:16

Junni nula weyanlari itsanlatichunae: Pablo patsa chiquilachi calaca catutori, uyan quiraque encanato caya jonhoe tilatichunae.