San Mateo 18:6 - Diosichi Pila

⁶ Jesús man fiquiman micarinato itsantie: —Weyanlari labe cayaica junla jotonan, cumana tenca tan jolajoe nalala cuwenta. Junnan yalaca natiya jutsa quisa carilaquituna! tiyoe tie. Tsachi mancaca wa ila suca cudanle telepoto lamaribi queponari, ¿duque padeseichunaco? Aman ya nalala cuwenta jominla mancaca jutsa quisa cariminla mantimini lamaribi quepoca junca fécari padeseilaichunae tie.

San Mateo 18:6 ပူးပေါင်းရင်းမြစ်များ

San Marcos 9:42

Junni Jesuri cacuenta quinato itsantinue: —Weyan tsachilari labe cayaica junla jotonan, cumana tenca tan jolajoe nalala cuwenta. Junnan yalaca natiya jutsa quisa carilaquituna! tiyoe tinue. Yalaca jutsa quisa cariminlari duque padeseilaichunae tinue. Jana tsachi mancaca wa ila suca cudanle telepoto, lamaribi queponari, ¿duque padeseichunaco? Aman ya nalala cuwenta jominla mancaca jutsa quisa cariminla mantimini lamaribi quepoca junca fécari padeseilaichunae tinue.

San Mateo 18:10

Junsi Jesús man fiquiman micarie: —Nalalaca natiya yape, epe jolajoeque tenca catulajona! tie. Yalachi anjelila jamochi rato, lachi Apa Diosichi cale numasitiya wiruralarae.

San Mateo 18:14

Junni nulachi Apa Diosi nalalaca jun tsanquenan tenca camin joe. Mancacanantiya jutsa quito topiyato nenatusa timin joe tie. Jesús opisaca tsanque cuenta quee.

Románolachi 14:21

Nula tsachica finaminca quirato, o bino cuchinaminca quirato, o uyan titiya quinaminca quirato, nulachi acola jutsa quilaquinanari, junni tsantuntsan jochunae.

Mantá Tanla 9:5

Ya fiquica merasi, Saulo itsantinue: —Miya, ¿nuri moyun? tinue. Junni beconan pato itsantinue: —Jesúyoe tinue. ¿Ti quichun laca seiton quinayun? tinue. Laca seiton quinato, nu tencachiquenan fécari padeseinae tinue. Nuri calu chide teyanca terachi quimin cuwenta jochunae tinue.

San Mateo 17:27

Tsan josanan chiquilari cuwatunari, pailaichunae. Junni cuwaniquintsan jochunae. Junni nuri wa pipiluca jito, berun poto watsa cade! tie. Jun watsachi fiqui forochi cala pochunae. Paluca tsachilachi tenchi inpuesto cala cuwano michi pochunae tie. Junni ya calaca cato, inpuesto cala cuwade! tie chiquila palucachi tenchi.

San Mateo 18:5

Nalala tsanlaca lachi tenchi seque quiminlari laca seque quimin cuwenta jolajochunae tie.