San Mateo 10:16 - Diosichi Pila

¹⁶ Junni Jesús chiquilaca camicarinato itsantie: —Meralaquede! Opisaca lobo bolonbi erenun cuwenta nulaca erechinayoe tie yape Diosica tennatuminlachibi nenalarasa. Junni tenca tan nenalarana! Junsi paloma cuwenta seque jolajona!

San Mateo 10:16 ပူးပေါင်းရင်းမြစ်များ

San Mateo 24:25

Junni meralaquede! tie. Catsanhitosanan nulabe jera pánayoe tie yape encanailaitusa.

San Mateo 24:45

Junni Jesuri chiquilaca camicarinato itsantie: —Jana mayordomolaca tenca calaquede! tie. Ya tsacumin uyanchi jichinato mayordomoca mantachunae peyunlaca cuidaito ano cufin, titiya quin, quisa. Junni nulari lachi mayordomola cuwenta jolajochunae tie. Junni mayordomola senla jolajotori,

San Mateo 25:2

Aman manteca sonala tenca iton jolajochunae; mantecari tenca tan jolajochunae tie.

San Mateo 25:4

Tenca tanlari lanparin tanjinato, junto chicanle aseitenan petanjilaichunae tie.

San Mateo 25:9

Junni tenca tanlari cuwatulajochunae. Itsanlatichunae: Nulachi cuwatori, chiquilanan, nulanan michi itolajoichunae latichunae tie. Nulari osiminlachica jito canilaquede! latichunae tie.

San Lucas 10:3

Jinilaide! Opisa náca lobo bolonbi erenun cuwenta nulaca erechinayoe tinue yape Diosica tennatuminlachibi nenalarasa.

San Lucas 21:15

La nulaca pasa cariyanae. Aman duque mi caya fiquica pasa cariyanae tinue. Tsanque seque pánaminlaca nulaca pa jominlari nene patarino podeilaituchunae tinue. Niyanlatiya quereintsan fiqui jochunae tinue.

Mantá Tanla 20:29

La itonte seitonque palaque micariminla jalaichunae tiyoe tie. Papun lobo cuwenta joto, Jesucrístochi tsachilaca yucapiyarichique tenfelaichunae.

1 Coríntolachi 14:20

Acola, soquila, nalala cuwenta tenca calaquituna! Aman jutsa quichunni nalala cuwenta podeituminla jona! Juntonan uwanla cuwenta tenca caminla jona!

2 Coríntolachi 1:12

Itsanque tenca cato son timinlayoe. Nunchitiya nenatori, seque nenamin jolajoyoeque miralarayoe. Nulachi pueblobi nenatonan, seque nenamin jominlayoe. Diosichi tsachila joto nene patuto nenaminlayoe. Junni chiquilari seque nenato, tenca mánta duque mi joto, nenalaratiyoe. Diosichi sonbaberi seque nenalarayoe. Yari chiquilaca laquirato seque nenasa carimin joe. Junca tenca cato son timinlayoe.

2 Coríntolachi 11:14

Junni juncari natiya wepanatuntsan joe. Quiralaquede! Satanás patsanan Diosichi anjelinan quiran imin joe tsachilaca encanaquechique.

2 Coríntolachi 11:3

Junni matu to Evacanan mantenhilaide! Satanari pininan quiran ito, sen jomin tsanni quiran fiquica pato, yaca encananue. Junni nulacanan duque wepananayoe pansile nulanan encanailaichunaeque. Crístoca seque quereino deito, epe fiquicari quereimin ilaichunaeque wepananayoe.

Filípolachi 2:15

Culpa itolajochun tsan jolajona! Tsanla jotori, ti quira seiton tsachilachite chuminla jotonan Diosichi sen nalala jolajochunae. Diosica tennatuminlachite nenato, tseno cuwenta jolajochunae. Sonnasa carimin fiquica duque tennato, yalachi tenchi tseno cuwenta jolajochunae yape Diosichi minuca feno podeilaisa. Junni nulari tsanque nenalaranari, lari Cristo manpatano mate duque son joanae. Nulaca seque micaricayoe; epe micaritiyoe tino podeiichunae.

Colósalachi 1:9

Junni nulaca meracale nechi nulachi tenchi numasitiya Diosibe rocaiminlayoe yape Diosi niyaque nenasa munaranunca miilaisa. Diosibe rocaiminlayoe yape nulachi tencabi ticatiya sele micarisa.

Colósalachi 4:5

Jesucrístochi itonlachite nenato, tenca calaquina! seque nenachun. Lan chularatuna! Diosichi tenchi seque quichun tenfelaina!

1 Tesalónicalachi 2:10

Nula Jesucrístobe cayaica junla chiquilaca miralarae. Diosinan chiquilaca mirae. Yachi joto, nulabe sen jominlayoe. Monantiya culpa quituntsanque nenaminlayoe.

1 Tesalónicalachi 5:22

Titiya seitonari, meralaquituna!