San Mateo 11:3 - Diosichi Pila

³ Junni Jesúchica jalaito itsantilatinue: —Juan nuca panhato, nu Diosi ereno jomin tsachi joyunque panhana! tie tilatinue. Nu itotori, paniquisa tie tilatinue uyanca neyalaquichun.

San Mateo 11:3 ပူးပေါင်းရင်းမြစ်များ

San Mateo 11:10

Matu mate Diosi yachi pilabi Juanca panue tinue yaca ereno joyoeque. Diosi yachi fiquica paminca Crístochi caquele ereno joyoe tinue yape yachi tenchi jera se suwanasa.

San Mateo 11:4

Junni Jesús yalabe tulanto itsantinue: —La ticatiya quinanunca nula quiralaquinae tinue. Junto tenca calaquede! Quirano podeitonlaca, jancanlaca, lepra bichi chunlaca, meráno podeitonlaca mansenayoe tinue. Poperelaca Diosichi sen fiquica micarinayoe tinue. Junni nulari junca jera quirato, aman Juánchibi manfeto yabe jera cuenta quilaquina! tinue. Juanbe cuenta quito itsanlatina! tinue: Laca tennanunca peleituna! tinae tilatina! tinue.

San Mateo 21:9

Junni duque tsachila Jesube pejanaminlayoe. Weyanla yachi caquele, weyanla yachi benele janaminlayoe. Jalainato otito Jesuca itsanlatiyoe: —Inni matu to miya Davichi alica joe. Biba latiyoe. Miya Diosichi mantabe janaminca seque pantsan joe. Diosicanan biba quintsan joe latiyoe.

San Marcos 11:9

Junni Jesuchi caque jinaminlanan, aman yachi benele jinaminlanan, jeralela layaito itsanque otilatinue: —Biba! latinue. In sen tsachiri Miya Diosi ereca jun janae latinue. Yaca tsara seque pantsan joe latinue.

San Lucas 19:38

Junni itsanlatinue: —Miya janae latinue. Miya Diosichi mantate janae. Yacari seque pantsan joe latinue. Junsi Diosichibinan son tito, yaca duque mantá tan joe tintsan joe latinue.

San Juan 11:27

Jesús tsantinan, Mártari itsanque tulanquee: —Miya, chiqueri quereiyoe. Nu jamochi nechi patano jomin Cristo joe. Nu Diosichi Nao joe. Junca quereica talari quereiyoe tie.

San Juan 12:13

Junto cati japisunan quiranca cato, Jesuca tulaibi jalaie. Biba quede jalaie. Diosichi mantate janaminca seque pantsan joe latie. Israelítalachi miya joe latie.

San Juan 16:14

Nulaca micarinato, lachi cosaca pachunae. Junni ya paca fiquica meráto, laca duque fécari sen joeque tenhilaichunae tie.

San Juan 4:21

Junni Jesuri yabe itsantinue: —Meráde! tinue. Nube tsarasica pachinayoe. Inale ja dunan, nin Jerusaléncanan jitutonan Apa Diosibe rocaito se tilatichunae.

San Juan 6:14

Tsanque wepanato quirantsancari seque quinanunca quirato, ya tsachilari itsanlatie: —¿Diosiri yachi mantate pamin tsachi mancaca ereno jominuco? ¿Junni inni ya jotun? tilatie.

San Juan 7:31

Junni junnasanan duque israelítalari Jesuca contra josanan, weyan duque israelítalari Jesube cayainaminlae. Junni cayaiminlari itsanlatie: —Cristo tinun tsachiri seque wepanato quirantsancari quimin jochunae latie yape tsachila ya joeque miilaisa. Jesuri tsanquimin joto, ya Cristo jonhoda latie.

Israelítalachi 10:37

Diosichi Pilabi itsanque pila chuteca joe: Nanni inale jano jomin jachunae tinue. Wanhituchunae tinue.