San Mateo 21:4 - Diosichi Pila

^4-7 Junni Jesús ereca junlari ya pueblobi wito, buro nabe telaraminca wole cato tanjalaie. Junni tanjanunsi, buro nabi yalachi tsanpaca nancarinan, Jesús chudie. Aman matu mate Diosichi mantate pamin tsachi junca pila chuteca jominue. Jun pilabi Jerusalén puebloca Sion mumun tito, itsanque chuteca jominue: Sionbi chuminlaca meracarilaquina! tinue. Quiralaquede! Nulachi Miya fechinae tilatina! tinue. Mantá iton cuwenta burobiri jachinae tilatina! tinue. Aman matu mate Diosichi Pilabi tsanque chuteca josanan, jun tsanquenan patinue Jesús ya burobi chudito jananun.

San Mateo 21:4 ပူးပေါင်းရင်းမြစ်များ

San Mateo 1:22

Aman matu mate Miya Diosichi mantate pamin tsachiri ya náca itsanque pila chuteca jominue: Unila caquituca sonari na wito unila na quichunaeque chuteca jominue. Junsi ya náca Emanuel tinun jochunaeque chuteca jominue. Aman ya matu fiquichi pato “Diosi chiquilabe pejoe” tito “emanuel” tinun joe. Junni Jesuca matu mate tsan jochunae tica josanan, jun tsanquenan patinue.

San Mateo 21:3

Junni tsachila nulabe ¿Ti quichun tsannato? latinari, Miya buroca munarae tilatina! tie. Moora manherechunae tilatina! tie.

San Mateo 26:56

Diosichi mantate paminlari Diosichi Pilabi chuteto, nulaca jera chuteca jominlanue nula tsanquinola jonunca. Junni tsanque chuteca josanan, nulari jun tsannan quilaquinae tie. Junni Jesús tsantinunsi yabe penenaminlari yaca purato jera sujilaiyoe.

San Marcos 11:7

Junni yalari buro náca Jesúchica tanjato, yalachi tsanpaca burobi nanlaquinue. Junni Jesús junbi chudinue.

San Lucas 19:35

Junto buro náca Jesúchica tanjato, yalachi tsanpaca burobi nancarito, aman Jesuca junbi chutelaquinue.

San Juan 12:12

Ayuna nanchi man bolon tsachilari fiesta quirabi jaca joto, Jesús janaeque meralaquinue.

San Juan 12:15

Jerusalenbi chuminla, nula jele tilatitunaque chuteca joe. Quiralaquede! Nulachi Miya buro nabi chudito jachunaeque chuteca joe. Matu mate Diosichi Pilabi tsanque chuteca josa, Jesús jun tsannan inaminue buro nabi chudito jaca.