San Mateo 2:2 - Diosichi Pila

² itsanlatinue: —Fechi tobi chuto uyan quiran tsaboca quiralaquiyoe tilatinue. Junni jun tsaboca quirato, in tobi na manca nainueque miilaiyoe. Ya nari israelítalachi miya jono joe latinue. Junni junca miito ya náca se tibi jalainayoe latinue.

San Mateo 2:2 ပူးပေါင်းရင်းမြစ်များ

San Mateo 2:3

Aman junni Herodes tinun miyari yalachi fiquica meráto, duque wepananue. Jerale Jerusalenbi chuminlanan wepanalainue.

San Mateo 27:11

Aman junni Jesuri miya Pilátochi cale wiruraminbe Pilato itsantinue: —¿Nuri israelítalachi miyayun? tinue. Junni Jesuri tsan joyoe tinue.

San Lucas 19:38

Junni itsanlatinue: —Miya janae latinue. Miya Diosichi mantate janae. Yacari seque pantsan joe latinue. Junsi Diosichibinan son tito, yaca duque mantá tan joe tintsan joe latinue.

San Lucas 2:11

Amana Davichi pueblobi na manca nainue. Ya na nulaca se larimin jochunae. Diosi wenteca jun CRISTO tinun Miya joe tinue.

San Lucas 23:3

Aman Pilátori jun fiquica meráto Jesube itsantinue: —¿Nuri israelítalachi miya joyun? tinue. Jesuri tsan joyoe tinue.

San Lucas 23:38

Junni pila quito yachi misu jamole ocarica jominlanue. in israelitalachi miya joe que pila chuteca jominlanue. Israelítalachi fiquichi, románolachi fiquichi, griégolachi fiquichi tsanque chuteca jominlanue.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 12:13

Junto cati japisunan quiranca cato, Jesuca tulaibi jalaie. Biba quede jalaie. Diosichi mantate janaminca seque pantsan joe latie. Israelítalachi miya joe latie.

San Juan 18:37

Junni Pilato jun fiquica meráto, itsantinue: —¿Junni miya jono patico? tinue. Junni Jesuri itsantinue: —Nu tsa tie tinue. La miya joyoe. Tsarasica pamin joyoe tinue. Tsarasica pachun naicayoe tinue. Jun tenchi toca patacayoe tinue. Tsarasica pánanunca meráminlari lachi fiquica meralaquichunae tinue.

San Juan 19:19

Junni Pilato pila quito, Jesuchi misu jamole chutesa carie. in jesus nasareno joe; israelitalachi miya joe que pila chuteca jominhe.

San Juan 20:28

Junni Jesús tsantinunsiri, Tomari manpato, lachi Miya, lachi Diosi tie.

San Juan 5:23

Lachi tsanque jera mantá cuwacae yape jerale tsachila laca respetailaisa. Apa Diosica respetainola joe. Junni jun cuwentanan lacanan respetainola joe tie Diosichi Nao jonan. Lari Apa Diosichi Nao joto, Apa Diosi ereca jun jacayoe. Junni laca respetaituminlari Apa Diosicanan respetaitulajoe.

San Juan 9:38

Junni quirano podeica jun tsachiri Jesuchi fiquica meráto, Miya, nube cayaiyoe tito, yachi cale telenhie.

Israelítalachi 1:6

Yari Diosichi caque Nao joe. Junni Diosiri yaca na isa carichinato, itsantinue: Lachi anjelila jeralela ya naicachi cale telenhinola joe tinue.

Quirajanunca 22:16

La Jesús lachi anjelica ereyoe tie yape lachi tsachilaca in fiquica meracarisa. Lari matu to miya Davichi alica joyoe tie. Tsachilachi tencabi tsemin joyoe tie tseino inasa duque uraran tsemin tsabo cuwenta.