San Marcos 9:7 - Diosichi Pila

⁷ Junni Pedro tsanque cuenta quinasa, poyo yalaca donue. Junni jun poyobi nechi fiqui itsanque meralaquinue: —Inni lachi munatinun Nao joe tinue. Junni yacari meralaquina! tinue.

San Marcos 9:7 ပူးပေါင်းရင်းမြစ်များ

San Mateo 27:43

Yari Diosichi Nao joto, yaca tennayoe timinhe latie. Diosi Jesuca tsa laquiratori, yaca se larino jochunae latie.

San Mateo 27:54

Aman Jesuca quiramin soldadolabe yalachi capitanbe to wenanunca quiralaquee. Junca quirato, titiya jera niyainanunca quirato, wepanalaito itsanlatie: —In tsachiri Diosichi tsa Nao jominue latie.

San Mateo 3:17

jamochi nechi fiqui mera jominue. Itsantinue: —In lachi duque munatinun Naoe tinue. Ya tenchi duque son joyoe tinue.

San Marcos 1:11

Junsi fiquinan jamochi nechi mera jominue. Yari itsantinue: —Nuri lachi duque munatinun nao joe; nu tenchi duque son joyoe tinue.

San Marcos 9:6

Aman Jesube Elíabe Moisebe cuenta quinaminlaca quirato, duque wepanalainue. Jun tenchi Pedro niyan tintsan jonunca miitoto, tsanque epele cuenta quinue.

San Marcos 9:8

Junni Jesube penenaminlari jun fiquica merasi manquiranari, Elíabe Moisebe itolajonue. Jesús mancasiri manwiruranue.

San Lucas 3:22

Junni Diosichi Tenca palomanan quiran ito pataca josa, jamochi nechi fiqui mera jominue. Itsantinue: —Nuri lachi duque munatinun naoe tinue. Nu tenchi duque son joyoe tinue.

San Juan 1:34

Junto junca quirato nulabe pánayoe tie ya Jesuri Diosichi Nao joeque. Juan israelítalabe tsanque jera cuenta quee.

San Juan 1:49

Junni Nataniélinan Jesuca Rabí tito itsantinue: —Nu Diosichi Nao joe. Israelítalachi Miya joe tinue.

San Juan 12:28

Junni Apa, tsara wepanato quirantsancari seque quede! tie yape tsachila nuca duque sen joe tilatisa. Jesús tsanque panunsi, Diosichibi nechi fiqui mera jominhe. Itsantie: —Tsanquica joyoe tie. Junsi manaman tsanqueyanae tie.

San Juan 19:7

Junni Pilato tsantinunsi, israelítala itsanlatie: —Chiquila tala mantá joe. Jun mantá tenchi totaino joe latie ya Diosichi Nao joyoe tinun tenchi.

San Juan 20:31

Weyancari pila quiyoe yape nula in pilaca quirato Jesuca quereilaisa. Jesús Diosi wenteca Cristo tinun joe. Ya Apa Diosichi Nao joe. Junca quereiminlari yachi mantate yabe numatotiya sonnato polelaiichunae. Junni nulanan junca jera quereilaisa, in pilaca quinayoe.

San Juan 5:18

Junni ya fiquica meráto, israelita mantaminlari nantanancari pailainue. Jesús jasaino mate tennatumin jotonan, junsi Diosica “Apa” tinitinue. Diosica “Apa” tinato, yari Diosibe parejo joyoe tinaminue. Jun tenchi yaca nantanancari totechi tinaminlanue.

San Juan 5:37

Junni lachi Apa laca ereno joto, laca ura paca joe tie laca ereyanaeque. Nula mantimini yaca natiya merátumin, nin quiratumin jolajoe tie.

San Juan 6:69

Nuca quereito, miicalayoe tie nuri Cristo tinun joeque, sonnamin Diosichi Nao joeque.

San Juan 9:35

Junni Jesús meraé quirano podeica junca suerelaquinueque. Junto yaca manneyato féto, yabe panhato, ¿Tsachi ica junbe cayaicayun? tie.

Mantá Tanla 1:9

Junni Jesús tsantinunsi, Diosiri yaca jamochi manlaricanue. Quiranasanan loniinue. Aman lonaminnan, lonaminnan, numa poyobi doinue.

Mantá Tanla 7:37

Junni ya Moiseri israelítalabe itsantinue tinue: Miya Diosi manca mate nulachile nechi manca tsachicaman wentechunae tinue. Lachi cuwenta yachi mantá cuwachunae tinue yape Diosichi mantate pasa. Junni yaca meránola jochunae tinue. Moisés matu to israelítalabe tsantinue.

Mantá Tanla 8:36

Junni minuse jinaminnan, pi quelole polelainue. Junni Etiopía tsachiri itsantinue: —Quirade! Ina pi poe tinue. ¿Lari mumunhino podeino joinhin? tinue.

Israelítalachi 2:1

Jun tenchi Diosichi fiquica fécari meráto, duque tennanola joyoe manpansituchun.

2 Pédrochi 1:17

Apa Diosi yaca se tito, uraran tsen isa carica jominhe. Junni Diosi duque tsaracari mantá tan joto, inni la muna tito sen joe tinun Nao joe tie.

1 Juanchi 5:20

Junsi man fiquicaman miralarayoe. Diosichi Nao patato, chiquilachi tenca cuwaca joe yape tsa Diosica mirano podeilaisa. Chiquilari tsa Diosibenan, yachi Naobenan, penenaminla joyoe. Yari tsa Diosi joto, yasiri numatotiya sonnato polesa carimin joe.

Quirajanunca 1:7

Meralaquede! Yari poyobe manpatanaminca jeralela quiralaquichunae. Yaca tileto toteminlanan manquiralaquichunae. Jerale tobi chuminla yaca manquirato warelaquichunae. Tsa joe. Tsan jochunae.