San Marcos 7:9 - Diosichi Pila

⁹ Nulachi miteri quilaquechiqueri, Diosi mantacacari telaquepono ura min jolajoe tinue.

San Marcos 7:9 ပူးပေါင်းရင်းမြစ်များ

San Marcos 7:13

Tsanquesiri nulachi miteri micarinato, nulari Diosi mantacaca epe cuwenta suwaminla joe. Junsi jun matu to mica man quiraque man quiraque jera micariminla joe tinue.

San Marcos 7:3

Junni jerale fariséolari, o junsi weyan israelítalari, numatotiya tedeca tsaletuminnan ano fino miitominlanue. Tsanque yalachi tatala micarica jominlanue.

San Marcos 7:5

Junto israelita mantaminlari Jesube panhalaquinue: —¿Niyaito nube penenaminlari chiquilachi matu tatalachi mite nenatuminla jun? latinue. Nube penenaminlari tedeca tsaletuminnan ano finato, seiton icala joe tilatinue.

Románolachi 3:31

Tsan jotonan, Jesucrístobe cayaito Diosichi mantaca epe suwalaquitiyoe. Diosichi mantaca fécari merása carinayoe.

2 Coríntolachi 11:4

Chiquilari nulaca micarinato, Jesuca paca sen fiquica seque micarilaquiyoe. Tsan josanan, uyanla micaribi jato, Jesuca jera uyan talasiri micarilaquinari, nulari yalacanan quereiniiminla joe. Junni chiquilari micarilaquinasari, Diosichi Tencari nulachibi winue. Juntonan tsan josanan uyanla micarilaquinasanan, uyan titotiya seiton tsan quiran nulachibi wichi tichunae. Junni nulari yacanan pocaniquechi timinla joe. Juntonan chiquilari nulacari Diosichi sen fiquicasiri micariminlayoe. Tsan josanan uyanlari epe fiquicanan sen fiqui joe tito micarilaquinari, nulari ya fiquicanan meraniquiminla joe.

Galácialachi 1:14

Israelítala tala matu tatalachi miteri nenachique duque tenfemin jomanyoe. La tsansi unicala tala israelítalachi mica fécari miica jomanyoe.

Galácialachi 2:21

Diosibe seichun yachi mantá chutecaca meránola jomanpari, junni Crístori epenan puyaca jono jomin jonhoe. Diosi chiquilaca epenan laquiramin jono jomin jonhoe. Ya mantaca merántsan joe tinari, Diosi chiquilaca epenan laquiraminue tinun cuwenta patichunae. La mantimini natiya tsantitiyoe.

2 Tesalónicalachi 2:4

Yari piyanle Diosi joe tinunca fe joyoe timin jochunae. Ti telenhinun cosacatiya fe joyoe timin jochunae. Diosichi yabi wito, Diosiyoe tito chudichunae.