San Marcos 8:12 - Diosichi Pila

¹² Junni aman Jesuri yachi tencabi sonba wa jasa quito, aman itsantinue: —¿Ti quichun nulachiri wepanato quirantsancari seque quisa tenjalaquin? tinue. Tsarasica pachinayoe tinue: Nulachi tenchiri natiya wepanato quirantsancari seque quituanae tinue.

San Marcos 8:12 ပူးပေါင်းရင်းမြစ်များ

San Mateo 12:38

Junni israelita mantá tanlari Jesúchica jalaie. Weyanlari yala tala mantaca micariminla, weyanlari fariséola jolajominue. Junni yalari itsanlatie: —Nu micarimin jotori, wepanato quirantsancari quede! tilatie nu Diosichi mantá tan tsachi joeque miilaichun.

San Mateo 16:4

Nula piyanlela seitonla joto, Diosica puracala joe unilaca puramin sona cuwenta. Junto wepanato quirantsancari seque quinaminca quirachi tilatinae tie. Nulari junca natiya quirano podeilaituchunae tie. Junni nulari laca tsa miino muquilaquinari, matu to Jonaca tenca calaquede! tie. La Jonás cuwenta ino joyoe. Junca quirato nulari miintsan jochunae tie. Jesús tsantisi, jito polee.

San Marcos 3:5

Junni Jesús yalaca duque pa quiranue. Junsi yalari entendeituchi timinla jonun tenchi duque laquiinue. Junsi ya quiyanpun tsachibe itsantinue: —Tedeca mantuquede! tinue. Junni yari tede mantuquesi manseinue.

San Marcos 6:6

Junnan tsachila quereituminla joeque duque wepananue. Junsi Jesuri jun pueblolate jeralete micaridede nenaminue.

San Marcos 7:34

Junsi jamochi quirato, wa jasá quito, “Efata” tinue. Tsantinato, foroto meráde! tinaminue.

San Marcos 8:13

Jesús tsantisiri fariséolaca purato, wa canoabinan manwito, wa pipilu becochi jilainue.

San Marcos 9:19

Junni Jesuri yaca meráto itsantinue: —Amana mate tsachila Diosica quereituminla joe tinue. ¿Numasi fecári nulabe penenano joichunan? ¿Numasi fecári nulaca wantaino joichunan? tinue. Junni Jesús tsantisi, ataque imin náca inte tanjasa tinue.

San Lucas 19:41

Junni Jesús Jerusalén pueblo quelo féto, jun puebloca laquiito wareto