San Marcos 7:7 - Diosichi Pila

⁷ Nulari Diosichi cale epenan telenhiminla joeque chuteca joe. Nula micarinato, tsachilachi mantacari micariminla joeque chuteca joe tinue.

San Marcos 7:7 ပူးပေါင်းရင်းမြစ်များ

San Mateo 15:9

Nulari Diosichi cale epe telenhiminla joeque chuteca joe tie. Nula micarinato, tsachilachi mantacari micariminla joeque chuteca joe tie.

San Mateo 6:7

Diosica tennatuminla Diosibe rocainato, epenan duque baren fiqui rocaiminla joe tie. Fe baren fiqui rocainaminca Diosi fe meráchunae timinla joe tie. Nula mantimini yala cuwenta itolajona! Apa Diosibe carocailaitusanan, yari numa mirae tica munaralaranunca.

1 Coríntolachi 15:14

Junni Cristo mansonhitumanpari, chiquilari epele micarimin jono jominla joinhie. Nulanan Crístobe epenan cayaica jono jominla jonhoe.

1 Coríntolachi 15:58

Junni acola, soquila, nulaca laquirato payinayoe. Nulari miralaranae Miya Jesucrístochi mantate ticatiya quinari, epe patituchunaeque. Jun techi sonban tenca joto, peleituto, Miya Jesucrístochi tenchi ticatiya seque quinilaquina! numasitiya.

Títochi 3:9

Epe fiquica mantimini merátulajona! Weyanla duque wepanato pacaaminla joe mochi alicala jonunca o matu tatala mo jominla jonunca. Duque paiminla joe. Weyanlari matu Moisés mantá chutecaca pato pacaaminlae. Junca tina merátuna! Natiya se suwatumin fiqui joe.

Santiago 1:26

Junni weyanlari Diosica tenca tayoe tinatonan, seitonque palaquichunae. Yalari epele tsantito, tencachiquenan encanailainachunae. Yala Diosica epele tenca caminla jochunae.

Santiago 2:20

Nulari tenca itolajoe. Seque nenatutori, Diosica tennano epe jochunae. Aman junca miino muquilaquinari, in fiquica meralaquede!

Quirajanunca 22:18

Inbi chuteca jun fiquiri Diosichi mantate paca jun fiqui joe. Junni la Juan in fiquica meráminlaca payichinayoe: In fiquica uyan fiquibe palalaquinari, Diosi yalaca duque casticaquichunae. Inbi padeseinanunca chutecaca yalari fécari duque padeseilaichunae.