San Mateo 14:3 - Diosichi Pila

^3-4 Aman Mumunmin Juan itsanque puyaca jominue. Herodes yachi acochi sonaca josoleca jominue. Felípechi sona jominue Herodías tinun mumun. Junni Mumunmin Juan junca meráto Heródeca payica jominue. Acochi sonaca josoletuntsan joe tica jominue. Junni Herodías Heródeca mantasa carica jominue Juanca cadenachi teleto dolaquisa.

San Mateo 14:3 ပူးပေါင်းရင်းမြစ်များ

San Mateo 11:2

Junnasa mantimini Juan dorato, Cristo ticatiya quinanunca meránue. Junni Juan yabe penenaminlaca Jesucrístochica erenue yape yabe jera panhalaquisa.

San Mateo 14:6

Junni Juan dorasanan, Heródechi wata tula ma fanue. Jun mate Heródela fiesta quilaquinasanan Herodíachi namari teranaminue yape Heródela quiralaquisa. Junni ya nama teranan, Herodes yaca duque se tito

San Mateo 4:12

Junni aman Mumunmin Juan doinue. Jesuri junca miisi, Galilea toca manjinue.

San Marcos 6:14

Junni Jesuca duque mera jonunca miya Herodes meránue. Junca jera merátonan, mo jonunca miino podeitunue. Junto weyanla pato, Jesuca Mumunmin Juan jonhoe tilatinue. Pansileri yanan puyaca jominnan, mansonhica jonhoe tilatinue. Jun tenchi tsancari wepanato quirantsancari quimin jonhoe tilatinue.

San Marcos 6:17

Aman Mumunmin Juan itsanque puyaca jominue: Herodes yachi acochi sonaca josoleca jominue. Felípechi sona jominue Herodías mumun. Junni Mumunmin Juan junca meráto, Heródeca payica jominue. Acochi sonaca josoletuntsan joe tica jominue. Junni ya sona Heródeca mantasa carica jominue Juanca cadenachi teleto dolaquisa.

San Marcos 6:19

Junni ya sonari Juanca pa jotonan, totesa carichi tinatonan, catotesa carino podeica itominue.

San Marcos 6:22

Junnasa Herodíachi namari jun tamochi wito teraquinue yape Heródela quiralaquisa. Junni Heródebe yabe pechuminlaberi duque se joe tito quiralaquinue. Junni miyari ya nalalan sonaberi itsantinue: —Nu tica panhanatiya, cuwaniqueyanae tinue.

San Marcos 8:15

Junni tsanque jinatonan, Jesuri itsanque mantanue: —¿Bibu quichun lebadura pono jotun? yape ayancaisa. Junni fariséolabe Heródebe seiton lebadura talarae tinue. Ya lebaduraca tencabe nenalarana! tinue.

San Lucas 13:1

Junni Jesús tsanque micarinasa, tsachila jato yabe cuenta quito, Galilea tobi chumin puyacalaca cuenta quilaquinue. Yalari Diosichi cuwachun tito, animalilaca totenaminlaca miya Pilátori yalacanan jera totesa carinue. Yalaca totenan, yalachi asan animalilachi asanbe palaica jominue.

San Lucas 13:31

Junni Jesús tsantinasanan fariséolari jato itsanlatinue: —Nuri sujide! Miya Heróderi nuca totechi tinae latinue.

San Lucas 23:11

Junni aman Heródebe yachi soldadolabe Jesuca lucarilaquinue. Yaca lucarinato, miya ponun camisaca pocarito, Pilátochica manherelaquinue.

San Lucas 23:7

Junni aman miya Heróderi Galilea tobi mantamin jominue. Junni jun mate yanan Jerusalenbi pejominue. Junni Jesús Galilea tsachi joeque miito, Pilátori yaca Heródechica erenue.

San Lucas 3:1

Zacaríachi nao Juan tinun niyanlanantiya chutunun postote chumin jominue. Junni junbi chuminca Diosi yachi fiquica pasa tinue. Aman fe mantá tan miya Tiberio César chunca mante wata mantanasa, tsantinue. Aman Tibériochi mantateri manca tobi manca tobi mantaminlari itsanque jominlanue: Aman Judea tobi Poncio Pilato, Galilea tobi Herodes, Iturea tobinan Traconite tobinan yachi aco Felipe, Abilinia tobi Lisanias, yala miyala jominlanue. Junni aman Anásiobe Caifabe fe mantá tan patelelari jominlanue. Aman yala mantalaquinasanan, ya Juan Diosichi fiquica micaribi janue.

San Lucas 8:3

Junsi manca sonari Juana tinun jominue Chúzachi sona. Chuza Heródechi mayordomo jominue. Junsi manca sona Susana jominue. Uyanlanan duque pejominlanue. Ya sonalari yalachi calachi Jesula ti munaranuncatiya pecamin jominlanue.

Mantá Tanla 12:1

Junnasa mantimini Herodes tinun miya Jesucrístochi tsachilaca duque seiton quinue.

Mantá Tanla 4:27

Junni Diosi, nu tuca pila chutesa carinue latinue. Nuchi pilabi jera tsanhichunaeque chuteca josa, jun tsanquenan patinue latinue. In to miya Herodes, uyan to miya Poncio Pilato, aman yalabenan in to tsachilabenan, uyan to tsachilabenan, jeralela layaito Jesuchi contra jominlanue. Jesuri nuchi tsara sen Nao joe latinue. Nuri yaca wenteto, mantá tan suwanue. Tsan jominca yala jeralela yaca paito layaica jominlanue latinue.