San Mateo 10:41 - Diosichi Pila

⁴¹ Diosichi mantate paminlaca Diosichi jonun tenchi facarilaquinari, Diosi nulaca se tichunae. Yachi mantate paminlachi premioca cuwanato, nulachinan jun tsancanan pecuwachunae tie. Junni Diosichi sen tsachilacanan Diosichi jonun tenchi facarilaquinari, Diosi ya senlachi premioca cuwanato, nulachinan jun tsancanan pecuwachunae tie.

San Mateo 10:41 ပူးပေါင်းရင်းမြစ်များ

San Mateo 16:27

La tsachi ica jun joto lachi anjelilabenan manpatalaiyanae tie. La lachi Apa Diosichi urara tsenbe manpatanae tie. Junni la manpatatobi, piyanlelachi beconan mancuwanae tie. Sen quiminlachi senca mancuwan, seiton quiminlacari casticaquin, queyanae tie. Junni nulabe tsarasica pachinayoe tie. Nula weyan weyanla inte wiruraminla la mantá tan jananunca quirano fecári puyalaituchunae tie.

San Mateo 25:44

Junni seitonlari lachi fiquica meráto, beconan itsanlatichunae tie: Miya, ¿numasi nu ano munaraminca, o pi munaraminca, o bare tobi nenaminca, o jali itominca, o quiyanpunca, o doraminca quirato ayudailaituwan? latichunae tie.

San Mateo 25:45

Junni lanan beconan itsantiyanae tie: Meralaquede! Poperela lachi familiala cuwenta jolajoe tiyanae tie. Junni yalaca ayudaitutori, lacanan ayudaituca cuwenta joe tiyanae tie.

San Mateo 6:1

Junni Jesuri camicarinato itsanque micarie: —Weyan tsachilari titiya seque quinatori, uyanla quirasari quiminla joe yape sen jolajoe tilatisa. Junni nulachi Apa Diosi mantimini nulachi premio tsanca natiya cuwatuchunae tsanque jamoleri seque quiminla jonun tenchi.

San Mateo 6:18

Tsanlaquinari uyanla miitolajochunae ano fitunca ilainaeque. Nulachi Apa Diosiri mirachunae. Ya jera nosa ranuncanan quiramin joto, premio tsanca cuwachunae tie. Jesús micarinato tsantie.

San Mateo 6:4

yape monantiya miilaitusa lemosi cala cuwaminla joeque. Tsanlaquinari nulachi Apa Diosiri jera nosa jomincanan quiramin joto, nulachi premio tsanca jeralela quiralaquinasanan cuwaniquichunae tie. Jesús tsanque micarie.

San Mateo 6:6

Nula Diosibe rocainatori, tamochi wito tamolan donola joe. Junbi nosale Diosibe rocainola joe. Tsanquinari nulachi Apa Diosiri jera nosa jonuncanan quiramin joto, premio tsanca jeralela quiralaquinasanan cuwachunae tie.

San Mateo 7:8

Aman jerale panhaminlari calaquichunae. Neyaminlari felaichunae. Tamolante otiminlachi tenchiri lasaichunae tie.

Mantá Tanla 16:15

Junni Lídiabe yachi familialabe mumunhilaie. Mumunhitobi, chiquilabe itsanque rocaie: —Nulari chiqueca Miya Jesucrístobe cayaica joe titori, chiquilachite pechularana! tie. Junni michi rocainasanan, yachica pechubi jilaiyoe.

Románolachi 16:23

Gáyonan nulachi saludo peerenae. La Pablo yalachibi chuyoe. Jesucrístochi tsachila tala yalachi yabinan layaiminla joyoe. Junsi Erástonan nulachi saludo peerenae. Yari munisipiobi tesorero joe. Junsi Cuarto mumun aconan nulachi saludo peerenae.

1 Coríntolachi 9:17

Junni cala catutonan lachi tenca munateri micarimin jotori, junto aman tsanque micarinun tenchi premio cano joichunae. Diosi mantaca junsiri micarimin jotori, junto micarinanun tenchi premio cano itoyoe. Mantaca juncari quimin joichunae.

Israelítalachi 6:10

Nula sen ilainan, Diosi pansituchunae. Diosichi tenchi duque ticatiya quilaquinae. Diosichi tenchi yachi tsachilaca duque ayudaichi timinla jominhe. Catsanquiminla joe.

2 Juanchi 1:8

Jun tenchi tencabe nenalarana! yalabe encanailaituchun. Nula seque quinari, Diosi nulachi senca cuwano joyoe tica joe. Junni tencabe nenalaratutori, pansile nulachi cuwano jonunca cano podeilaituchunae.