San Mateo 20:2 - Diosichi Pila

² Junni peyunlaca cato, man malon quinun tenchi pacara queyanae tichunae.

San Mateo 20:2 ပူးပေါင်းရင်းမြစ်များ

San Mateo 18:28

Junni ya peyun mantimini miyachibi nechi manlonaminnan, manca peyun pejominca quirachunae. Yari miya perdonaicachi cala nasi nacá neloramin jochunae tie. Junni yaca cudanle betepole cato, pacara manquede! tichunae tie.

San Mateo 20:1

Junto Jesús camicarinato itsantie: —Diosi mantananun tsachi bolonni uba wita cuwenta jochunae tie. Jun wita tsacumin quepenan peyun neyabi jichunae tie.

San Mateo 20:13

Junni tsacumiri yalabe beco pato itsantichunae: Amicola, nulaca seiton quitiyoe. ¿Nulari tsansibe man malon queyanae titulajoyun? tichunae.

San Mateo 20:3

Junsi aman yotu inasa wita tsacumin manlato quiranari, uyan peyunlanan mercadote wiruralarachunae.

San Mateo 20:9

Aman benechi jaminlachi man malon entero tenchi pacara quiniquichunae.

San Mateo 22:19

Junni inpuesto calaca lachi quirawode! tie. Junni cala manca tanjanan,

San Mateo 9:37

Junto chiquilabe itsantie: —Nula ya tsachilaca quiralaquede! tie. Wita cuwenta jolajoe tie. Jun witabi manbaleno ma faca joe tie. Junni nula jun witabi narin peyunla cuwenta jolajoe tie.

San Marcos 12:15

Junni Jesuri junca meráto, yala culpa patarichiqueri tsanlatieque tenhito, itsantinue: —¿Nula niya jonan laca culpa patarichi latinayun? tinue. Cala manca tanjalaide! tinue quirachun.

San Lucas 1:15

Jun naoca Diosi fe mantá tan tsachi joe tichunae tinue. Bino, nin warente cuchituchunae tinue. Ya nainunle nechi Diosichi Tenca yaca jera caya jochunae tinue.

San Lucas 10:35

Junni aman ayuna nanchi ya pensión tsacuminchi cala cuwato, itsantichunae tinue: Aman in fudanca cuidainiina! In calari michi itonari, inca manpolenato mancuwaniqueyanae tichunae tinue.

San Lucas 20:24

—Inpuesto cuwanun calaca lachi quirawolaquede! tinue. Aman calaca quirawonan, calaca quirato itsantinue: —¿In calabi mochi misu, mochi mumun chun? tinue. Junni Jesús tsantinan, yalari Ya romano miyachi joe latinue.

Quirajanunca 6:6

Junni junpaluca wiruraminlachi quitsale nechi fiqui merajaniquee. Itsantie: —Trico duque mica jonan, palu libra nacári cachun man malon entero trabajaquino joe tie. Sebadacanan sota libra nacári cachun man malon entero trabajaquino joe tie. Aseitecanan, binocanan tina yucapiyarilaquituna! tie duque mica jono joeque.